bhartiya jyotish men man, samman, samriddhi karak yogon men ‘gajkesri yog’ ka vishisht sthan hai. yah yog brihaspati aur chandrama ki paraspar kendra sthiti se banta hai (kendra sthite devgurau) mrigankat yostadahugarjakesriti. jatak parijat, ;tappe pp6 ddh lagabhag 30 pratishat kundliyon men yah yog paya jata hai. brihaspati sarvottam shubh karak grah hai. vah man, samman, daya, tap, putra, gyan, dharm, uchch padvi aur samriddhi ka karak hai, aur bhachakra men dhanu (navam dharma) aur min (dvadash, moksha) rashi ka svami hai. vahin chandrama buddhi, bhavukta, daya, dhan, sukh,mata, lavanya aur prasannata ka karak hai. bhachakra men vah kark rashi ka svami hai jo dharm trikon (4, 8, 12) rashi hai. bhartiya jyotish men chandra rashi ko bhi lagn ke saman mahatva prapt hai.
kendra sthit grah lagn par apna vishisht prabhav dalte hain. atah brihaspati grah ki chandrama se kendra men sthiti chandrama aur chandra lagn par apne shubh prabhav se uske karyakatva ko bal pradan karta hai. yahi ‘gajkesri yog’ ke shubh prabhav ka srot hai. uske faladesh ke bare men jatak parijat (a. tappe pp6ddh . men kaha gaya hai. gajkesri sanjatastejasvi dhandhanyavan. medhavi gunsanpanno rajapriya karo bhavet.. arthat ‘‘gajkesri yog men janma vyakti tejasvi, dhanvan, buddhiman, satkarmi aur rajapriya karm karta hai.’’ vahin ‘faldipika’ granth (a. 6.16) ke anusar. kesriv ripuvarg nihanta praurhvak sadsi rajsvrittiah dirghajivyatiyashaah paturbuddhistejsa jayti kesriyoge..
arthat ‘‘kesri ya gajkesri yog men janma vyakti sher ki tarah shatruon ko nasht karne vala, sab par cha jane vala, kushal vakta, paripakva vani, sabhaon men rajsi man pane vala, dirghayu, yashasvi, chaturbuddhi v tejasvi hota hai.’’ gajkesri yog ki janma-kundli men sthiti vyakti ke purvajanm men kiye punya karmon ko darshati hai, jiske falasvarup jatak is janm men apne karmon dvara sabhi kathinaiyon par vijay pate hue jivan men uchch padasin hota hai. is yog ka faladesh brihaspati aur chandrama ke bal, rashi v bhav sthiti tatha anya grahon ke prabhav ke anurup hota hai. atah sabhi vyaktiyon ki kundli men yah yog vibhinn fal - ‘bahut achcha’ ‘achcha’ ya ‘sadharn’ deta hai. yah faladesh jatak ko in grahon ki dasha bhukti men prapt hota hai. us samay brihaspati ka shubh gochar faladesh men vriddhi karta hai, jabki papi grahon ka ashubh gochar faladesh men nyunta lata hai. dvadash lagnon men brihaspati aur chandrama ke bhav svamitva anusar shubh bhavon (kendra/trikon) men bana yog vrishchik lagn men sarvottam, uske bad min tatha kark lagn men shubh faldayak hota hai. anya lagnon men is yog ka fal sadharan hi milta hai.
uttam fal prapti ke liye lagn aur lagnesh ko bhi balvan hona chahie. vishisht shubh fal aur sadharan fal darshati, kundliyan prastut hain. lagnesh budh lagn men ‘bhadra’ namak panchmhapurush yeag bana raha hai. dvitiyesh chandrama aur dashmesh brihaspati navam bhav men gajkesri yog bana rahe hain. brihaspati ki lagn v lagnesh par drishti hai. dashmesh brihaspati aur navmesh shani men drishti vinimay hai. navmansh men tritiya bhav men brihaspati vargottam hai aur chandrama shashth bhav men uchch sthit hokar vahan bhi gajkesri yog bana rahe hain. jatika ne shani dasha-brihaspati bhukti men tyushan karke jivan yapan shuru kiya, budh ki dasha men skul khola jo siniyar sekendri skul bana. ab jatika ne ek injiniyaring kalej bhi indaur men sthapit kar liya hai. iske viprit sadharan gajkesri yog fal darshati dusri kundli prastut hai. lagnesh mangal navam bhav men nichasth aur surya se ast hai.
chaturthesh shani aur saptamesh shukra bhi nichasth hai. dvitiyesh v panchmesh brihaspati aur navmesh chandrama dvadash bhav men gajkesri yog bana rahe hain. un par nichasth shani, mangal tatha rahu ki drishti hai. gajkesri yog ka fal nahin ke barabar raha. jatak ek choti kapre ki dukan chala raha hai. pichle sarhe char sal se sadhesati bhi chal rahi hai. lekhak ke pichle dashak ke kundli akalan men ek mahatvapurn tathya samne aya hai. svasthya ke pariprekshya men brihaspati kaf pradhan, charbi ka karak tatha bara sharir dene vala grah hai. vahin chandrama motape ki pravritti tatha vatkfatmak grah hai. kundli men brihaspati tatha chandrama ki nichasth ya pirit sthiti in pravrittiyon ko barhati hai. aisa ‘gajkesri yog’ shubh fal dene ki bajay jatak ko bimari aur hanikarak vajan barhata hai. lekhak ke sangyan men ain kundliyon men se kuch is prakar hai.
lagnesh budh ashtam men hai. chandrama nichasth tritiya bhav men vakri brihaspati ke sath (ashtam se ashtama) tritiya bhav men hai. tritiya bhav pap madhya men hai. jatak ka vajan sau kilo hai aur vah daybetik hai. 15/11/2011 se sarhesati chal rahi hai.
2. vakri brihaspati lagn men rahu se pirit hai. chandrama dasham bhav men digbalahin hai. mangal v ketu bhi ashubh drishti dal rahe hain. mangal v ketu par shani ki drishti hai. jatak pet aur siradard se pirit hai. uska vajan 75 kilo hai.
3. vakri brihaspati aur chandrama saptam bhav men hai. unapar vakri shani v vakri mangal ki drishti hai. atah gajkesri yog dushit hai. jatak pet, dant aur snayu rog se pirit hai. uska vajan 74 kilo hai.