- panchmesh (surya), tritiyesh (budh), evan shashthesh (budh), navmesh (guru) evan dashmesh (shani), pratyaksh ya paroksh kisi n kisi rup men pita evan pita ki sanpatti ke karak hain.
- guru evan surya, guru evan budh tatha guru evan shani kisi bhi bhav men sath-sath baithe hon to ve pita ya pita ki sanpatti se koi sarokar nahin rakhte, parantu ve apne se sanbandhit vastuon evan vyavsayon ko purn rup se prabhavit kar sakte hain, kintu apne sanbandhiyon ko prabhavit nahin karte. ve keval jatak ke vyaktigat jivan aur kushl-kshem ko hi prabhavit karte hain. budh evan surya, budh evan shani tatha surya evan shani yadi sath-sath baithe hon to bhi ve aisa hi acharan karte hain. budh evan surya, budh evan shani tatha surya evan shani yadi sath-sath baithe hon to bhi ve aisa hi acharan karte hain. jo grah ek bhav men baithe hon aur ve paraspar shatru hon, fir bhi vah shatruta ka bartav nahin karte, lekin ve bhale evan maddgar bhi nahin ho sakte tatha ve ek-dusre ke fal ko prabhavit nahin karte hain. ve apna-apna fal dete hain, parantu yuti ke karan unke fal nahin badlte hain.
- mitra grah ek hi ghar men sthit hokar adhimitra ban jate hain, tab ve ek-dusre ke achche fal men vriddhi karte hain. ve tatasth udasin nahin bante hain.
- kundli ka saptam bhav budh ka sthai bhav hota hai isilie budh jab tak sthai bhav men hota hai, tab surya, mangal, guru ya shani dusre, gyarhven, pratham, chaturth, saptam, dasham bhavon men baithakar bhi jatak ke svasthya par bura prabhav nahin dal sakte.
- yadi stri grah shani ke sath ek hi bhav men hon aur anya koi grah apni drishti se niyamanusar unhen dekhta ho to drisht grah pirit ho jaega tatha drisht grah jin-jin sanbandhiyon ka karak hoga, ve sab musibton men par jaenge, parantu drisht grahon se sanbandhit rishtedar surakshit rahenge.
- jab tak koi pareshani n ho, tab tak svagrihi, uchchagrihi evan pakke bhav ka grah shubh fal hi deta hai aur shatru grihi ya nichagat grah ashubh fal deta hai. sthai bhav vala grah yadi anya kisi ghar men ho aur uske pakke ghar men shatru grah ghus jae to sthai bhav vala grah jis bhav men baitha ho, uske fal ko bigar deta hai.
- lagn, saptam, ekadash evan ashtam bhavon ka ek sath parikshan karna chahie, kyonki yah bhav paraspar ghanishthata se sanbandhit hai. yahan par lagn men sthit grah shasakavat hota hai.
- saptam bhav men sthit grah uske mantri ke saman hote hain. athven bhav men sthit grah uski ankhen (drishti) hote hain tatha gyarhven bhav men sthit grah pair hain. yadi lagn men keval ek grah ho aur saptam bhav men jyada grah hon to raja (lagnasth grah) apne mantriyon par pura niyantran nahin rakh paega aur yadi gyarhven bhav men sthit grah uske shatru hue to ve raja (lagnasth grah) ke adesh nahin manenge aur karya bhi apni man-marji se karenge, jisse uske fal bigar jaenge. ashtam bhav men sthit grah netron ki bhanti mantriyon ko marg dikhlate hue, niyantrit rakhte hue chalate rahte hain.
- yadi lagnasth grah evan ashtamasth grah apas men mitra hue, tab saptam bhav men baithe grah koi shararat nahin kar sakte hain. sanpatti ka achcha faldata saptam bhav men mangal mana gaya hai.
- yadi ashtam bhav men budh hua to vah mangal ke marg men rora atkaega, parantu yadi mangal saptam bhav men ho aur budh lagn men ho to sanpatti milne ka saval hi paida nahin hota. iska pramukh karan yah hai ki mangal to donon hi sthitiyon men sanpatti dega, kintu budh lagn men hua to vah sanpatti ko nasht kar dega arthat yah sab jatak ki apni murkhata (lagnasth budh) ke karan hoga, kyonki vahan par budh jatak ka karak hai.
- yadi budh ashtam bhav men hua to sanpatti ki hani agyat karnon se hogi, kyonki ashtam bhav men jo grah hote hain, ve gupt rup se hi jatak ke karyon ko sanchalit karte hain, jatak ka un par koi vash nahin hota hai. isi prakar yadi lagn evan gyarhven bhav men sthit grah mitra hue to ve saptamasth grahon par pura niyantran rakhanege, jisse fal achche honge, parantu yadi shatru grah hue to fal bure hi honge.
- lagn men sthit grah saptam bhav men sthit grahon ko purn drishti se dekhte hain. yadi ve paraspar shatru hue to jatak ki apni murkhata ya nalayki ke karan fal bigrte hain.
- ashtamasth grah najar bhi rakhte hain to ismen saptam bhav men sthit grahon ki durbhavna ke karan nahin, balki islie ki paristhitiyan unke niyantran se bahar ho jati hain.
- ashtam bhav ke grah piche murakar dusre bhav ko dekhte hain aur ve dusre bhav men sthit grahon ke fal ko banate ya bigarte hain. yadi gyarhven bhav men sthit grah ashtam bhavasth grahon ke shatru hue to vah unhen bigar khata nahin karne dete. yadi ashtam bhav men sthit grah dvitiya bhav men sthit grahon ke mitra hue to ve dusre bhav par sidha prabhav dalte hain.
û dvitiya bhav men sthit grah chathe bhav men sthit grahon ko dekhte hain aur unke fal ko prabhavit karte hain. udhar chathe bhav men sthit grah ashtam bhav men sthit grahon ko dekhte hain aur unke fal ko prabhavit karte hain. udhar chathe bhav men sthit grahon ka ashtam bhav men sthit grahon se gupt sanbandh hone ke karan ve dusre bhav men sthit grahon ko bhi prabhavit karte hain. barhven bhav men sthit grah bhi dusre bhav ko prabhavit karte hain. islie inhen sadhu evan samadhi kaha gaya hai. kabhi-kabhi sadhu bhi samadhi ko prapt kar leta hai. shashtham bhav men sthit grahon ki adrishya shaktiyan tatha rahasyamay shaktiyan athven bhav ko prabhavit karti hain, kyonki chatha bhav patallok tatha athvan bhav rahasyamay duniya kahlata hai. in donon gharon ki gupt shaktiyan milakar jatak par apratyashit hamla karti hain. mahan vipatti ke samay jatak ko jis vyakti se sahayta ki asha hoti hai, vah ya to ganbhir rup se bimar ho jata hai ya durghatana ka shikar ho jata hai athva anya karanavash bilkul vivash ho jata hai tatha ukt samay par jatak ki sahayta ke lie nahin pahunch pata hai, jiske karan jatak ka bara anisht ho jata hai. yadi chathe bhav evan ashtam bhav men sthit grah dusht grah hue to yuti ke karan unki dushtata das guni barh jati hai.
- chathe evan athven bhav ke grah gupt rup se milibhagat karke gyarhven bhav ke grahon ke marg men apna vish rupi bura prabhav dusre bhav men dal dete hain. yadi dusra bhav khali (athva koi grah vahan n baitha) ho, tab koi bura prabhav nahin parta hai. yadi dvitiya evan dvadash bhav men shubh grah hon, tab bhi koi bura prabhav nahin hota hai. durbhagya se jatak ko koi kasht ya nuksan ho raha ho, tab vah kshati ya kasht thore samay ke lie hota hai, parantu kisi agyat srot se jatak ko akasmat sahayta mil jati hai aur dusra bhav purvavat sakriya ho jata hai.
- yadi barhven evan athven bhav men sthit grah paraspar shatru hue, tab jatak ko puja sthanon men nahin jana chahie, kyonki dusra bhav puja sthan mana gaya hai. mandir, pujalay adi adrishya prabhav ke sthan hain, atah grah sthiti men vahan par jane se durbhagya ka rakshas chupke se chipat jaega.
û yadi dvadash bhav evan ashtam bhav men sthit grah paraspar shatru hain aur dusre bhav men atyant shubh grah hon, tab jatak ko puja sthanon men avashya jana chahie, kyonki aisa karne par durbhagya ke aghat se raksha hoti hai. use devta ko sir navakar charanasparsh karna chahie.
û tritiya, ekadash, pancham, navam, dasham bhavon ke avlokan se jivan men utar-charhav ke samay ka gyan hota hai. jatak ke vayask hone aur chote bhai ke janm ke bich ka sthan avdhi evan jatak ke mata-pita ke sanbandh men bhi inhin bhavon se gyan prapt kiya jata hai.
û tritiya bhav men yadi koi grah ho to vah jatak ke chote bhai ke samay se lekar jatak par apna prabhav dikhana aranbh kar deta hai. yadi navam evan pancham bhav men shani, rahu ya ketu ho to bachche ke janm ke samay se jatak ke jivan men badlav anubhav hota hai. yah badlav jatak ke bhale ke lie nahin hota hai. yadi pancham bhav men rahu, ketu, shani hon aur athven bhav men unka shatru grah ho to jatak ke dukh, dard, kasht kai guna barh jate hain. aisi sthiti men gyarhven bhav men baitha grah musibton ko barhane men hi yogdan deta hai.
û yadi navam bhav men shubh grah baithe hon tatha dvitiya bhav khali ho (koi grah n ho) tab jatak ko koi labh nahin hota hai, kyonki navam bhav mahasmudra ke saman hai, jismen se saubhagya ke badal uthte hue dusre bhav men sthit grah (jo parvat ke saman hai) se takrakar saubhagya ka amrit-jal barsate hain. yadi dusre bhav men koi grah n ho, tab jatak ke upar saubhagya ki varsha nahin ho pati hai.
û yadi dasham bhav evan dvitiya bhav khali ho to chaturth bhav dvara niyat shubh fal vyarth chale jaenge arthat bhavishyarupi samudra hi sukha rah jaega jisse jatak ka jivan niras ho jaega aur yadi kuch badal asha ki kirnen banakar aen bhi to unhen rokakar varsha karvane vala parvat n hoga.
û yadi tisre evan naven bhav men bure grah hon to pancham bhav bhi bura fal dega. yadi navam bhav men surya ya chandrama ho to panchvan bhav bhi shubh fal dega. yadi pancham bhav men rahu ya ketu hon aur athven bhav men unke shatru grah hon to gyarhven bhav ke madhyam se durbhagya ki prabal chot paregi tatha ashtam evan pancham bhav men sthit grahon dvara sanketik sanbandhi prabhavit honge. yadi isi grah sthiti ke rahte hue dusra bhav khali ho, tab jatak ki kamai par dushprabhav parega aur use koi nahin bacha sakega kyonki dasham bhav evan pancham bhav men sthit grah bhi krur ho jaenge, chahe unki naisargik sthiti kaisi bhi ho. yadi navam bhav men surya ya chandrama ho to pancham bhav men rahu ya ketu bachchon par ya svayan jatak par bura prabhav nahin dal paenge.
û dusre, chaithe evan dusre bhav ki ek sath pariksha karni chahie, kyonki navam bhav jatak ke is janm se pahle jivan ka sanket deta hai. yah jatak ke achche-bure sanchit karmon ko prakat karta hai. unhin ke falasvarup jatak is jivan men sukh ya duahkh bhogta hai.
û sabhi karmon ka fal ek samay men nahin milta hai, atah jatak jin karmon ka fal is jivan men bhogta hai, unhen prarabdh kahte hain. iska sanket dasham bhav se milta hai aur fal dvitiya bhav ke madhyam se chaturth bhav dvara hota hai. yadi chaturth bhav khali ho to dusre evan dasham bhav dvara sanketik fal se jatak vanchit ho jata hai, kyonki jatak ko pahle to sab taraf se asha-hi -asha ki jyoti dikhai deti hai, kintu antim kshanon men asharupi bijli gul ho jati hai jisse jatak ke age ghor nirasha ka andhkar cha jata hai. yadi ashtam bhav men khote/bure grah hon to ve apna dushfal jarur dete hain, kintu yadi dusre bhav men achche grah hon to ve agyat evan apratyashit srot se bhi sahayta le ate hain. yadi dasham bhav khali ho, to dusre bhav men sthit grah bahut achcha fal bhi nahin de pate. yadi dvitiya evan dasham bhav khali ho to chaturth bhav men uttamottam grahon ke falasvarup mrigtrishna hi palle parti hai.