hastarekha dvara videsh yatra ka vichar
  1. Home
  2. Palmistry
  3. hastarekha dvara videsh yatra ka vichar
हस्तरेखा द्वारा विदेश यात्रा का विचार

hastarekha dvara videsh yatra ka vichar  

Amit Kumar Ram
Views : 20684 | March 2015
  • - hath men chandra parvat manobhavon ka suchak kshetra hota hai aur chandra parvat se hi niklne vali tamam ari, tirchi aur khari rekhaen ‘yatra rekhaen’ kahlati hanai. yahi ve rekhaen hoti hain jinke madhyam se jatak ke jivan men hone vali sanbhavit ‘videsh yatra’ ka akalan kiya jata hai.
  • - chandra parvat se niklne vali yatra rekhaon ki sthiti ke adhar par hi gantavya sthan ki duri ka anuman lagaya jata hai. arthat rekha yadi lanbai men adhik hai to lanbi duri ki yatraen hongi aur rekha yadi choti hon to paryapt duri athva samipasth sthan ki yatra sanbhavit hoti hai.
  • - jivan rekha athva ayu rekha se niklti hui athva manibandh se upar uthakar chandra parvat tak pahunchne vali rekhaen bhi yatra rekhaen kahlati hanai.
  • - angushth ke mul se nikalakar jivan rekha ki or jane vali athva jivan rekha men samahit ho jane vali rekhaen ‘videsh yatra’ ki rekhaen hoti hain.
  • - hatheli men anguthe ke mul kshetra, yani shukra parvat par sthit choti, bari tatha spasht dikhti hui nirdosh khari rekhaen ‘videsh yatra rekhaen’ hi mani jati hain. chandra parvat se niklne vali yatra rekhaon ke sath-sath hi shukra parvat par sthit in rekhaon ke sammilit adhyayan se hi ‘videsh yatra’ ka satik anuman lagaya ja sakta hai.
  • - kanishthika (sabse choti) ungli ke mul kshetra se utpann hokar jivan rekha tak pahunchne vali prabhav rekhaen bhi jatak ke jivan men yathochit samay ane par videsh jane ka avasar pradan karti hain.
  • - chandra kshetra athva chandra parvat se nikalakar koi nirdosh tatha spasht rekha yadi budh kshetra athva parvat ki or pahunchti ho to jatak nishchayapurvak apne jivan kal men videsh yatra athva yatraen karta hai.
  • - yadi shukra parvat ke mul men koi rekha jivan rekha ki or se akar milti ho aur dusri shakha rekha chandra parvat ki or jati ho to jatak anek varshon tak durasth deshon (videsh) men pravasi jivan vyatit karta hai.
  • - yadi chandra parvat se upar uthakar koi rekha surya parvat tak pahunch jae to jatak ko videsh yatra ke dauran dhan sanpatti aur man-samman ki prapti bhi hoti hai.
  • - chandra parvat se nikalakar jab koi rekha bhagya rekha ko katti hui jivan rekha men jakar mil jae to vah vyakti ko duniya bhar ke deshon ki yatra karvata hai.
  • - yadi ayu rekha (jivan rekha) svatah hi ghum kar chandra parvat par pahunch jae to vah jatak anekanek durasth deshon ki yatraen karta hai aur uski mrityu bhi janmasthan se kahin bahut dur kisi anya desh men hi hoti hai.
  • - manibandh se nikalakar koi rekha yadi mangal parvat ki or jati ho to vah vyakti jivan men samudri videsh yatraen karta hai.
  • - pratham manibandh se upar uthakar chandra parvat par pahunchne vali rekhaen sarvadhik shubh mani jati hain. parinamtah yatra safal aur labhdayak hoti hai.
  • - yadi chandra parvat se uthne vali ari (leti hui) rekhaen chandra parvat ko hi par karti hui bhagya rekha men mil jae to durasth deshon ki mahatvapurn v faldayi yatraen hoti hain.
  • - yadi kisi jatak ke dahine hath men to videsh yatra rekhaen hon aur bayen hath men rekhaen n hon athva rekha ke praranbh men koi kraes ya dvip ho to videsh yatra men koi n koi badha utpann ho jayegi athva jatak svayan hi utsahhin hokar videsh yatra ko radd kar dega.
  • - yadi yatra rekhaen tuti-futi athva aspasht ho to yatra ka sirf yog hi ghatit hokar rah jata hai. pratyaksh men koi yatra nahin hogi.
  • - yatra rekha par yadi koi kraes ho to yatra ke dauran eksident athva anya kisi dukhad ghatna ke hone ki purn ashanka rahti hai.
  • - yadi chandra parvat se nikalakar koi rekha budh kshetra tak athva budh parvat par pahunchti ho to jatak ko yatra ke dauran akasmik dhan ki prapti hoti hai.
  • - yadi chandra parvat se yatra rekha hatheli ke madhya men se hi athva murakar vapas chandra parvat par aye to jatak ko videsh men vyapar athva naukri ki khatir kai varsh vyatit karne ke bad majburan svadesh vapas lautna hi parta hai.
  • - yadi yatra rekha chandra kshetra se nikalakar tatha puri hatheli ko par karte hue guru parvat tak pahunchti ho to jatak ko durasth sthan athva videsh ki atyadhik lanbi yatraen karni parti hai.
  • - yadi kisi stri ya purush jatak ki hatheli men chandra parvat se yatra rekha nikalakar spasht rup se hriday rekha men jakar mil jae to us jatak ko yatra ke dauran hi prem sanbandh athva prem vivah hone ki purn sanbhavna hoti hai.
  • - yatra rekha par yadi koi kraes ho tatha uske samip chatushkon bhi ho to aksar yatra ka tayshuda karyakram akasmat sthagit karna parta hai.
  • - chandra parvat se nikalakar koi yatra rekha mastishk rekha se mil jati ho to jatak ko yatra men koi vyavsayik samjhauta athva bauddhik karyon ka anubandh karna parta hai.
  • - yadi hatheli men chandra aur shukra parvat unnt ho tatha jivan rekha pure shukra kshetra ko gherti hui shukra parvat ke mul tak jati ho tatha chandra parvat par spasht yatra rekha ho to jatak ko apne jivnkal men desh-videsh ki anekanek yatraen karni parti hain.
  • - chandra parvat se koi spasht rekha nikalakar jivan rekha ko madhya men se katti hui uske samanantar mangal kshetra par pahunchti ho to lanbi yatraon ke avasar milte hain. aisa jatak videsh men kai varshon tak rahta hai.
  • - yadi kisi jatak ki hatheli men jivan rekha se koi nirdosh prabhav rekha nikalakar niche manibandh kshetra se milti ho tatha tribhuj banati ho aur bhagya rekha se bhi koi spasht shakha rekha niche jakar is prabhav rekha ke sath tribhuj ka nirman karti ho to aisa jatak sadaiv yatra karne ka ichchuk rahta hai tatha vyaparik karyon se vah desh-videsh ki anek labhkari yatraen bhi karta hai.
  • - yadi kisi ki hatheli men chandra parvat se koi nirdosh rekha nikalakar jivan rekha tak ati ho aur vahan se bhagya rekha nikalakar shani parvat tak pahunchti ho to vah jatak uchch shiksha prapt karne ke lie videsh yatra karta hai.
Kya aapko lekh pasand aaya? Subscribe

PalmistryMounts & LinesPrediction Technique

Previous
माता-पिता और संतान की शिक्षा का आपसी संबंध

Next
चिक्कारंगप्पा


[+] Aur Padhein
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

Arun-Bansal-Astrologer

Dr.Arun Bansal

Exp: 40 Years

Dr Arun Bansal is the biggest name in the field of Astrology owing to the number of laureates he has...
Abha Bansal astrologer

Abha Bansal

Exp: 37 Years

The Chief Treasurer of All India Federation of Astrologers' Societies (AIFAS), Astrologer Abha Bansa...
Dr. Tanvi Bansal

Dr. Tanvi Bansal

Exp: 10 Years

A brilliant analytical thinker and problem solver, with an experience of more than 10 years in Predi...
astrology-vastu-palmistry
kundli-software-leostar

.