ds ki adhunik paribhasha hai ‘‘ekvayard imyuno defishiensi sindrom’’. issen hamare sharir ki rog pratirodhak shaktiyon ka nash ho jata hai. yah rog ech. ai vi. (hriyumno imyuno defishiensi vayrs) vishanuon ke sankraman ke karan hota hai. yah vishanu, kisi bhi vyakti ke rakt pravah men pravisht ho kar, yah rog utpann kar sakta hai. yah rakt ya laingink dravya shukra, ya yoni srav dvara prasarit hota hai, jo asurakshit sahvas ya sankramit rakt ke ghav men pahunchne ke karan hota hai. inki pravishti anek vyaktiyon ke sath yaun sanbandh sthapit karne se ho sakti hai.
iske alava ubhylingiyon ya samlingiyon ke sath sanbandh sthapit karne se bhi yah rog utpann ho sakta hai. ve stri-purush jo anek vyaktiyon ke sath yaun sanbandh sthapit karte hain, unhen rog hone ka khatra sabse adhik hota hai, jaise veshyaen aur unke pas jane valon ko vishesh rup se yah rog ho sakta hai. ech. ai. vi. vishanu pravesh ke mukhyatah char marg hote hain: sanbhog ke samay virya dvara. chunban ke dauran lar dvara. rogagrast manushya ke khun dvara. nashe ke lie ek hi sirinj ke upyog dvara. eds ke lakshana: eds ke aranbhik lakshan bare samanya hote hain aur anya rogon ke bhi yahi lakshan hone se eds ka sandeh nahin hota.
atah nimn lakshan ubhrne par parikshan karvana avashyak hai: vajan men kami, jiske karan ka pata n lage. lasika granthiyon men sujan. gale men, janghon men, bagal men suji hui ganthen. rah-rah kar jvar ana. rat men sharir pasine se tar hona. bar-bar patle dast ana, jo davaen dene par bhi purn rup se thik n hane. munh aur ann nalika men safed dag tatha chale. dhire-dhire jaise-jaise rog barhta jata hai, eds ka rogi kshay, nimoniya, kainsar jaise bhayanak rogon se grasit ho jata hai. kyonki davaen asar nahin kartin, islie ant men rogi ki mrityu ho jati hai. ayurved vigyan men is rog ka kahin bhi vivaran nahin milta. lekin eds se miltejulte lakshan vibhinn granthon men oj kshay ke lakshanon se samrupta rakhte hain. oj kya hai? manav sharir vayu, pitt, kaf, in tin doshon par adharit hai tatha ras, rakt, mans, med, asthi, majja tatha virya, in sat dhatuon se poshit hai.
poshak ahar se sarvapratham ras, ras se sharir ki rakt vahiniyon men bahne vala shuddha-ashuddh rakt, rakt se manspeshiyon men vidyaman mans se sharir ko sudaul, snigdh tatha saksham banane vala med (charbi), med se asthiyan, asthiyon se majja, majja se virya nirmit tatha paripusht hote hain. virya se pure sharir men vyapt hone aur rahne vala adhi anguli ka oj sare manviya gunon ka khajana hai. is oj ke karyon ka shastron men ullekh hai. sushrut ke matanusar ras adi saton dhatuon ka antim satva ya tej oj hai. yahi bal hai. bal ka arth shakti nahin. oj ya bal se hi sharirik manspeshiyon ki sugrhta, har karya ko nirbadh rup se karne ki shakti, vani tatha sharir ke varn ka akarshak hona tatha sabhi bahri aur bhitri karya ka sucharu sanchalan hona sanbhav hota hai. oj adrishya hai. oj kshay mrityu athva mrityu saman sthiti hai.
aj ka ‘edsa’ rog isi oj ke kshin hone ka nam hai. eds se bachne ke upay: abhi tak chikitsa vigyan ko eds rog ke vayaras ka mukabla karne vali koi bhi davai nahin mil payi. vigyaniyon ki khoj jari hai. fir bhi yah ek pranghatak rog hai. yaun sanbandh keval ek hi vyakti tak simit rakhen tatha sanbhog ke samay kandom ka upyog sankraman rok sakta hai. hamesha keval ek bar istemal ki jane vali suin aur sirinj ka upyog karen. garbh nirodhak jeli, krim jaise sadhnon ke upyog se bhi jivanuaon ka pravesh ruk sakta hai. purushon ko sanbhog ke bad guptang ko achchi tarah saf karna aur mutra tyag karna chahie. striyan sirf guptang ko pani se svachch karen. andar ke avayav saf karne ke lie pani ka dush n len. pati-patni vyabhichar ya svechchachar se dur rahen, to eds se bachav ho sakta hai. rakt ki avashyakta parne par ech ai vi. ki janch ke pashchat hi rakt charhvana chahie. nashe ka upyog kadapi n karen.
jin striyon ko eds ho, ve garbhadharan n karen, anyatha ane vala shishu eds se grasit ho kar janm lega. yuvavastha se hi yaun shiksha aur svasthya shiksha par jor diya jana chahie, jisse yuvak aur kishor eds ki roktham kar saken. yad rakhne yogya baten eds ek lailaj rog hai, jiske lie abhi tak koi dava ya tika upalabdh nahin hai. eds ka arth hai maut. eds ke lakshan prakat hone men bahut lanba samay lagta hai, kyonki sankraman ke bad iske prakat hone men ausatan sarhe sat varsh lag jate hain. û iske rogi ko kshay rog, kainsar adi rog lagne ki sanbhavna rahti hai. jyotish ki drishti se: ayurved men eds rog ki tulna oj kshay se ki jati hai, jismen vyakti dhire-dhire mrityu ke munh men dhansta jata hai. jyotishiya drishti se virya, arthat shukranuon ka karak shukra hai aur sharir men rog pratirodhak shakti ke karak surya aur mangal hain. sharir ki dhamniyon men rakt ka sanchar chandra se hota hai. islie jis janmakundli men surya, chandra, shukra aur mangal kamjor hon, dushprabhav men hon, unhen eds ya oj kshay jaisa rog ho sakta hai.
kyonki eds rog men vyakti dhire-dhire mrityu ko prapt hota hai, islie shani ka prabhav, in grahon ke atirikt, lagn ya lagnesh, panchm-panchmesh aur ashtama-ashtamesh par hone se hi yah rog sanbhav hota hai. jabbhi lagn aur uparyukt grah shani aur anya papi grahon ke prabhav men rahenge, to apni dashantar dasha men aisa rog avashya denge.
vibhinn lagnon men eds rog ki sanbhavna:
mesh lagna: mangal pancham bhav men budh ke sath ho aur mangal ast ho, shani ashtam ya ekadash bhav men shukra ke sath ho aur rahu ya ketu navam men ho, to is rog ki sanbhavna hoti hai.
vrish lagna: budh-shukra ashtam bhav men surya se ast hon, lagn men ketu guru se drisht ho aur guru, lagn aur ashtam bhav par shani ki drishti ho, mangal shani se drisht ya yukt ho.
mithun lagna: lagnesh budh mangal se yukt ho kar dasham bhav men ho aur ast n ho, shukra ashtam bhav men, surya-shani bhi ashtam bhav men aur ketu pancham bhav men chandra se yukt ho.
kark lagna: lagnesh pancham bhav men rahu ketu se drisht ho, guru lagn men apne hi nakshatra pushya men budh se yukt ho, budh apne hi nakshatra ashlesha men rahe, mangal ast, dvadash bhav men shukra dvitiya bhav men shani se drisht ya yukt ho, to sharir men rog pratirodhak shakti kshin hoti jati hai.
sinh lagna: surya dvitiya bhav men rahu se yukt ho aur shani lagn men kritika nakshatra par ho tatha chandra se yukt ho, mangal satav bhav men, shukra dvitiya bhav men, budh chaturth bhav men sthit hon.
kanya: lagnesh budh chathe bhav men shani se yukt, ya drisht ho, mangal ashtam bhav men chandra ke sath ho, surya pancham men aur shukra ast ho, ketu lagn men ho, to aise rog ki sanbhavna hoti hai.
tula lagna: lagnesh shukra ashtam bhav men, budh chathe bhav men, mangl-surya pancham bhav men, pu. bhadra nakshatra men, shani gyarhven bhav men ho, to aise rog ki sanbhavna hoti hai.
vrishchik lagna: mangal ashtam bhav men budh ke sath, shukra saptam bhav men ketu aur chandra se yukt hone se aise rogon ki sanbhavna hoti hai.
dhanu lagna: budh lagn men, shukra se yukt surya dvitiya bhav men, shani ashtam bhav men, mangal se yukt lagn rahu se yukt, ya drisht ho, lagnesh ast ho, ya ashtam bhav men ho.
makar lagna: lagn men guru, shani saptam bhav men, chandra, budh, shukra ashtam bhav men, surya navam bhav men rahu se drisht, ya yukt ho, to rog ki sanbhavnaen barh jati hain.
kunbh lagna: chandra-mangal lagn men, surya-budh ashtam men, shukra navam men shani-guru se drisht lagnesh trikon ya kendra men ho aur rahu-ketu se prabhavit ya yukt ho, to rog ki sanbhavnaen hoti hain.
min lagna: budh lagn men shani se yukt, lagnesh chathe bhav men surya se yukt aur ast ho, chandra-shukra dvitiya bhav men aur mangal ashtam bhav men ho, to rog ki sanbhavnaen hoti hain. uparyukt sabhi yog apni dasha-antardasha aur gochar sthiti se prabhavit ho kar rog utpann karte hain.