histiriya  

vaigyanik froyad ne pahli bar yah siddh kiya ki histiriya bhi ek atmarati hai, jo vishesh shreni ke stri-purushon men apne ap hoti hai; arthat aise stri-purush jinmen yaun ka avesh damit hota hai.

vivah men vilanb, pati ki paurushhinta, talak, mrityu, ganbhir aghat, dhan hani, masik dharm vikar, santan n hona, garbhashay ki bimariyan, pati ki avehlna ya durvyavhar adi kai karnon se striyan is rog men grast ho jati hain. is rog ka veg ya daura sada kisi dusre vyakti ki upasthiti men hota hai. kabhi kisi akeli stri ko histiriya ka daura nahin parta. jin striyon ko yah vishvas hota hai ki unka koi sanrakshan, palan, parvah evan dekhbhal karne vala hai, unhen hi yah rog hota hai. yadi, iske viprit, rogi ko vishvas ho jae ki kisi ko uski chinta nahin hai aur koi uske prati sadbhavna-sahanubhuti nahin rakhta hai aur n koi dekhbhal karne vala hai to us stri ka yah rog apne ap thik ho jata hai. ayurved ke anusar gyanvahi nariyon men tamogun evan vat tatha rukhepan ki vriddhi ho kar chetna men shithilta, athva nishkriyata a jane se yah rog hota hai. is rog ki shuruat se purva, ya rog hone par kisi ang vishesh, snayu, vatvahini men ya anya kahin kya vikar ho gaya hai, yah pata nahin chalta.

get the most detailed kundli report ever with brihat horoscope predictions

histiriya ke lakshan :

is rog ke koi nishchit lakshan nahi hote, jisse yah kaha ja sake ki rog histiriya hi hai. alg-alag samay alg- alag lakshan hote hain. kinhin do rogiyon ke ek se lakshan nahin hote. rogi jaisi kalpana karta hai, vaise hi lakshan dikhai parte hain. sadharntah rogi bina karan, ya bahut mamuli karnon se, hansne ya rone lagta hai. prakash ya kisi prakar ki avaj use apriya lagte hain. sir, chati, pet, sharir ki sandhi, rirh tatha kandhon ki manspeshiyon men kafi vedna hone lagti hai. prayah daure se pahle rogi chikhta, kilkari bharta hai tatha use lagatar hichkiyan ati rahti hain. murchcha men rogi ke dant bhi bhinch sakte hai.

daure ke samay vishesh :

sarvapratham rogi ko hosh men lane ke lie use lita dena chahie. sath hi kamre ki khirkiyan-darvaje khol kar rakhen, taki svachch aur khuli hava a sake. yadi hosh ane men deri ho rahi ho, to thande pani ke chinte, ya sir par thande pani ki dhar tab tak dalen, jab tak rogi hosh men n a jae. hosh men ane par rogi ko santvana den. kuch taral pey, jaise sharbat, falon ka ras, mitha dudh adi pilaen. rogi ko halkafulka vatavaran, hasyapurn aur sukhamay mahaul pradan karen, ya fir 5-10 dauron ke samay uski dekhbhal, sanbhal, parvah, n karen, to rog svatah thik ho jaega.

consult our astrologers for more details on compatibility marriage astrology

histiriya rog ke kuch tathya

• is rog ka daur us samay nahin hota, jab rogi akela hota hai.
• dekhne men rogi behosh malum hota hai. lekin yah sach nahin hai. use hosh rahta hai.
• yah rog adhikatar kunvari larkiyon ko hota hai aur vivahitaon men keval unhen jo yauntah atript hoti hain.
• jyadatar sundar yuvtiyan is rog ki shikar hoti hain, jinke sharir par koi dag ya kharonch nahin parta. unke nitanb aur vaksh aviksit hote hain.
• rog ka veg asthayi aur kam samay ka hota hai.
• iska daura adhikatar bekar aur niruddeshya jivan bitane valon ko hota hai. lekin kuch mamlon men karyavyast jivan bitane valon ko bhi hota hai.
• daure ke samay sahanubhuti dikhlane, pyar karne aur dularne se rogi ko prasannata milti hai. daure ke uprant rogi sharm mahsus karta hai.
• rogi ki ichcha shakti durbal hoti hai aur prerit hone par hi vah sakriya ban pata hai.

doktaron ke adhyayan se yah tathya samne aya hai ki histiriya ke daure ke daramyan charam sukh milta hai aur iske karan rogi ke snayvik tatha bhavatmak tanavon ki kami a jati hain, jisse kuch men daure ka ant skhalan hota hai.

chikitsa :

sarvapratham erand tel men bhuni hui choti kali harar ka churn 5 gram pratidin lagatar de kar uska udar shodhan tatha vayu ka shaman karen.

• sarson, hing, balavach, karjbij, devdakh manjij, trifla, shvet aprajita malkanguni, dalchini, triktu, priyangu shirish ke bij, haldi aur daru haldi ko barabr-barabar le kar, gay ya bakri ke mutra men pis kar, goliyan bana kar, chaya men sukha len. iska upyog pine, khane, ya lep men kiya jata hai. iske sevan se histiriya rog shant hota hai.
• lahsun ko chil kar, char guna pani aur char guna dudh men mila kar, dhimi ag par pakaen. adha dudh rah jane par chan kar rogi ko thora-thora pilate rahen.
• brahmi, jatamansi shankhpushpi, asgandh aur bach ko saman matra men pis kar, churn bana kar, ek chota chammach din men do bar dudh ke sath sevan karen. iske sath hi sarisvatarisht do chammach, din men do bar, pani mila kar sevan karen.
• brahmi vati aur amar sundri vati ki ek-ek goli mila kar subah tatha rat men sote samay dudh ke sath sevan karne se labh milta hai.
• jo rogi balavach churn ko shahad mila kar lagatar sava mah tak khaen aur bhojan men keval dudh evan shash ka sevan kare, uska histiriya shant ho jata hai.
• agar rogi kunvari larki hai, to uski jald shadi karva deni chahie. rog apne ap dur ho jaega.

jyotishiya drishtikon :

vaigyanik drishtikon se ham is tathya par pahunche ki histiriya un stri-purushon ko hota hai jinke yaun ka avesh damit rahta hai aur sharirik rup se ve asantusht rahte hain. jyotish men kundli ka barhvan bhav yaun sukh ka hota hai aur saptam bhav jivan sathi, arthat pati/patni ka hota hai. in donon bhavon ke shubh prabhavon men rahne se jatak yaun sukh ka purn anand uthata hai. islie jyotish drishtikon se dekhen, to saptam bhav, saptamesh, dvadash bhav aur dvadshesh agar ashubh prabhavon men hain, to histiriya rog ho sakta hai. iske sath, kyonki ismen daura parta hai, islie surya, mangal, chandra aur lagnesh ke ashubh prabhavon men rahna jatak ko histiriya rog se pirit karta hai.

navratri puja online by future point will bring you good health, wealth, and peace into your life

vibhinn lagnon men histiriya rog

mesh lagn : saptamesh chathe bhav men lagnesh se yukt, budh ashtam bhav men guru se yukt ho, dvadash bhav men chandra ketu se yukt ya drisht ho, to histiriya rog hone ki sanbhavna hoti hai.

vrish lagn : mangal ashtam bhav men surya se ast ho aur budh se yukt ho, chandra saptam bhav men ho, aur rahu-ketu se yukt ho, lagnesh shani se yukt, ya drisht ho aur lagn guru se drisht ho, to histiriya rog ho sakta hai.

mithun lagn : saptamesh kendra men chandra se drisht ya yukt ho, dvadshesh aur lagnesh mangal se drisht hon, budh trik bhavon men ast ho, dvadash bhav men ketu ho, to jatak ki kamechcha damit rahti hai, jisse histiriya rog ho sakta hai.

kark lagn : shani surya se ast ho, lagnesh rahu aur ketu se drisht ya yukt ho, budh ast ho, mangl-guru shashth bhav men hon, to jatak ki yaun ichcha damit rahti hai.

sinh lagn : shani saptam bhav men rahu se drisht ho aur surya shani se drisht ho, chandra trikon bhav men mangal se yukt ho aur dvadash bhav men shukra ki drishti ho, to jatak ko histiriya rog ho sakta hai.

kanya lagn : guru (sapmesh) dvadash bhav men mangal se drisht ya yukt ho, saptam bhav ketu se drisht ho, surya pancham bhav men aur chandra saptam bhav men hon, budh shashth bhav men ast ho, to jatak ki kamechcha damit hone se sharirik vikritiyan hoti hain.

tula lagn : shukra shashth bhav men surya se ast ho, ketu lagn men chandra se yukt ho, saptamesh dvadash bhav men guru se drisht, ya yukt ho, shani shubh prabhavon se rahit ho, to jatak apni kamechcha purn nahin kar pata.

vrishchik lagn : shukra trik sthanon men, guru-ketu dvadash bhav men hon, ya drishti rakhen, lagnesh ast ho, surya saptam bhav men, ya drishti rakhe, chandra rahu-ketu se drisht ho, to yaun ichchaen damit hoti hain.

dhanu lagn : saptamesh budh dvadash bhav men, surya ekadash bhav men hon, shukra lagn men chandra se yukt ho aur ketu se drisht ho, mangal ashtam bhav men aur shani saptam bhav par drishti rakhen, to jatak ko histiriya ho sakta hai.

apni kundli men sabhi dosh ki jankari paen kampalit dosh riport men

makar lagn : guru lagn men aur mangal se drisht ho, ketu dvadash bhav men chandra se yukt ho, budh saptam bhav men, shukra shasht bhav men ast ho, to jatak sharirik rup se asantusht rahta hai.

kunbh lagn : saptamesh surya aur dvadshesh shani shashth bhav men hon aur shani ast ho, chandra lagn men rahu-ketu se yukt, ya drisht ho, guru saptam bhav men ho, ya drishti rakhe, mangal dvadash bhav men ho, to jatak ki yaun ichcha purn nahin ho pati.

min lagn : guru (lagnesh) shashth bhav men ast ho, budh pancham bhav men shukra se yukt ho, shani dvadash bhav men ketu se drisht, ya yukt ho, chandra ashtam bhav men mangal se drisht, ya yukt ho, to jatak histiriya jaise rog se grast ho sakta hai. uparyukt sabhi yog sanbandhit grah ki dasha-antardasha men aur gochar ke anusar hote hain.