shvet prradar acharya avinash sinh shvet pradar striyon ki ek am samasya hai, jo kai striyon men masik dharm se purva, ya pashchat, ek do-din samanya rup se bhi hoti hai. kai bar yah samasya ganbhir rup dharan kar leti hai, jisse striyon ke svasthya, yauvan aur saundarya men dhire-dhire giravat ati jati hai. shvet pradar ka arth hai striyon ke guptangon se shvet, nile, pile ya halke lal rang ka chipchipa srav ana. yah srav adhikatar shvet varn ka hi hota hai. islie ise shvet pradar ka nam diya gaya hai. angreji men ise lyukoriya kahte hain. yah srav kabhi-kabhi chipchipa nahin hota hai aur gandhrhit bhi hota hai. striyon men yah rog bahut am hai, jo bharat men hi nahin, apitu sabhi deshon men hai. prayah har ayu ki striyan is rog se grast payi jati hain.
avivahit striyan bhi iski shikar ho jati hain. is rog ka mukhay karan poshan ki kami tatha yoni ke andar jivanu hain. ayurved ke anusar shvet srav piliyayukt pitta-kafajanya tatha nilimayukt vat-kafajanya hote hain. lalimayukt srav men rakt ka bhi ansh mishrit rahta hai. srav men puth ke mishran se badbu ati hai. shvet pradar men kaf vikar hona jaruri hai. yah srav keval yoni dvar se hi hota hai. yadi mutra marg se yah srav ho, to ise pradar n man kar somrog, ya ushnavat firang puthmeh adi janya, ya mutra marg ke kshatajanya srav manenge. in donon ki chikitsa men antar hai. samanya shvet pradar to poshan, atyadhik mansik tanav, shakti se adhik thakane vale karya karna adi se hota hai. ajakal yah rog dinon din barhta ja raha hai. aj prayah 75 se 80 pratishat shahri striyon ko yah rog hai, ya ho chuka hai aur agar kisi ko nahin hua hai, to hone ki sanbhavna hai.
isi karan dhire-dhire striyan durbal, kshin evan chirchidi hoti ja rahi hain. is rog ke anya karan jivanu, garbhashay ke munh par ghav, yaun rog adi hain. in karnon se shvet pradar ganbhir rup dharan kar sakta hai. jivanuon ke karan hone vale rogon ko sankramak shvet pradar kahte hain. ye jivanu do prakar ke hote hain. adhisankhay mahilaon ko 'traikomonas vejainailis' namak jivanu se yah rog hota hai. ye jivanu garbhashay ke mukh aur yoni ki shleshmiya jhilli ko katte rahte hain, jisse durgandhit garha srav niklta hai aur har samay yoni men khujli evan pira hoti hai. dusre jivanu khamir jati ke hote hain, jinke karan safed garha srav niklta hai evan khujli hoti hai. srav men khatti badbu hoti hai. is sankramak shvet pradar ki janch kisi achche mahila rog visheshagya se avashya karvani chahie, anyatha laprvahi se rog bhayankar rup dharan kar sakta hai.
chikitsakon ke anusar shvet prradar ke karan :
1. guptango ki asvachchata
2. khun ki kami
3. ati maithun tatha tarh-tarah ke aprakritik asnon ka upyog
4. adhik upvas
5. ati shram
6. tikhe, tej masaledar aur tel se tale padarthon ka adhik sevn
7. man men kamuk vichar ka adhik hona
8. yoni men jivanu sansarga
9. ritu srav ki vikriti
10. yoni, ya garbhashay ke mukh par chale
11. bar-bar garbhapat, ya garbhashay shodh
12. adhik santan utpann karna
13. mutra sthan men sankramn
14. ashlil baton aur kam vasna ke vicharon men ati ruchi rakhna
15. sthaniya granthiyon ki ati sakriyata. samanya lakshan : rage ke prarbhan men stri ko durbalata ka anubhav hota hai. khun kam hone se chakkar ana, ankhon ke samne andhera cha jana, bhukh n lagna, shauch saf n hona, bar-bar mutra tyag, pet men bharipan, kati shul, ji michlana, yoni men khujli hona, masik dharm se pahle, ya bad men safed chipchipa srav hona is rog ke lakshn hain. isse rogi ka chehra pila ho jata hai.
upchar : shvet pradar m en striya en ko khane-pine men savdhani bartni chahie. khatti-mithi chijon aur tel-mirch ka tyag karna chahie. guptango ki safai hamesha rakhni chahie. khun ki kami ko pura karne vale khadya padarthon ka sevan karna chahie. hari sabjiyan, band gobhi, tamatar, palak, singhara, gular adi falon ka sevan labhkari hota hai. kuuch samanya gharelu upcharah singhare ke ate ke haluve ka sevan is rog men hitkari hai. gular ke sukhe fal pis kar, usmen misri aur shahad mila kar khaen. mulhthi, misri, jira, ashok chal kramash 1, 2, 6 ke anupat men pis kar, din men tin bar, 4 se 6 mas sevan karne se labh hota hai.
safed musli ya isbgol, sharbat ke sath, din men do bar len. singhara, gokhru, bari ilaychi, babul ki gond, samel ka gond aur shakkar, saman matra men mila kar, subh-sham sevan karen. gond ko shuddh ghi men tal kar, shakkar ki chashni men dal kar, khane se labh hota hai. pakke tamatar ka sup pine tatha anvle ka murabba khane se bhi labh hota hai.
tulsi ke patton ka ras, barabar ki matra men shahad men mila kar, subh-sham chatne se vishesh labh hota hai. anvle ka churn shahad ke sath chatne se aram milta hai. shilajit ek mas dudh ke sath sevan karen. jyotishiya drishtikon : jyotishiya drishti se shvet pradar rog chandra aur shukra ke dushprabhavon se hota hai. kal purush ki kundli men saptam bhav yoni, garbhashay aur mutra pranali ka karak bhav hai aur is bhav ka karak grah shukra hai. ashtam bhav bahya guptango ka bhav hai aur is bhav ka karak grah shani hai, jo sankramak aur dhire-dhire barhne vale rogon ka karak hai.
jab saptam bhav ka karak, ya svami trik sthanon par aur ashubh grahon se prabhavit ho, to mutrashay aur yoni rog utpann karta hai. iske sath-sath lagnesh aur lagn par ashubh prabhav hona, chandra ka ashubh bhavon men aur ashubh prabhavon men rahna shvet pradar rog utpann karta hai, jaise chandra trik sthanon ka svami ho kar saptam bhav men ho, ya saptamesh ke sath ho aur lagnesh trik sthanon men shani ke prabhav men ho, chandra agar shubh bhavon ka svami hai aur trik sthanon men, ya trik svamiyon ke prabhav men hai aur saptam karkesh ashubh grahon ke prabhav men ho, to striyon men shvet pradar rog deta hai.
vibhinn lagnon men shvet pradar roge :
mesh lagn : saptamashe shakru dvadash bhav men budh ke sath ho aur budh ast n ho, chandra chathe bhav men lagnesh ke sath ho aur shani se drisht ho, to striyon ke lie shvet pradar rog hone ki sanbhavna hoti hai.
vrish lagn : chadan r chathe bhav, ya satven bhav men, saptamesh chaturth bhav men guru se yukt ho, lagnesh lagn men shani se drisht ho, to shvet pradar rog utpann karte hain.
mithununun lagn : chadan r shashth bhav men anuradha nakshatra men ho aur us par shani ki drishti ho, mangal kark, vrishchik ya min rashi men ho, to shvet pradar rog deta hai.
kark lagn : chadra trik sthanon par shani ke prabhav men rahe, budh-shukra lagn men aur saptam bhav men guru ho, ya saptam bhav par guru drishti rakhe aur mangal jal rashiyon men rahe, to shvet pradar duahkhi karta hai.
sinh lagn : chad,ra badhua, shakru saptam bhav men hon, surya shashth ya ashtam bhav men ho, mangal dvadash bhav men, ya ashtam bhav men ho, to stri ko shvet pradar hota hai.
kanya lagn : chadanr shakru saptam bhav men, budh shashth bhav men, guru ashtam bhav men shani se drisht ho, mangal kark, arthat ekadash bhav men ho, to shvet pradar rog hota hai.
tuula lagn : shakru -magan l dvitiya bhav men, chandra ashtam bhav men, guru saptam bhav men shani se drisht ho, to shvet pradar rog dete hain.
vririishchik lagn : magan l lagn m,en chandra-shukra shashth, ya saptam bhav men hon aur budh saptam bhav men rahe tatha rahu-ketu se drisht, ya yukt ho, to shvet pradar rog ki sanbhavna rahti hai.
dhanu lagn : lagnashe a dvadash ya ashtam bhav men ho, mangal min rashi men chaturth bhav men revti nakshatra par ho, shukra shashth bhav men, ya saptam bhav men chandra se yukt ho, to stri jatak ko shvet pradar rog hota hai.
makar lagn : lagnashe a saptam bhav men ho, saptamesh guru se yukt ho, shukra-budh shashth bhav men hon aur saptam bhav par rahu-ketu ki drishti se shvet pradar jaisa rog utpann hota hai.
kubhbh lagn : chadanr saptam bhav men ho, saptamesh jal rashi men rahe, budh ast n ho, guru shashth bhav men shani se yukt ho aur mangal ashtam ya dvadash bhav men ho, to shvet pradar rog utpann karta hai.
min lagn : shakru saptam bhav m,en nich ka chandra ashtam bhav men, surya kark rashi men, budh shashth bhav men, shani shashth, ya ashtam bhav par purn drishti rakhe, mangal jal rashi men rahe, to stri jatak ko shvet pradar rog hota hai. uparyukt sabhi yog, apni dasha-antardasha aur gochar sthiti se sakriya ho kar, apne svabhav anurup, rog, ya kasht dete hain. prastut kundli ek stri jatak ki hai, jo shvate padrar rage se pidit hai. is kundli men janm samay vrish lagn udit ho raha tha. lagnesh lagn men, guru, rahu, mangal, shani chaturth, chandra shashth, ketu-budh dasham aur surya min rashi men ekadash bhav men sthit hain. yah kundli vrish lagn ki hai. chandra shashth bhav men aur lagnesh lagn men sthit hain tatha us par shani ki drishti hai.
saptamesh mangal ashtamesh aur ekadshesh ke sath chaturth bhav men shani-rahu se yukt ho kar pirit hai. chandra bhi shani ki drishti men hai, islie shani ki mahadsha men jab chandra ka antar shuru hua, to yah rog shuru ho gaya. shani ki dasha jab tak rahegi, tab tak jatak ko is rage se pidit rahna padge.