baelivud ki patktha ki tarah lagne vali yah stori chikka ke jivan ki sachchi kahani hai. gudri ke lal kahavat ko asal mayne men charitarth karte hue chikkarangappa desh ke sabse pratibhavan ubhrte golfar hain. praimri tak parhe chikka ab farratedar inglish bolte hain. aine ke samne khare hokar inhonne inglish bolne ka abhyas kiya. golf ki shaido praiktis ki. taigar vuds aur sachin tendulakar ko adarsh manne vale chikka kahte hain ki unhen to desh hi nahin duniya ke taep golfaron men shumar hona hai.
san 2003 ki bat hai. chikka maisur ke pas chote se ganv rangeg barana doddi men rahte the. uske mata-pita kheton men majduri karke pet palte the aur usi kamai se kisi tarah ghar ka kharcha chalate the. ek din unke das varshiya bete chikkarangappa (chikka) ko ghar ki kamai barhane ke lie ek sujhav milta hai ki vah ganv ke najdik sthit igalatan golf rijaert par bael baey ka kam karen to 50 rupye roj kama sakta hai. chikka ke pita senappa use vahan jane ki ijajat de dete hain.
ek sal men hi chikka ko golf se pyar ho jata hai aur vah khel-khel men per se tahniyan torakar golf stik banata aur khali samay men purani golf bael hit karne ki praiktis karta. ganv men uska majak bhi uraya jata par vah uski parvah nahin karta, use apna nishana sadhne men bahut sukun milta. tabhi achanak ek din nami golf guru vijay diveja use golf kors ke portiko men lakri ki stik sving karte dekhte hain
to unki anubhvi ankhen uske hunar ko pahchan leti hain aur ve turant uske pas jakar uski tarif karte hain aur use golf khelne ki davat dete hain. chikka pahle to sakpka jata hai par bad men jab divecha use ashvasan dete hain ki uska koi kharch nahin hoga aur vah uski puri dekhbhal karenge to vah fauran taiyar ho jata hai lekin jab vah apne mata-pita se is bare men bat karta hai to ve saf mana kar dete hain.
ve pratidin 50 rupye ki dihari se hath nahin dhona chahte the lekin chikka ne unhane manane ke lie bhukh hartal kar man ko kisi tarah mana liya aur usne use chah mahine ka samay diya ki agar kuch kar ke nahin dikhaya to vapis apne kam par lag jana. agle chah mahine men chikka ne ji-tor mehanat ki aur ek juniyar turnament jit liya.
akhbaron men khub vahvahi mili aur jyada paise bhi mile. ghar valon aur ganv valon ka najriya bhi badal gaya. 50 rupye pratidin ki kamai se shuru hua chikka ka safar aj das varsh men is mukam par pahunch gaya hai ki vah profeshanal golf tur aef indiya ki kamai vali list men chaithe nan. par hai. pichle sal chikka ne 21 mahinon men 25 turnament khele. 4 jite aur 16 men taep -10 men rahe aur 51 lakh 69 hajar ki kamai ki.
pichle varsh ki tarah unhonne is bar bhi ek karor inami rashi vali siji. opan turnament men jit hasil ki. aj unhen khushi aur garva hai ki unhonne jo socha vo kar dikhaya aur mehanat se saflta hasil ki. chikka ne apne mata-pita ko khet kharid kar diya hai jisse ve ab uske lie fal, sabji aur ann ugate hain taki beta tandurust rahe. ab ye bat alag hai ki kamyabi ki sirhi par pahunchne ke lie apne dharatal se thora alag hona hi parta hai.
chikka ab desh-videsh men itna vyast hai ki use samay hi nahin milta. chikka ka kundli vishleshan chikkarangappa ki kundli men lagn, lagnesh aur chandrama ki bahut shubh v balvan sthiti hai. panchmesh chandra lagn men aur lagnesh guru kendra men sthit hokar ek dusre se drisht hain aur gajkesri yog bana rahe hain jiske karan chikkarangappa men apar ichchashakti, akarshan aur nirantar agrasar hone ki shakti hai.
inki janmakundli men dhan, samriddhi ke anek yog vidyaman hain jiske falasvarup chikkarangappa itne garib parivar men janm lene par bhi apni buddhi, kala-kaushal se itne bare mukam par pahunchne men safal hue. falit jyotish men pancham bhav ko ati mahatvapurn mana jata hai kyonki pancham bhav se purvajanm krit punyakarmon ka vichar kiya jata hai.
hamara bhagya inhin punyakarmon ki upalabdhi par nirbhar karta hai islie bhi ki pancham bhav navam se navam hai. arthat hamare bhagya ka bhagya isi pancham bhav par nirbhar karta hai. iska ek yah arth bhi nikal sakte hain ki yadi navam bhav bali ho aur pancham bhav ashubh ho to hamari bhagyonnati men hamen rukavton ka samna karna parega. atah ham kah sakte hain ki jivan men uchchastariya saflta prapti hetu panchmbhav ki shubh sthiti vanchniya hai.
isi karan jaimini jyotish men pancham bhav ko rajyog karak mana jata hai. pancham bhav ko purvajanm krit punyon ke atirikt buddhi, satta aur manoranjan v khel jagat ka karak bhav bhi mana jata hai. chikkarangappa ki janmapatri men pancham bhav ka svami chandrama purn bali hokar lagnasth hai tatha pancham bhav ke karak guru se drisht hokar gajkesri yog ka nirman bhi kar raha hai
islie apne bauddhik bal, bhagya ki takat v kari mehanat tatha shreshthatam kalpana shakti se inhonne apne sadharan se parivar ke lie asanbhav lagne vala mukam saflta purvak hasil kiya. achche v safalatam khilariyon ki janm patri men lagn, chandra lagn, surya lagn ya karkansh lagn men kanya rashi adhikatar pai jati hai. chikkarangappa ka surya lagn inka karkansh lagn bhi ban raha hai. atmakarak grah guru kanya ke navansh men hai.
islie karkansh lagn kanya hua. kushal khilari banne ke lie kanya lagn hona to shubh hota hi hai sath hi parakramesh v parakram bhav ki shubh sthiti bhi sahayak hoti hai. iske atirikt pratiyogita men pratidvandvi ko pacharne hetu chathe bhav ke bal ki bhi apeksha rahti hai. uprokt sabhi gun chikkarangappa ki kundli men maujud hain. inki karkansh kundli men kanya lagn hai tatha parakramesh lagnesh se yukt hai.
parakram bhav men rahu sthit hai. chathe bhav men shani ki sthiti inhen khel jagat men apne parakram ka loha manvane tatha apne pratidvandvi ko pacharne men sahayak ho rahi hai. chikka ki kundli guru pradhan kundli hai, guru lagnesh v dashmesh hone ke atirikt atmakarak grah bhi hai aur navansh men vargottam bhi ho gaye hain. chikkarangappa ki janmapatri men parakramesh mangal ashtamesh bhi hai.
ashtamesh se gupt shakti ke vikas ka vichar kiya jata hai islie ashtamesh-lagnesh ki yuti ne chikkarangappa ko chupa rustam arthat gudri ka lal bana diya. chikkarangappa ki kundli men kuch anya mahatvapurn yog- rajyog: saravli granth ke anusar yadi lagnadhipti tatha rashyadhipti balishth hokar kendra men ho to jatak raja ke saman sukh bhogta hai. inki kundli men lagn svami aur rashi ka svami guru kendra men sthit hai jiske karan ye achchi dhan sanpatti ka upbhog kar rahe hain.
dhan yog: janmapatrika men yadi panchmesh aur lagnesh ka kisi prakar se koi shubh sanbandh bane to jatak apne jivan men dhani banta hai. inki kundli men panchmesh chandrama tatha lagnesh brihaspati ki paraspar ek dusre ke sath drishti sanbandh hone se yah yog purn rupen ghat raha hai aur isi karan jatak ke pas aj apar dhan rashi hai.
dhan sukh yog: inki kundli men dhanesh mangal aur sukhesh budh ki yuti hone se dhan sukh yog ban raha hai jisse ye apne mata-pita ke sath sukh se jivan bita rahe hain halanki yah yog ashtam bhav men banne se inhen jivan men adhik parishram karne se hi dhan-sukh ki prapti hogi.
adhik dhan prapti yog: janmapatrika men lagnesh aur bhagyesh ki yuti athva drishti labh sthan par ho to vyakti ko adhik dhan prapti ke yog bante hain. inki kundli men lagnesh brihaspati evan bhagyesh mangal ki labh bhav par purn drishti hai. isilie inhen achanak itni bari saflta prapt hui aur aj ye karorpti ban gaye hain
jabki pahle matra 50/- rupye roj ki majduri karte the. parakrami purush yog: sarvarth chintamni jyotish granth ke anusar tritiya (parakram) bhav ka karak grah yadi shubh grah se yukt ho tatha navansh men bhi shubh grah ke navmansh men ho to vah vyakti vishesh parakram se yukt hota hai. is jatak ki kundli men parakram bhav ka karak grah mangal shubh grah budh ke sath sthit hai tatha navmansh kundli men shubh grah brihaspati ke navmansh men sthit hone se yah yog purnatah ghatit hota hai aur isi karan inhen golf ke khel men apne parishram evan lagn se itni bari saflta prapt hui.
viprit raj yog: yadi ashubh sthan ke svami ashubh sthan men sthit hokar ek dusre par paraspar drishti se dekh rahe hon ya inki yuti ho to viprit rajyog banta hai. chikka ki kundli men ashtamesh shukra chathe bhav men sthit hai tatha dvadshesh shani barhven bhav men sthit hone se donon grah ek dusre ko dekh rahe hain.
yah ek prabal viprit rajyog ban raha hai aur isi yog se chikka itne garib parivar men janm lene par bhi aur keval praimri skul tak parha hone par itni bari asadharan uchch sthiti men pahunch gaya. karkansh lagn 7 9 3 11 1 8 4 10 2 6 12 su. gu. 5 shu. shachanbu. mankeraagle panch varshon tak budh ki mahadsha chal rahi hai jismen inki tarakki aur adhik hoti rahegi.
tritiya bhav par guru v shani ke sanyukt gochriya prabhav se agami nikatatam bhavishya men inki kisi bhi pratiyogita men vijay nishchit hai tatha khel jagat men inka dabdba gat varshon ki tarah kayam rahega.