jaisa ki ap jante hain, tairo men kul 78 kard hote hain. ye mukhyatah do bhagon men bante hote hain- mejar arkana v mainar arkana. mejar arkana men ‘0’ se lekar ‘21’ tak kul 22 kard hote hain tatha mainar arkana men ‘56’ kard hote hain. jahan mejar arkana brahmandiya vishyon (mul tatvon, grih v rashiyon) ko vyavharik kshetra men lakar yah batate hain ki jivan ki rojamarra ki ghatnaon men ve kaise lagu hote hain. mainar arkana kards pratinidhitva karte hain un sarokaron, gatividhiyon tatha bhavnaon ka jo jivan ki pratidin ki prakriya ko sthapit karti hai. is bar ap ko kuch mejar arkana kards ke bare men bataenge. kram kard ka nam kard ka vivaran kard ka fal 0 di ful (murkha) tatva-vayu yah kard apratyashit ghatna ka ya khabar ka pratik hai. aise prabhav jo jatak ki nirnay kshamata evan ruchiyon ko natkiya dhang se badal deta hai tatha satya ko n pahchanna, bachche jaisi adten, saf dil ka, bhrashtachar se koson dur, dharm ki kami, kisi bhi karya ko karne ki adhirta, atyadhik ashavadi, romanchkari karya ko karne kei utsukta, hajir javab v befrik.
1 di maijishiyan (jadugr) grah-budh yah ek shubh kard hai jo naye avasar, nae udyam, drirh ichcha shakti evan pratyek nae kam men umang ke sath samahit hone ka pratik hai. age barh-charhakar bhag lena, apni kabiliyat ko pahchanna. gyan saflta ki kunji hai parantu apne ko dhokhe men n rakhen ki vah har samasya ka samadhan jante hain. apne lakshya par dhyan kendrit rakhen. apni bat v kam ko kaise pura karna hai vah bhali bhanti janta hai v use pura bhi karta hai.
2 di kard pristes (pujarin) grah- chandrama yah kard rahasyon ki margadarshika ka bodh karata hai. iska tatparya yah hai ki kisi rahasya se pardafash hone vala hai ya jatak kisi rahasya ko ujagar karna chahta ya chahti hai. rahasyamyi, man ki chupi bhavnaen, purvabhas, strishakti, shant vyaktitva.
3 di emprais (maharani) grah-shukra yah kard prem, shadi, bharose, samriddhi tatha janm ka pratik hai. isse yah samjhna chahie ki koi svagat yogya shubh ghatna ghatne vali hai. kisi nae ghatna ka uday hona v barhna, sukh samriddhi, srijnatmakata, atyadhik sneh bhav, jivan ke prati sakaratmak soch, kala v saundarya par dhyan kendrit karna, prakritik saundarya men rahna pasand karna, sukh suvidhaon men bharpur jivan jina.
4 di emparar (maharana) rashi-mesh yah upalabdhi aur samman ka pratik hai tatha kai bar purush ke adamya prabhav ka dyotak bhi hota hai jaise- pita/pti/sajhedar ya jatak ke jivan men kisi purush ya uchchadhikari ka prabhav hota hai. adamya shakti, pratinidhitva, sabse age barhakar karya karna v anya log unki rah par chalna pasand karte hain. nyay priya v nyay pranali ko sahi tarike se banae rakhna.
5 di hayrofent (jyotishi) rashi-vrish yah naitik kanun, chatur aur buddhiman, paramarshadata, vyavharik nirdeshak ya adhyatmik guru ka pratik hai. paranprik riti-rivajon ko jo multah dakiyanusi vichar vala hai, jo nai bat talashne ke hak men nahin hai. is kard ka prakatan vivah ya vivah ki kamna evan kanuni jimmedariyon aur sarkari dastavejon ki or ingit karta hai.
6. di lavars (premi) rashi-mithun yah premi yugal ka pratik hai, jatak ke jivan men pravesh karne vale nae prem-sanbandh ka sanketak hai jise jatak svayan nahin dekh sakta parantu prapt karne par ashcharyachkit rah jata hai tatha prem v katrtavya ke bich nirnay ko sthapit karta hai.
7. di chairiyat (rath) rashi-kark yah sangharsh ya takravon ke pashchat vijay ka pratik hai. islie yah kard yah salah deta hai ki yadi kisi sangharsh men jatak fansa hai to use prayatn jari rakhne chahie kyonki anttah vijay jatak ki hogi.
8. jastis (nyayadhish) rashi-tula yah nyay v imandari ka parichayak hota hai tatha har mamle men santulan ko pradarshit karta hai. sajhedari, mukdme ityadi ke mamle men sabhi ke sath nyay evan imandari ko dikhata hai chahe yah hissa vyapar ka ho ya vyaktigat.
9. di harmit (sadhu-sannyasi) rashi-kanya yah kard atma-vishleshan tatha shanti evan ekant ki kamna ka pratik hain. yah jatak ko chetavni deta hai ki nirnay jaldabaji ya adhirta se n liya jae balki kisi bharosemand vyakti se uchit salah lekar nirnay len. yah nirnay mukhyatah svasthya se sanbandhit bhi ho sakte hain. isse pata chalta hai ki jatak ki bimari ke bad svasth hone ke lie kitne samay tak aram karna chahie.
10. di vhil aef faerachyun (bhagya chakra) grah-brihaspati yah jivan ke nar chakra ka pratik hai. iska arth hai saubhagyashil evan sunhra bhavishya. yah bhi bhagya hai jo ap is avasar men ae n ki ap apni marji se ae. maujuda samasyaon ka ant aur purva samay men kiye gae prayatnon ka pratifal ya inam prapt hota hai.
11. strenth (shakti) rashi-sinh iska tatparya keval bhautik shakti nahin balki bhayankar dabav ki sthiti men sahjta se karya karne ki kshamata ko prakat karta hai tatha iska ant saflta ke sath hota hai.
12. di haingmain (fansi) tatva-jal grah-nepchyun yah jatak ke parthiv ya bhavnatmak badlav ka pratik hai. sath hi jatak men paristhitiyon ke anusar svayan ko dhal pane ki yogyata ko darshata hai.
13. deth (mrityu) rashi-vrishchik yah kard bhaydayak jarur pratit hota hai parantu vastav men aisa nahin hai. yah purane kamon ki samapti ya nae kamon ki shuruat ko batata hai.
14. temparens (dhairya) rashi-dhanu yah atm niyantran, jvalnshil muddon ko thande dimag se nibtne ka pratik hai jisse ki sakaratmak parinam mil saken.
15. di devil (shaitan) rashi-makar yah kard ek shubh sanketak hai. yadi kisi vivah men pratibaddhata ya rishton ki imandari ka prashn ho to ise sachchai, imandari evan vafadari ka prempurn pratik samjha jana chahie.
16. di taevar (minar) grah-mangal deth aur devil ke pashchat yah kard behad bhay evan khauf ka vatavaran prapt karta hai. apratyashit ghatnaon ke bare men jo tahs-nahas karne vali lekin uske bad majbut hokar ubhrenge tatha samasyaon ke vilanb ki or ishara karta hai.
17. di star (tare) rashi-kunbh yah ek faldayak kard hai jo bhavishya ka pratik hai v antdrishti pradan karta hai. ismen ashirvad, ummid, nishtha ka drishtikaran evan apratyashit uphar samahit hai.
18. di mun (chandrama) rashi-min yah jatak ki tivra bhavnatmak abhivyakti aur sanshay ki sthiti pradarshit karta hai. parantu yah jatak ki rah ko jagmga dene vala hota hai bhale hi man men kitna bhi bhay kyon n ho arthat rasta kitna bhi kathin kyon n ho, anttah saflta ki prapti karata hai.
19. di san (surya) rashi-surya yah uttam kardon men se hai jo batata hai ki samay bahut harshadayak aur prasannatavarddhak sthiti ki or agrasar hai, masti bhari chuttiyan, charon or se bachchon ke sanbandh men shubh samachar ya kafi samay pashchat bachche ke janm ka pratik mana jata hai. parivar v mitron ke sath mauj-maja, priya aur sauhardapurn sanbandhon ka pratik hai.
20 jajment (nirnaya) grah-pluto tatva agni yah vartaman purnata evan purva samay men kie gae prayatnon ke puraskar ka dyotak hai arthat purane prayatnon ke samapan evan nae kamon ki shuruat ka pratik hai.
21 di valrd (vishva) grah-shani yah jatak ki hardik ichcha ki sanpurti ka pratik hai chahe vah kuch bhi kyon n ho arthat upalabdhi ka samay, manyata, saflta pane ki ghari aur vijayashri ki upalabdhi ka pratik hai.
murkh (di ful): yah kard udit ho to apratyashit ghatna ya khabar ki asha karni chahie, ek aise prabhav ki jo natkiya rup se apke nirnay ko badal de. yah kard nai shuruat ka, anjan jagah ke lie yatra-jismen bahut maja ae-suchak hai. raste men hue anubhav yatri ko adhik tajurbekar aur buddhiman bana denge. lekin yadi pathan satra men pahli bar ye hi uday ho jae to samjhna chahie ki ek duahsahsik bevkufi hogi ya pucha hua saval hi galat hoga ya ise puchne ka karan hi galat hoga. di ful riding ek aise vyakti ka bhi parichayak hota hai jo anutha, lik se hatakar chalne vala, vasna se paripurn aur sanki ho sakta hai. jadugr: (di maijishiyan) yah ek umda kard hai jo nae avsron ka, nae udyam ki mahatta, drirh ichcha shakti evan har kam men umang ke samavesh hone ka pratik hai. iska pare jaisa dhulmul svabhav hai. ap svayan ka akalan kar apni jamin par rahenge aur sam-dam, dand-bhed se apna lakshya avashya prapt kar lenge. rinatmak rup se yah kard chalbaji, dhokhadhri ko sthapit kar yah chetavni deta hai
ki kisi par bhi vishvas bahut soch samajhakar karen. kabhi-kabhi iska ulta prabhav apne atma-vishvas men kami tatha anirnayatmak sthiti ka dyotak hai. pujarin (di hai pristes) yah rahasyon ki marga-darshika ke rup men karda-pathan men ubhrti hai. iska sanket hai ki kisi rahasya se pardafash hone vala hai ya koi rahasya ap ujagar karna chahte hain. apko samjhna hoga ki apne antrik abhas par bharosa karne ka samay a gaya hai. itni antaprragya shakti ko hi apna marga-darshan karne dijie. yah us vyakti ki taraf bhi ishara karegi jisse apko mashvira lena chahie. yadi kisi admi ke lie kard pathan ho raha hai to yah uske jivan ki sarvadhik mahatvapurn mahila ki taraf ishara karta hai. iska rinatmak paksh hai kisi mahila ka us par galat prabhav dalna. maharani (di empres): yah pratik hai
prem, bharose, samriddhi tatha janm ka islie jab yah prakat hoti hai to samjhie koi svagat yogya sthiti ghatne vali hai. di empres srijnatmakata ka hona ingit karta hai. di empres dhan sanbandhi chintaen tatha anchahe garbh ya anurvarta ka nirdesh deti hai. maharaj (di emparara): yah pratik hai upalabdhi evan samman ka aur kai bar purush ke adamya prabhav ka dyotak bhi hota hai jaise pita/ pati/sajhedar ya apke jivan men kisi purush ya baes ka prabhav. jab yah kard sahi sthiti men prakat ho to samjhie apke prabhav aur rutbe men vriddhi hone vali hai ya apka raub logon par kayam hoga. rinatmak rup se di emparar ka prakatan nirdesh deta hai ki koi dabang ya tanashahi vyakti ap par jabaradasti, apni satta ke karan raub ganthne vala hai. anya rinatmak nirdesh asafal akanksha, pad sthiti ki adamya lalsa aur kisi sattadhari vyakti ke karan asuraksha ki bhavna.