vastu aur jyotish pan. jay prakash sharma (lal dhage vale) vastu shastra jyotish ki hi ek shakha hai. bina jyotish gyan ke vastu shastra adhura hai. ek achche vastu shastri ko kadm-kadam par jyotish ki jarurat mahsus hoti hai. vastu shastra men pratyek disha ko ek grah se jora gaya hai. aise men ek vastu visheshagya ke lie pratyek grah ke gun, dharm v svabhav ka gyan jaruri ho jata hai. vahin, vastu sukh ki prapti ke lie anushthan, bhumi pujan, ninv khanan, kuan khanan, shilanyas, dvar sthapan, grih pravesh adi ke muhurt v shubhashubh gyan ke lie jyotish shastra ka gyan jaruri hota hai. ek jaise do makanon men rahne vale do parivaron men alg-alag samasyaen v paraspar virodhi fal milne ke karnon ka vishleshan karne par ham pate hain ki unke grih pravesh muhurt v janmapatriyon men bhinnata hai.
janmapatri dvara nirdharit prarabdh aur sanchit karmon ke fal ko hamen bhugtan hi hoga. anukul vastu ke dvara ham apni kathinaiyon ko kam avashya kar sakte hain, samapt nahin kar sakte. vastu aur jyotish ek-dusre ke purak ho sakte hain. jivan ke ghatnakram men ane vale sankton ke nivaran ke lie yadi vastu ke sath-sath jyotishiya pahlu par bhi vichar kar liya jae, to samasya ka nidan dhunrhne men asani hogi. kisi vyakti ko kis prakar ke vastu ki prapti hogi? vah bana banaya ghar lega ya bhumi lekar svayan banaega? paitrik ghar milega ya mile hue ko bhi bech dega? ye kuch aise prashn hain jinke uttar ke lie jyotish ki sahayta lena chahie.
grahon ke gun, dharm, svabhav v dosh surya purush jati ka, raktavarn tatha pitt prakriti ka grah hai. yah purva disha ka svami hai. yah atma, arogya, svabhav, rajya, devalay ka suchak evan pitri karak hai. purva disha men dosh ya janmapatri men surya ke pirit hone par pita se sanbandh katuta rahti hai. surya ki is sthiti ke falasvarup sarkar se pareshani, sarkari naukri men pareshani, siradard, netra rog, hriday rog, charm rog, asthi rog, piliya, jvar, kshay rog v mastishk ki durbalata adi ho sakte hain. chandrama stri jati ka, shvetavarn tatha jaliya prakriti ka grah hai. yah vayavya disha ka svami hai. yah man, chittavritti, sharirik v mansik svasthya, sanpatti v mata ka karak hai.
vayavya disha men dosh ya janmapatri men chandrama ke dushit hone par mata se sanbandh men katuta, mansik pareshaniyan, anidra, dama, shvas rog, kaf, sardi jakuam, matru rage , stri hane ki sthiti men masik dharm sanbandhi rog, pittashay ki pathri, nimoniya adi ho sakte hain. mangal purush jati ka, raktavarn tatha agni tatva pitt prakriti ka grah hai. yah dakshin disha ka svami hai. yah dhairya aur parakram ka svami, bhai ka karak tatha rakt evan shakti ka niyamak karak hai. dakshin disha men dosh ya janmapatri men mangal ke pirit hone par bhaiyon se sanbandh men katuta, krodh ki adhikta, durghatanaen, rakt vikar, kushth rog, fora-funsi, uchch rakt chap, bavasir, chechak, pleg adi ho sakte hain.
budh napunsak jati ka, shyamavarn, prithvi tatva tatha tridosh prakriti ka grah hai. yah uttar disha ka svami hai. yah jyotish, chikitsa, shilp, kanun tatha vyavsay ka svami hai. uttar disha men dosh ya janmapatri men budh ke pirit hone par vidya-buddhi sanbandhi pershaniyan, vani dosh, mama se sanbandh men katuta, smriti lop, mirgi, gale ke rog, nak ke rog, unmad, matibhram, vyavsay men hani, shankaluta, vichar men asthirta adi ho sakte hain. guru purush jati ka, pitavarn akash tatva vala grah hai. yah ishan disha ka svami hai. iske dvara parlaukik evan adhyatmik sukhon ka vishesh rup se vichar kiya jata hai. ishan kon men dosh aur janmapatri men guru ke pirit hone par puja path ke prati virakti, devtaon, guruon aur brahmanon par astha men kami, ay men kami, sanchit dhan men kami, vivah men deri, santanotpatti men deri, murchcha, udar vikar, kan ka rog, gathiya, kabj, anidra adi kasht ho sakte hain.
shukra stri jati ka shyam aur gauravarn, tatha jaliya tatva vala grah hai. yah agney disha ka svami hai. yah kavya, sangit, vastrabhushan, vahan, stri, kam tatva v sansarik sukhon ka karak hai. agney disha men dosh ya janmapatri men shukra ke pirit hone par patni sukh men badha, prem men asflta, vahan se kasht, shringar ke prati aruchi, napunskta, harniya, madhumeh, dhatu evan mutra sanbandhi rog, stri hone ki sthiti men garbhashay sanbdhi rog adi ho sakte hain. shani napunsak jati ka, krishn varn tatha vayu tatva ka grah hai. yah pashchim disha ka svami hai. iski sthiti ke adhar par ayu, bal, drirhta, vipatti, yash v naukr-chakron ka vichar kiya jata hai. yah vyakti ko durbhagya tatha sankton ke chakkar men dalakar ant men shuddh aur satvik bana deta hai.
pashchim disha men dosh ya janmapatri men shani ke pirit hone par naukron se klesh, naukri men pareshani, vayu vikar, lakva, rirh ki haddi men taklif, bhut-pret ka bhay, chechak, kainsar, kushth rog, mirgi, napunskta, pairon men taklif adi ho sakte hain. rahu krishn varn ka ek krur grah hai. yah naitya disha ka svami hai. iski sthiti ke adhar par gupt yukti bal, kasht aur trutiyon ka vichar kiya jata hai.
naitya kon men dosh ya janmapatri men rahu ke pirit hone par dada se pareshani, man men ahankar ki bhavna ki utpatti, tvacha rog, kushth rog, mastishk rog, bhut-pret ka bhay adi ho sakte hain. rahu ki tarah ketu bhi krishn varn ka ek krur grah hai. iski sthiti ke adhar par nana se pareshani, kisi ke dvara kie gae jadu-tone se pareshani, chut ki bimari, rakt vikar, dard, chechak, haije, charm rog ka vichar kiya jata hai. yah moksh ka karak hai.