liyo pam men muhurt vinay garg pichle ank men apne liyopam ke navinikaran ke bare men parha hoga. jaisa ki usmen bataya gaya tha, liyo pam kampyutar jyotish softaveyar ab un sabhi mobail fonon men chalaya ja sakega, jinmen aupreting sistam vindoj mobail ho. liyo pam men jyotish se sanbandhit kai vidhaen hain, jinmen ek muhurt bhi hai. jaisa ki sarvavidit hai, muhurt kisi bhi mahatvapurn karya ke lie sarvadhik mahatvapurn hota hai kyonki jivan men hone vali ghatnaen manushya ke vash men nahin hotin - vishesh taur par vyakti ka janm aur mrityu. parantu jivan men kuch aise karya hote hain, jin par pura jivan nirbhar karta hai.
ye karya yadi ham shubh samay, lagn evan shubh grah sthitiyon ke adhar par karen, to ye karya adhik safal ho sakte hain. jaise vivah, sagai, grih pravesh, ninv pujan, vyapar aranbh, mundan sanskar, janeu sanskar, annaprashan sanskar, dukan praranbh karna, naukri praranbh karna, vahan kharidna adi. in sabhi karyon shubh samay par hona atyant avashyak hai. inke shubh samay par n hone par jivan men bahut si kathinaiyon evan asflta tatha karya men vyavdhan adi ka samna karna parta hai.
vastav men kisi bhi karya ka muhurt us karya ka janm kahlata hai. yadi kisi vyakti ka janm shubh lagn aur shubh grah sthiti men ho, to jivan adhik safal, sukhad ev samriddh hota hai. udaharan ke lie yadi vivah ka muhurt shubh n ho, to vyakti ko vaivahik jivan men bari pareshaniyon ka samna karna par sakta hai. sthiti talak tak pahunch sakti hai. aisi sthitiyon se bachne ke lie hamare rishi muniyon ne muhurt ki khoj shastron se ki hai. atah hamen is suvidha ka bharpur labh uthana chahie. muhurt nikalne ke lie hamen panchang ki sahayta leni parti hai, jismen tithi, var, nakshatra, yog evan karan ki ganna hoti hai.
iske atirikt grahon ka uday hona, ast hona, vakri ya margi hona, lagn char, sthir ya dvisvabhav ka hona adi par nirbhar karta hai. in sabhi ka praranbh evan samapti kal tatha anya ke sath yog adi mahatvapurn hain. fyuchar point dvara viksit liyo pam softaveyar men yah sab karya bahut hi asani se kie ja sakte hain. iske lie apko sirf yah nishchit karna hoga ki muhurt kis avdhi men chahie. iske alava yadi koi karya kisi vyakti vishesh dvara kiya jana hai, to uski kundli ka bhi vichar karte hue us vyakti vishesh ke lie us karya ka muhurt liya ja sakta hai.
yadi karya do vyaktiyon dvara kiya ja raha ho, to donon ki kundliyon ka vichar bhi kiya ja sakta hai. udahasvarup, larke aur larki ke vivah ke lie donon ka janm vivaran bharakar un donon ke lie shubh vivah muhurt nikala ja sakta hai. isi tarah, kisi danpti ko nae ghar men pravesh karna ho, to pati aur patni ka janm vivaran dekar donon ke lie grih pravesh ka shubh muhurt nikala ja sakta hai. in muhurton ki ek visheshta aur hai aur vah yah ki yadi ap kisi bat ka vichar nahin mante hain, to us tathya ko estro aupshan ke dvara hata sakte hain.
jaise vivah ke lie kuch log tara dubne ke vichar ko adhik mahatva nahin dete hain. aise men ap muhurt mastar men jakar 'tara dubne' ko 'auf' kar sakte hain. isi prakar, yadi ap grih pravesh hetu 'kalash chakra vichar' ko mahatva nahin dena chahte hain to use 'auf' kar sakte hain. liyo pam se muhurt nikalne ke lie sabse pahle apko 'jyotish' ke sthan par 'muhurta' ka chayan karna hota hai. fir vyakti vishesh ka janm vivaran dena hota hai. yah vivaran ap pam ke sabse upar bayin or skrin men likhe '1' ko dabakar de sakte hain. ismen vyakti ka nam, ling, janm tithi, janm samay aur janm sthan dena hota hai.
yadi janm videsh men hua ho, to us desh ka nam bhi batana jaruri hai. iske pashchat yadi sanbandhit karya men dusra vyakti bhi sanbaddh ho, to uska janm vivaran ank '1' ke barabar men likhe ank '2' ko dabakar diya ja sakta hai. ismen bhi pratham vyakti ke saman janm vivaran dena hota hai. yah donon janm vivaran vaikalpik hain arthat yadi ap janm vivaran nahin dena chahte hain, to bhi muhurt nikala ja sakta hai. iske lie 1 aur 2 ke barabar men likhe d batan ko dabana hota hai.
iske dabane se isi ke barabar men dahini taraf ek kambo boks ban jata hai jismen muhurt ki suchi dikhai deti hai. ismen apko vivah, mandir nirman, naukri, kort, vahan, ghar, proparti, vyapar, audyogik pratishthan, yatra, navjat shishu, chunav, shiksha adi se sanbandhit muhurt aur anya likhe hue dikhai denge. apko jis karya se sanbandhit muhurt nikalna ho us par klik karen. jaise yadi vivah par klik karenge to uske niche ek aur kombo boks khul jaega.
ismen klik karne par apko vivah se sanbandhit karyon ki suchi dikhai degi jaise sagai, dulhe ka chayan, dulhan ka chayan, vivah sanskar, vadhu ka grih pravesh, dviragaman, rasoi karya praranbh, hanimun yatra adi. udaharan ke lie, man len ki sagai ka muhurt nikalna hai. iske lie madhanhmaumadaj par klik karen. iske pashchat hamen muhurt ki vanchit avdhi batani hoti hai. jaise man len ki hamen 4 march 2010 se 4 aprail 2010 ke bich ki avdhi men sagai ka muhurt chahie. iske lie tithi ke age do kombo boks bane hote hain jin par klik karne se kailendar khul jata hai.
is kailendar ki sahayta se muhurt avdhi ke praranbh ki tithi di ja sakti hai. isi prakar iske barabar vale kombo boks men jakar klik karne par bhi kailendar khulta hai, jismen muhurt avdhi ki samapti ki tithi di ja sakti hai. iske pashchat hamen yah batana hota hai ki muhurt ka samay kab se kab tak ka hona chahie. jaise sagai ke lie samanyatah din ka samay hona chahie. is hetu samay ke age aindtpem par tatha iske barabar men dusre kombo boks men aindemaj par klik karenge.
isse tithiyon ke bich evan die gae samay antral arthat din ke samay men jo bhi shubh muhurt honge unki tithi, samay, lagn adi ka vivaran hamen skrin par dekhne ko mil jaega. iske pashchat sthan ka vivaran dena hota hai. yah sthan vah hona chahie jahan karya hona hai. jaise yadi munbai men sagai ki jani hai, to bpajal ke age bane kombo boks par klik karen. isse shahron ki suchi ka menyu khul jata hai jismen shahar ke nam, rajya aur akshansh tatha rekhansh pradarshit hote hain. munbai ke lie sarvapratham d par klik karen. isse d se sanbandhit shahron ki suchi apko dikhai degi.
isi prakar kramshah u..m..b..a..i par klik karenge. iske pashchat vgya batan par klik karen. isse munbai shahar ka akshansh tatha rekhansh fid ho jaenge. ab muhurt dekhne ke lie skrin ke nichle hisse men bich men janmapatri ke nishan par klik karen to ganna aranbh ho jati hai. kuch hi sekandon men apke samne muhurton ki suchi pradarshit ho jati hai.
ismen 3 vikalp hote hain -
1. all
2. selected
3. best 'all' par klik karne se sabhi tithiyon m upalabdh muhurton ki suchi prakat hoti hai.
ismen un muhurton ke bare men bhi darshata hai jin dinon men muhurt nahin hota hai parantu uske age 0 pratishat likha hota hai arthat vah muhurt ke lie upyukt nahin hai. aielectedpar klik karne se ve sabhi tithiyan samne ati hain, jinmen men muhurt upalabdh hota hai.
in muhurton men kuch purn rup se shuddh hote hain tatha kuch men koi ashuddhi bhi ho sakti hai. yah avashyak nahin hai ki sabhi muhurt purn rup se shuddh hon arthat ismen un muhurton ki suchi bhi hoti hai, jinmen anivaryata ki sthiti men karya kiya ja sakta hai. thamej par klik karne se ve tithiyan samne ati hain, jinmen kam se kam ashuddhi hoti hai. ismen sarvottam muhurton men se uchchatam koti ke 12 muhurt prakat hote hain.
pratyek tithi ke age muhurt ki shuddhata pratishat men di gai hai, jiske adhar par ap apni prathmikta ke anusar muhurt ka chayan kar sakte hain. isi sarni men apko rait klik ka batan dabane se muhurt ke praranbh evan samapti avdhi dikhai degi. isse sanbandhit lagn, tithi, paksh, rashi, nakshatra, karan, yog, var, adi ki jankari bhi milti hai. arthat muhurt vale din ka sanpurn panchang apke samne hota hai.
iske atirikt pratidin ke adhar par muhurton ki shuddhata evan gunavatta ko ap graf ke rup men bhi dekh sakte hain. isse apko gunavatta ka abhas asani se ho jata hai. iske pashchat pratyek shubh din men kaun sa lagn arthat samay ya avdhi adhik shubh aur manglkari hogi yah bhi ap graf ke rup men dekh sakte hain. ant men sanbandhit muhurt ke din ki kundli bhi dekhi ja sakti hai.
in sabhi ke lie skrin ke nichle hisse men kram se batan bane hote hain, jo is prakar hain : date, graph, times, graph, kundli isi prakar ap is muhurt softaveyar se nimnalikhit karyon se sanbandhit muhurt nikal sakte hain - vivah (marriage) mandir sthapna (temple) naukri (service) kort (court) vahan (vehicle) grih nirman evan pravesh (house) sanpatti (property) vyapar (business) audyogik sthapna (industrial establishment) yatra (journey) navjat shishu (new born child) chunav (election) shiksha (education) nirman karya (construction) chikitsa (medical) vyavsay (occupational) sheyar, lotri evan satta (speculation) prem sanbandh (love-romance) is softaveyar ki sahayta se ap sarvapratham vishalatam ganna se bach sakte hain.
sath hi ganna men manviya truti se bhi bacha ja sakta hai. in sabke atirikt apko alg-alag jagah ke muhurton ke lie alg-alag panchang rakhne ki avashyakta bhi nahin rah jati hai. iske alava ap kisi videsh men janme vyakti ke lie videsh ke karya hetu bhi muhurt kuch sekandon men hi nikal sakte hain.
is hetu apko samay sanskar, akshansh, rekhansh adi ki ganna bhi nahin karni parti hai. yah sabhi ganna karya liyo pam softaveyar dvara shatapratishat shuddh evan kam se kam samay men turant ho jata hai aur apko adhik chintan v parishram ki avashyakta nahin hoti hai.