shatashvamedhen kriten punyan, gokotibhiah svarn sahastra danat nrinan bhavetsutak darshanen, yatsarvatirtheshu krita bhishekat.. arthat 100 ashvamegh yagya, koti gayon ke dan, anek svarn mudraon ke dan tatha char dham ki yatra v tirth snan se jo punya milta hai vah punya parad shivling ke darshan matra se prapt ho jata hai. jab parad se bane shivling ki puja vidhi vidhan, purn vishvas v utsah ke sath ki jati hai to sharirik, mansik v adhyatmik unnati hoti hai sath hi prakritik apdaon v anya bahri dushprabhavon se raksha bhi hoti hai. sant gyandev ke anusar saflta v unnati prapti ke uddeshya se parad shivling rakhna sarvashreshth hai. adhunik yug men vyakti sab kuch kharid sakta hai lekin pavitra kiya hua, bhali bhanti pujit, yantra siddh v pran pratishthit shivling kisi virle bhagyashali ke pas hi ho sakta hai. sansar ke sabhi sadhu, mahatma purushon ne ye mana hai ki parad shivling ke sparsh v pujan se sabhi prakar ke sansarik, adhyatmik sukhon ke sath-sath moksh ki prapti bhi sulabh ho jati hai. isi karan se sabhi aishvaryavan log, rajnitigya, filmi sitare, sadhu sannyasi adi sabhi shuddh parad shivling ki prapti ki ichcha rakhte hain.
ayurved v anya pauranik granthane se uddhrit nimnankit shlokon dvara uprokt vishvas ko bal milta hai - vibhinn shastron men aise vividh ullekh milte hain jiske anusar yadi parad shivling ko ghar ke puja sthal, pavitra samajik sthal ya kisi mandir men sthapit kiya jay to iske shubh prabhav se sakaratmak urja, samriddhi ki prapti tatha bhagvti lakshmi ke sannidhya se n keval sthapit karne vala apitu uski ane vali pirhiyan bhi labhanvit hoti hain. iske atirikt vyakti ko uske sharirik, adhyatmik athva manovaigyanik kashton se bhi chutkara mil jata hai. shastron men aisa bhi kaha gaya hai ki suyogya guru athva bhagvan shiv ki kripa se hi parad shivling ki prapti hoti hai tatha vyakti ko saubhagya v shubh karmon ke sanpadan men saflta ke sath-sath ant men param moksh ki prapti bhi hoti hai.
rasmartand men likha hai - bhali bhanti shuddh v puja kiye gaye parad shivling ke darshan v puja ka fal anya koti prakar ke shivling se koti (karor) guna adhik hota hai. bhagvan shiv ke kathnanusar iske darshan v sparsh matra se brahmahatya, gau hatya jaise jaghanya papon se turant hi mukti prapt ho jati hai. rasaratnasamuchchay granth ke anusar parad shivling ke darshan matra se ayushya, samriddhi ki prapti tatha sabhi papon se mukti prapt hoti hai. jo vyakti shraddhapurvak parad shivling ka pujan karta hai use tinon lokon men pratishthit shivling ki kripa prapt hoti hai tatha vah sabhi papon se mukt ho jata hai. parad shivling ke sparsh, dan, dhyan v pujan se is janm v purva janmarjit sabhi papon ka nash ho jata hai.
yogshikhopnishad granth ke anusar - parad shivling mahaling tatha shiv ki shaktiyon ka nivas sthal mana jata hai atah iski prapti se aishvarya v sarvavidh saflta prapt hoti hai.
sarvadarshan sangrah granthanusar - bhagvan shiv ne parvati se kaha ki jo vyakti parad shivling ki puja karega bhay, mrityu adi uske samip nahin a sakte tatha uske ghar men kabhi bhi daridraî nahin a sakega.
brahmapuran ke anusar - brahman, kshatriya, vaishya v shudra sabhi jan shivling ki puja karke unka ashirvad prapt kar sakte hain.
brahmavaivart puran ke anusar - jabatak is brahmand men chandra v surya rahenge tab tak iski puja karne vale manushya ko jivanaparyant sabhi sukh jaise dhan sampati, samriddhi, saflta, samman, satkar, santan, sadbuddhi adi prapt hote hain v ant men moksh labh hota hai.
shivpurananusar - parad shivling ka archan gau hatya, bhrun hatya tatha anya pap karm jaise mata-pita v dusron ko kasht pahunchana adi pap karmon se bhi mukti deta hai.
vayavya puran ke anusar - parad shivling ki puja, archana karne se ayu, arogya tatha anya sabhi ichchaon ki purti ho jati hai. sharangadhar sanhita adhyay 12 sutra 1 ke anusar parad shivling men samast adhyatmik shaktiyan yatha vaibhav, ashtasiddhi, navnidhi adi sabhi shaktiyon ki pavitrata nihit hain. eknath bhagavat adhyay 15 v ras ratn sammuchchay ke anusar - jis prakar kisi devta ki puja, archana karne se manushya anand vibhor ho jata hai aur us devta ki puja ke prabhav se utpann hone vale vatavaran se anek prakar ke dosh shant ho jate hain usi prakar ka anubhav parad shivling ke darshan matra se sulabh ho jata hai. ismen age kaha gaya hai ki is prakar ke amritamay v pavitra tatha durlabh parad shivling ki avashya hi puja honi chahie. iski puja, archana karne se manushya ko n keval anant anand ki prapti hoti hai apitu rog, shok, pira, janm, jara, mrityu adi se bhi nivritti ho jati hai. parad shivling ko shivashakti ki sanyukt shakti ka upotpad mana jata hai. rasarnav tantranusar - parad shivling ki puja karne vale manushya ko dharm, arth, kam aur moksh chaturvidh purusharth svatah sulabh ho jate hanai. age kaha gaya hai ki parad shivling ki upasna se prapt hone vali prasannata v aishvarya anya prasiddh shivlingon se koti guna adhik hoti hai.
shivnirnay ratnakranusar - svarn se bane shivling ki puja se prapt hone vala punya patthar se bane shivling ki puja se koti guna adhik hota hai. ratn se bana shivling svarn shivling se prapt hone vale punya ka koti guna adhik shubh faldayi hota hai. banling narmadeshvar se bana shivling ratn nirmit shivling se koti guna adhik punya deta hai. ant men kaha gaya hai ki purnataya shuddh kiye gaye pare se bana shivling banling narmadeshvar se koti guna punyafldayi hota hai. is prakar yah spasht ho jata hai ki parad shivling vibhinn prakar ke anya shivlingon men sarvashreshth hai. iske jaisa prabhavshali shivling koi anya n hai n hoga. anek dhatuon evan kashth tatha patthar evan ratnon se bhi shivling ka nirman hota hai. sarvadhik mahatva parthiv shivling evan parad shivling ka hai. parthiv shivling mitti se nirmit kiya jata hai tatha parad shivling para drav ko thos banakar nirmit kiya jata hai. parad shivling ka sparsh karne matra se anek rogon se mukti milti hai. iska abhishek karne se anya shivlingon ki apeksha hajaron guna adhik fal milta hai. ise ghar men sthapit kar nitya bilva patra arpit karne se dhan ki vriddhi hoti hai. parad shiv ling par pani ka asar nahin hota. ise dhup men dekhne par indradhnushi abha dikhai deti hai. parad apne ap men siddh padarth mana gaya hai. ratn samuchchay men parad shiv ling ki mahima ka vishad ullekh hai. iski aradhna se sabhi rog dur ho jate hain. nishkarshatah parad shivling v anya parad nirmit murtiyon ki sadhna se saflta shighra prapt hoti hai. vartaman bhautik yug men vividh kshetron men sadhnarat jatak chamatkari safltaen pate dekhe gaye hain. jivan to aisa vilakshan kshetra hai, jo jar jagat ke kisi mulyavan ghatak se adhik bahumulya hai. shiv puran men pare ko shiv ka paurush kaha gaya hai. iske darshan matra se punyafal ki prapti hoti hai.
yahi karan hai ki shastron men ise itna adhik mahatva diya gaya hai. upyog evan labh jaise ek hi rog ki hajaron davaiyan hoti hain, usi prakar parad samagri ka upyog bhi anek prakar se kiya ja sakta hai, jaise samagri ke sammukh stotra, mantra, kavach, pujan, jap, abhishek, samanya rup se naman, sparsh evan darshan adi jatak ko labh pradan karte hain. yah dhatu shiv ki hai, atah shiv ke kisi bhi mantra dvara iski puja ki ja sakti hai.
parad samagri - ek najar men
1. pardshivling - sabhi kshetron men saflta
2. parad lakshmi - dhan ki prapti
3. parad ganesh - vighn nash, riddhi, siddhi v dhan ki prapti
4. parad shriyantra - sundrta, dhan, gyan
5. parad piramid - nakaratmak shakti ko dur karne tatha vastu men sudhar hetu
6. parad lakshmi ganesh - sabhi tarah ki saflta
7. parad shiv - bimari se chutkara, mrityu aur ganbhir khatre se bachav
8. parad shankh - bhagyonnati
9. parad durga - duahkh, rog aur daridraî se mukti, shatru nash
10. parad shiv parivar - charon or saflta aur kalyan
11. parad lakshmi paduka - lakshmi ka ashirvad prapt karne ke lie
12. parad vaibhav lakshmi chaiki - lakshmi prapti
13. parad hanuman - shakti, bal, suraksha, shatrunash
14. parad panchmukhi hanuman - shakti, bal, suraksha, shatrunash
15. parad goli - akasmik durbhagya se suraksha
16. parad kartikey - shatrunash, mukdme adi men vijay parad shivling ki parkh
* parad shivling ka pratyaksh praman sparsh karne matra se pata chal jata hai iska tapman bahut kam hota hai.
* parad shivling ko chune se barf ke saman thanda aur vajan men yah bahut bhari hota hai.
* parad shivling ko maikroskop se dekhne par ismen kuch chote-chote dhabbe dikhte hain.
parad shiv parivar bhartiya sanskriti men shiv parivar ki sthapna ka bara mahatva hai. shiv parivar ki sthapna sabhi prakar ke kashton se chutkara dene vali tatha sukh-samriddhi v vaibhav ki prapti karati hai. shiv parivar men bhagvan shiv, parvati, ganesh, kartikey v nandi sabhi sath hote hain. dampatya sukh v santan prapti ke lie parad shiv parivar ki puja atyant hi labhkari hoti hai. adhikatar hindu parivaron men iski sthapna hoti hai. iski sthapna shivratri, pradosh, nagpanchmi adi shubh muhurton men ki ja sakti hai. parad shivling v parad shiv parivar ki upasna hetu nimnankit mantra ka pratidin 11 athva 108 bar jap karen.
mantra: om trayambakam yajamhe sugandhim pushtivardhanam. urvarukmiv bandhanan mrityormukshiya ma'mritat.. parad lakshmi inki kripa se dhan prapti men ane vali sanpurn vighna-badhaen nasht hoti hain jisse dhanagam ke dvar khul jate hain. parad dhatu svayansiddh dhatu hone se is se bani dev murtiyon ki vishesh puja, pran pratishtha adi karne ki avashyakta nahin hoti. is dhatu men bani lakshmi ki puja karne se shighra dhan prapti ke avasar prapt hote hain. parad lakshmi ko apne ghar ke atirikt vyavsay sthal, faiktri, dukan, karyalay adi men bhi sthapit kar sakte hain. inke prabhav se amdni men vriddhi, vyavsayik sanparkon men sudhar hota hai.
mantra: om mahalakshmyai ch vidmahe vishnu patnyai ch dhimhi tanno lakshmi prachodyat. parad ganesh ganesh ji riddhi-siddhi v buddhi ke data, sakal vighnon ke vinashak hain. parad ganesh ji ko apne ghar ke atirikt vyavsay sthal, faiktri, dukan, karyalay adi men bhi sthapit kar sakte hain. inke prabhav se samast vighnon ka shaman, amdni men vriddhi, vyavsayik sanparkon men sudhar v vyapar men vriddhi hokar aishvaryashali jivan vyatit hota hai.
mantra: ekdantay vidmahe vakra tunday dhimhi tanno danti prachodyat.. parad shri yantra shri yantra ko sthapit karne se arthik sthiti men sudhar hota hai. is yantra ke prabhav se jivan ke anek abhav dur hote hain. yadi naukri men adhikariyon se matbhed, manmutav tatha tarakki men vilanb ho to ye badhaen dur hoti hain.
mantra- un shrin hrin klin kamle kamlalye prasid prasid shrin un hrin shrin mahalakshmyai namah. parad piramid vibhinn dishaon se pravesh karne vali akashiya urja avruddh hone se vastu ke niyam bhang hote hain tatha akashiya urja ki kami ho jati hai. ise vastu dosh kahte hain. dusre shabdon men yah bhi kaha ja sakta hai ki jin gharon men akashiya urja avruddh, ya prabhavit hoti hai, un gharon men vastu dosh mana jata hai. vastu dosh ko kam karne tatha akashiya urja barhane ke lie anek upay karne hote hain, athva ghar ko punah tor kar naye dhang se banana hota hai. aisi sthiti men arthik hani bhi hoti hai. parad piramid alp mulya ka upay hai. ghar, karyalay athva koi bhi karyasthal ho, vahan yah piramid rakhne se akashiya urja adhik milti hai, jiske falasvarup sharir ki anek bimariyan dhire-dhire nasht ho jati hain, ghar men shanti ka vatavaran bana rahta hai, arthik sthiti svatah sudhrne lag jati hai tatha vyakti dirghayu aur sukhi jivan vyatit karta hai. parad lakshmi ganesh lakshmi evan ganesh ji ka arthik samriddhi ke lie vishesh mahatva hai. parad lakshmi ganesh ki puja archana se dhan prapti men ane vali sanpurn vighna-badhaen nasht hoti hain jisse dhanagam ke dvar khul jate hain.
mantra: om lakshmi vinaykay namah. parad shiv bhagvan shiv parmyogi, parmguru, parmeshvar, mrityunjay, mahadev, sarvashaktiman, trailokya svami adi namon se jane jate hain. parad shiv ki upasna ya darshan matra se vyakti ko saikron gayon ke dan, hajaron svarn mudraon ke dan tatha kashi adi tirthon ke snan karne jitna fal milta hai. bhagvan shiv svayan kahte hain ki jo meri aradhna karta hai uske ghar men kabhi daridrata nahin ati n hi jivan men use mrityu bhay rahta hai. parad shiv ki puja se vyakti ko yash, man, pad, pratishtha, putra adi men purnata prapt karte hue ant men mukti ki prapti hoti hai.
mantra: om namah shivay. parad shankh parad shankh ko bhagvan kuber ka pratik mana jata hai. iska nitya puja-path v anya vaidik anushthanon men pujan kiya jata hai. shankh ko devtaon ka pratik manakar puja jata hai. parad shankh ki sthapna se vyakti ko mansik shanti v adhyatmik unnati ki prapti tatha chirasthayi lakshmi ki kripa prapt hoti hai. aisi bhi manyata hai ki parad shankh ki sthapna se vastu doshon ka nirakaran bhi hota hai. parad durga parad durga ki sthapna v puja se chor bhay, pret bhay, shatru bhay, rog bhay, bandhan bhay adi se chutkara paya ja sakta hai. iske atirikt shaktiman, bhumivan banne v sabhi siddhiyon ki prapti ke sath-sath chaturvidh purusharth hetu inki upasna karni chahie.
mantra: om ain hrin klin chamundayai vichchai. parad lakshmi paduka parad dhatu men bani lakshmi padukaen vishesh shubhdayi mani jati hain. ghar men athva vyavsay sthal par inka pujan karne se arthik sthiti majbut hoti hai. in charan padukaon ko bichakar man hi man devi lakshmi se apne ghar men athva vyavsay sthal adi men sthir rup se padharne ki prarthana karen. in padukaon men ankit samast chihn jaise- svastik, kamal, kalash, chakra, matsya, trikon, trishul, shankh, surya, dhvaja adi shubh evan labh ke pratik hain. nitya unhen pranam karen, darshan karen aur sir par sparsh karen. is prakar, nitya pujan, darshan adi karne se ghar men lakshmi ka vas bana rahta hai. parad vaibhav lakshmi chaiki yah chaiki parad dhatu se nirmit hai, iske asan par yantra raj shriyantra bana hai tatha upri bhag par asht lakshmi ke chitra ankit hain. is siddh chaiki par yantra hamesha jagrit rahta hai, jiske prabhav se jivan men dhan, vaibhav ki kabhi kami nahin hoti. parad hanuman parad dhatu se nirmit parad hanuman ji ki puja kisi bhi prakar ki sharirik, mansik samasyaon, vad-vivad, bhut-pret v vahan durghatana tatha shani, rahu ke dushprabhavon adi ko dur karne men vishesh labhkarak hai.
inki puja ke lie manglvar ko hanuman chalisa, ramchrit manas v sundar kand ka path avashya karen. aisa karne se vyakti ko manovanchit fal ki prapti hoti hai. mantra: han hanumte rudratmakay hun fat. parad panchmukhi hanuman yah shatrunash, kort kachhri ke mamlon men vijay, vahan durghatana v rog se raksha ke atirikt upri badha, buri najar, jadu tona ityadi se raksha men atyant prabhavshali hote hain. chinta, bhay, mansik tanav, duahkh, daridraî, sankat, khatra v durbhagya nash ke lie panchmukhi parad hanuman ki upasna sarvashreshth hai. iske lie nimnankit mantra ka jap karen - mantra: han hanumte rudratmakay hun fat.
parad goli ise jadu, tona, buri najar tatha akasmik durbhagya se suraksha hetu jeb men rakha jata hai. iske atirikt ise anaj ki vibhinn prakar se kiton se raksha ke uddeshya se krishak apne anaj bhandaron men rakhte hain. parad kartikey kartikey bhagvan shiv ke putra hain. parad kartikey ki sthapna v pujan se bhagvan shiv v mangal grah ki kripa hoti hai. vad -vivad, shatrunash tatha kort kachhri ke mamlon men bhi saflta prapt hoti hai. nishkarsh parad samagri ghar, vyavsay, vahan adi men rakhne se uski daiviya shakti jatak ko labh pradan karti hai. ghar men parad samagri rakhna jyada uchit hota hai. parad samagri ka tapman hamesha hi nyunatam hota hai, jise chute hi uski gunavatta ka abhas ho jata hai. parad dhatu men ve anupam evan asimit gun paye jate hain, jo manav jivan ke lie atyant avashyak hote hain. parad se nirmit vastuon ko sukshmata se dekhne par un par chote-chote dhabbe dikhte hain.
vajan men yah lohe se solah guna adhik bhar ka hota hai. parad samagri ko barf ke bich men rakhne se vah apne bhar ke anupat men barf ko shoshit kar leta hai. parad samagri ke nirman men atyant kathinaiyan ati hain. anek aushdhiyon ke sanyog, mishran, gharshan evan vimlikaran se ise thos banaya jata hai. thos hone par ise alaukik, durlabh, mulyavan evan shuddh mana jata hai. parad taral hota hai, iski visheshta yah hai ki yah apna rang har dhatu par charha deti hai chahe sona, chandi, pital, tanba adi koi bhi dhatu kyon n ho. shivpuran men para dhatu ko bhagvan shiv ka virya kaha gaya hai. shastrakaron ne ise sakshat shiv kaha hai.