hastarekha aur motapa v anya rog bharti anand aj ke mashini yug men jan manas ki dinacharya bhi ek mashin ke saman hokar rah gai hai. har vyakti dan rat kam hi kam men laga rahta hai. samyabhav ke karan vah prakriti pradatt upharon jaise svachch vayu, svachch jal, surya ki kirnon ka surya uday ke samay milne vala prakash aur ushnata, shuddh vitaminon adi ke labh se vanchit rah jate hain. svachch vayu ke badle ham earkandishanar men rahna pasand karte hain, rat der se sote hain aur subah tab uthte hain jab surya ki kirnen tivra hokar apni upyogita kam kar chuki hoti hain. shuddh jal ke badle ham kola aur nashile pey padarthon ka sevan karne lage hain. shuddh aur taje falon tatha sabjiyon ka sthan jank fud aur fast fud ne le liya hai. yahi karan hai ki aj motape aur daybitij ki shikayat am ho chali hai. ham purn rup se prakriti ke viruddh chal rahe hain aur hamara sharirik svasthya aur saundarya apne saudgathav ko chorakar barhti hui charbi ke karan pratikul hota ja raha hai. sath hi tanavpurn mashini jindgi ke karan ham daibitij tatha is jaise anya rogon ke shikar ho jate hain.
in dushparinamon par jab hamara dhyan jata hai, tab tak bahut der ho chuki hoti hai aur ham inhen dhone ko lachar ho jate hain. in bimariyon se mukti aur bachav men anya chikitsaon ki bhanti hamare hath ki rekhaen bhi sahayak ho sakti hain, kyonki ye rekhaen hamari draaririk sanrchna ka aina hain. ham kinchit dhyan dekar in rekhaon ke vishledgan se ho chuki aur hone vali bimariyon ki sthiti ka pata lagakar unse mukti aur bachav ka upay kar sakte hain. yahan motape, daybitij tatha kuch anya am rogon ke lakshanon ko darshane vali rekhaon tatha anya chihnon ka vishledgan prastut hai, jise parhakar ek am pathak bhi labh utha sakta hai. yadi mastishk rekha chandra kshetra par jae, hath naram ho, rahu aur shani dabe hue hon, to yah lakshan daibitij ka suchak hai. yadi bhagya rekha moti se patli ho aur use rahu rekhaen kat rahi hon to yah motape v daibitij donon ka lakshan hai. yadi mangal kshetra par bahut adhik kat fat ho, mastishk rekha dvibhajit ho aur usmen dvip ho, to yah shugar ka lakshan hai. ayu dekhakar yah pata lagaya ja sakta hai ki kis umra men yah lakshan apna prabhav dikha raha hai.
jivan rekha khandit v adhuri ho aur usmen dvip ho, bhagya rekha jivan rekha ke pas ho aur donon rekhaon ko moti-moti rekhaen kat rahi hon, to vyakti ko n shugar ke sath-sath anya kai rog hone ki sanbhavna bhi rahti hai. hath sakhat ho, angutha v ungliyan age ki taraf jhuki hon tatha shani, mangal aur rahu dabe hon, to vyakti ko daibitij ke atirikt pet se jure rog bhi ho sakte hain. hath mulayam aur gaddedar ho, bhagya rekha ek se adhik hon aur age jakar sabhi patli ho rahi hon, to yah motape ka lakshan hai. aise vyakti ki umra barhne ke sath-sath motapa bhi barhta chala jata hai. hath mansal n ho aur usmen gaddha banta ho, to vyakti ko daibitij hone ki sanbhavna rahti hai. is prakar hast rekhaon ke adhyayn-vishledgan se ham motape v daibitij ke atirikt anya bimariyon ka pata lagakar uske anurup upayon ke dvara nijat pa sakte hain, parantu iske lie avachchyak hai ki yah vishledgan kisi yogya aur anubhvi hastarekhavid se karaya jae.