yadi mata-pita ke hathon men jivan rekha ka jor shrinkhlabaddh hokar lanba ho ya dabav par raha hai to inke bachchon ki nirnay shakti kamjor payi jati hai. inhen kisi bhi kam ke liye dusron par nirbhar rahna parta hai. inke liye vyavsay karna bhi kathin hota hai. ye jaldabaj hote hain aur inki parhai adhuri rah jati hai. agar ungli choti ho to mansik sthiti par bhi prabhav parta hai. yadi mastishk rekha aur adhik dur tak ho aur donon bilkul alag ho to aisi santan samjhdar hoti hai, pratyek karya ko soch samajhakar karti hai, shighra nirnay leti hai. agar hath jyada lanba ho to vicharte jyada hain, karya ko karne men samay jyada lagate hain.
jivan rekha golai liye aur mastik rekha uchch ke chandrama par ja rahi ho aur hriday rekha bhi achchi ho aur shani ko chu rahi ho to yadi aise bachchon ko sahi rasta mile to jagat men apni achchi pahchan banate hain, bahut hi unnati ke shikhar par chale jate hain. mastishk rekha agar mangal ki or ja rahi ho to yah yogya santan ke lakshan hain. in logon ke bachche shiksha ke kshetra men bahut saflta prapt karte hain. agar mastishk rekha jivan rekha se alag ho to ye vyavsayik shiksha lete hain. yadi brihaspati kshetra unnat ho, mastishk rekha brihaspati se nikal rahi ho, ungli patli ho to apne gunon men achche hote hain. chatur vak shakti hoti hai, ye bachche netagiri men bhi ate hain.
yadi kisi ke pita ka brihaspati kshetra achcha, surya ki ungli sidhi ho, guru ki ungli surya ki ungli se bara ho to inko dhire-dhire tarakki milti hai. shiksha to puri karte hain kintu koi n koi samasya ati hai jisse shiksha prabhavit hoti hai. yadi hriday rekha dushit ho, sath men mastishk rekha bhi dushit ho, shukra kshetra aur chandra kshetra jyada ho to parhai men kam dhyan dete hain. aise bachchon par shiksha ke liye adhik dabav dalna chahiye. yadi pita ke hath men mastishk rekha ekadam murakar, jhukakar jaye to inki santan bhi bhavuk hoti hai.
choti-choti baton ko man par lagane ki adat hoti hai. shani ke niche rekha tuti ho ya koi dvip ho to shiksha adhuri rah jati hai. yadi mastishk rekha chandra ke thik bich men ja rahi ho, brihaspati kshetra uchch ho, hath naram, rang saf, gulabi ya safed ujjval ho to bachche shiksha men achcha nam karte hain aur adhyatm ki or bhi kuch n kuch avashya hi karte hain.
yadi hath terha ho, kala ho ya jyada lal rang ka ho to santan men choron vali harktane ati hain, shiksha adhuri rahti hai, chori chakkari ke adi ho jate hain. yadi bhagya rekha par dvipyukt rekha ho to har kshetra men rukavat, kasht uthane parte hain tatha vyapar men, vivah men bhi badha ati hai. yadi bhagya rekha achchi ho, ek se jyada ho to santan yogya banti hai. hath achcha gulabi rang ka ho to ay ke sadhan bachchon ko virasat mane milte hain.