hath ki rekhaen nishchit karti hai ki lakshmi ya sanpda ke mamle men ap kitne bhagyashali hain. ishvar ne hastarekhaon ke madhyam se manav ke bhagya ko sanjoya hai. yah sabhi ki alg-alag kismat hai ki kisko kya mila. apki hastarekhaon men athah dhan-sanpatti milne ke yog hain athva nahin. aiye, is bare men vistar se charcha karen.
- yadi hath men bhagya rekha ek se adhik hai. guru, surya athva shani grah uttam hain to ap ek se adhik karobar kar sakte hain aur iske viprit yadi dusri bhagyarekha khandit ho to isse bhari nuksan bhi ho sakta hai.
- apka hath bhari ho, bhagya rekha manibanddh se lekar shani parvat tak jati ho, sabhi grah unnat ho ya jivan rekha se shani rekhaen niklti hon, to ap bahut bari sanpatti ke malik ban sakte hain. sabse bari bat yah hai ki yadi shani parvat par kat, fat ho aur yah grah hath men daba ho to apke pas ai hui lakshmi bhi chali jati hai.
- moti se patli hoti bhagya rekha aur jivan rekha se dur ho to 25 varsh ki ayu ke bad vyakti bharpur sukh aur vaibhav prapt karta hai. lekin yadi hriday rekha tut jae ya uski ek moti shakha mastishk rekha par a jae to bani banai sanpatti bhi nasht ho jati hai.
- hath men yadi jivan rekha gol ho, shukra par til ho aur anguliya sidhi hon athva adhar barabar hon to manushya ke bhagya men nishchit rup se athah dhan-sanpatti ka malik banna tay hota hai. lekin yadi guru, budh, shukra ya chandra grah men se kisi ek grah ki bhi sthiti kharab ho jae to ae din apko dhan sanbandhi pareshaniyon se jujhna par sakta hai. iske viprit yadi hath men anguliyan lanbi, hath bhari evan vishesh bhagya rekha ho aur shani evan budh grah uttam hon to akasmik dhan labh ke avasar milte hain. gaur karne vali bat yah hai ki yadi hath sakhat ho aur grahon men dosh a jae to manushya apne jivan ki shirsh unchaiyon ko chute-chute rah jata hai.
- yadi bhagya rekha jivan rekha se dur ho, chandra parvat par gyan rekha mile evan shani grah unnat ho to manushya ko desh-videsh donon hi sthanon se labh evan dhan arjan ki sthiti banti hai. lekin yadi chandra parvat par jal a jae to manushya ki kamae hue dhan evan sapantti ko dhokhe dvara jabt karne ki ashanka bhi ban jati hai.
- is tarah n jane hamare hath men kitne hi aise lakshan aur bhi hain jinse yah pata chalta hai ki yah vyakti karorpti ban sakta hai athva nahin. sath hi yah bhi pata chalta hai ki vyakti ke hath men rekhaon se sanbandhit kuch dosh bhi hain, jinke chalte ukt vyakti athah dhan-sanpatti ka malik nahin ban pa raha. aise doshon se mukti pakar manav apne jivan men ane vale kashton se bach sakta hai.
pare ka shivling evan shriyantra sthapit karke, pratidin shiv rudrashtak ka path vidhivat karne se evan lakshmi ke mantra ka nitya prati jap karne se lakshmi vyakti ka sath dena shuru kar deti hai.