panchang  

liyo pam men panchang pichle ank men apne liyopam ke navinikaran ke bare men parha hoga. jaisa ki usmen bataya gaya tha, liyo pam kanpyutar jyotish saeftaveyar ab un sabhi mobail fonon men chalaya ja sakega jinmen aepreting sistam vindoz mobail ho. panchang liyo pam men panchang saeftaveyar ka ek bhag hai jiske dvara ap kisi bhi din ka panchang gyat kar sakte hain. samanyatah alg-alag sthanon ke alg-alag panchang banae jate hain, jinmen sthaniya samay ke anusar tithi, grah, nakshatra, rashi pravesh adi ka samay diya gaya hota hai. yadi koi vyakti aise sthan ka panchang janna chahta ho jahan se koi panchang n niklta ho, to use manviya ganna karni parti hai, jismen truti ki sanbhavna rah jati hai. iske atirikt pratyek varsh ke lie alag panchang rakhna hota hai. yadi kisi vyakti ko 50 varsh purva ka panchang dekhna ho, to 50 varsh purva rakhe hue panchang ko dekhna parta hai. is prakar iske rakh-rakhav par bhi dhyan dena hota hai.

liyo pam men ap kisi bhi varsh ka, kisi bhi sthan ka panchang ek batan dabane se dekh sakte hain. iske alava yadi ap chahen, to pratyek din ka panchang pure varsh ke lie, pure mas ke lie ya ek saptah ke lie bhi samanyatah jyotishi ko apne vishay ka sanpurn gyan kanthasth hota hai. parantu fir bhi kabhi-kabhi aisa avasar ata hai, jab hamen pustak ko dekhne ki avashyakta par jati hai. parantu yadi kabhi ap yatra men hain ya karyalay men hain to avashyak nahin hai ki sanbandhit pustak apke pas upalabdh ho. aisi sthiti men sarni ki upalabdhata ki avashyakta mahsus hoti hai. isi vichar ko dhyan men rakhte hue panchang ke antargat sarniyon ka bhi pravdhan kiya gaya hai. ismen ek batan dabate hi ap mulbhut avashyakta ki sarniyan turant dekh sakte hain.

iske antargat vibhinn prakar ki sarniyan upalabdh hain. jaise grah se sanbandhit ratn, unki uchcha-nich sthiti, karak, mantra, mitra aur shatru adi. isi prakar bhav se sanbandhit karak, karakatva evan bhavon ki sangya ki jankari upalabdh hai. sath hi rashi se sanbandhit unke svami, varn, tatva, vashya, paya adi ki sarniyan bhi di gai hain. nakshatra ke svami, gan, yoni, nari, yunja, paya aur sanbandhit namaksharon ki suchi bhi di gai hai. yog se sanbandhit unke svami tatha shubhta v ashubhta ki suchi bhi upalabdh hai. karan ki suchi unke svami tatha shukla paksh evan krishn paksh ke karnon ke nam tithiyon ke adhar par die gae hain.

avkhra men bhav, rashi, nakshatra, yog, karan, yoni, gan, nari, varn, vashya, yunja, hansak, paya, ritu aur mah ki suchi di gai hai. iske pashchat kaun sa yog kin-kin niyamon ke adhar par banta hai iski jankari suchibaddh ki gai hai. inmen nimnalikhit yogon ki jankari di gai hai - sarvarthasiddhi yog, amrit yog, tripushkar yog, dvipushkar yog, mrityu yog, kal yog, dagdh yog, vish yog, hutashan yog tatha yamghantak yog. kundli milan ke lie ashtakut gunon ki sabhi sarniyan jaise varn, vashya, tara, yoni, maitri, gan aur bhakut ke adhar par ashtakut gun pradan kie jate hain. in sabki vistrit jankari upalabdh hai. pratyek var ke adhar par samanyatah rahu kal ki avdhi kya hogi ise sarnibaddh kiya gaya hai.

panchang men sarniyon ke sath hi ankshastra ka bhi samavesh kiya gaya hai. ismen angreji ke aksharon se sanbandhit ankon ki suchi, ankon ke svami, sanbandhit shatru, mitra evan sam ankon ki jankari anukul din, mas, tithi, ratn, uparatn, dhatu evan rang adi sarni ke rup men die gae hain. panchang kai bar janmakundli banane ke lie jatak ki janm tithi ya samay angreji men upalabdh nahin hota hai, parantu hindi ka sanvat, tithi, nakshatra ya rashi upalabdh hoti hai. aisi sthiti men sanvat, tithi ya nakshatra gyat karke jatak ki angreji janm tithi nikali ja sakti hai. sath hi kisi vishesh din ka pura panchang bhi dekhna par sakta hai. iske atirikt pratyek din men tithi ka samapti kal, nakshatra ka samapti kal, chandra rashi pravesh, yog samapti kal, karan samapti kal, suryoday aur suryast adi ki jankari ki avashyakta hoti hai.

yah sab ap koi bhi angreji tithi dalakar ek batan dabakar dekh sakte hain. iske antargat di gai tithi ke lie sanpurn panchang jaise vikrami sanvat, shak sanvat, mas, paksh, tithi, tithi ka samapti kal, suryoday, suryast, dinman, var, chandroday, chandrast, nakshatra, nakshatra ka samapti kal, yog, yog ka samapti kal, karan, karan ka samapti kal, rashi, rashi pravesh ka samay tatha panchak adi ki jankari di gai hai. itna hi nahin, yadi ap isse agle ya pichle dinon ke panchang ki jankari chahte hain, to ek batan ko dabakar uparyukt sabhi jankari ek hi skrin par dekh sakte hain. yah skrin dainik, masik aur varshik adhar par parivartit ki jati hai. pratyek din ka var, suryoday kal tatha suryast ka samay ek sarni ke rup men dekha ja sakta hai.

ek hi skrin par ap das din ka vivaran ek sath dekh sakte hain. is skrin ko masik tatha varshik adhar par age ya piche kiya ja sakta hai. suryoday aur suryast ke saman hi chandroday aur chandrast ki sarni dekhi ja sakti hai. tithi ke antargat var, mas, paksh, tithi evan tithi ka samapti kal ye sab sarnibaddh hain, jinhen dainik, masik aur varshik adhar par parivartit kiya ja sakta hai. isi tarah nakshatra, yog, karan, rashi, surya rashi, surya nakshatra adi ki sarni ko dainik, masik aur varshik adhar par dekha ja sakta hai. efemeris samanyatah pratyek varsh ke lie ek efemeris prakashit ki jati hai, jo pichle ya vartaman varsh ki hoti hai. yadi apko ane vale varshon ki vistrit efemeris ki avashyakta ho, to apko us varsh ki sukshm jankari upalabdh nahin ho pati hai. aise men jo bhi sarniyan upalabdh hoti hain, ve sankshipt hoti hain chahe ve gat varsh ki hon ya agami varsh ki.

vistrit efemeris sirf ek hi varsh ki prapt ho pati hai. parantu liyo pam men yah suvidha upalabdh hai ki ap kisi bhi grah ki ya sabhi grahon ki sukshmatam jankari charanabaddh tarike se tatha spasht rup se prapt kar sakte hain. yadi ap chahen to grahon ke anshon ko minat tak ki satikta men prapt kar sakte hain ya chahen to grahon ke anshon ko sekend ki satikta men bhi prapt kiya ja sakta hai. iski ganna ki shuddhi sekend tak upalabdh hai. iske antargat grahon ki rashi, grah spasht, nakshatron, nakshatron ki sankhya, nakshatron ke charnon tatha nakshatra ke upasvamiyon ko sarnibaddh karke dikhaya gaya hai. is sarni ko dainik, masik aur varshik adhar par skrin parivartit karke dekha ja sakta hai. in sarniyon ko sabhi grah ek sath karke bhi dekh sakte hain ya pratyek grah ke lie alg-alag karke bhi dekha ja sakta hai.

yah sabhi jankari bhinna-bhinn aynanshon par parivartit karke bhi prapt ki ja sakti hai. lagn sarni jab kabhi kisi karya vishesh ke lie sthir lagn ya char lagn ki avashyakta hoti hai, to hamen pratyek lagn ka praranbh evan samapti kal janna avashyak hota hai. aisi sthiti men liyo pam-panchang ka yah bhag hamare lie kafi mahatvapurn evan upyogi hai. iske antargat pratyek din ke lie dvadash lagnon ka praranbh evan samapti kal sarni ke rup men dikhaya gaya hai. ek skrin par tin dinon ki jankari di gai hai tatha in skrinon ko dainik, masik aur varshik adhar par parivartit karke dekha ja sakta hai.