pratyek manushya ka janm ya to din athva ratri, krishn paksh athva shukla paksh evan saptah ke kisi ek var ko hota hai. panch pakshi panch tattvik spandan ke adhar par panch tarike se shukla paksh evan krishn paksh men chandra ke barhte evan ghatte kalaon ke prabhav ke anurup karya karte hain. in panchon tatvon ka spandan 5 staron men ek nishchit samyavdhi ke lie kriyashil rahta hai. pakshiyon ki kriyavidhi evan kriyashilta men paksh, tithi evan divas ke adhar par parivartan ata rahta hai. yadi inmen se koi ek apni uchch avastha men hota hai to dusre char anya bhinn avasthaon men ghatte hue kram men hote hain. hammen se pratyek kisi ek pakshi ke prabhav men rahte hain. pahle bataya ja chuka hai ki pratyek pakshi ke pramukh gatividhi ke dauran anya char pakshi bhinna-bhinn upgtividhiyon men sanlagn rahte hain. upgtividhiyon ka kal bhinna-bhinn gatividhi ke lie din tatha ratri men alg-alag hote hain. kintu har hal men sabhi upgtividhiyon ka sammilit kal 1 yam arthat 2 ghante 24 minat hi hota hai.
din ke samay upgtividhiyon ke lie niyat samy:
1. khana-30 mint
2. ghumna-36 mint
3. shasan karna-48 mint
4.sona-18 mint
5.marna-12 mint
ratri ke samay upgtividhiyon ke lie niyat samy:
1. khana-30 mint
2. shasan karna-24 mint
3.marna-36 mint
4.ghumna-30 mint
5. sona-24 mint
atah spasht hai ki din ke samay mahatvapurn upgtividhiyon ke lie adhik samay nirdharit kie gae hain. isse pata chalta hai ki kisi bhi karya ka shubharambh evan nishpadan din ke samay hi apne pakshi ke adhar par chaynit shubh gatividhiyon ke karya kal men uchit upgtividhi ke samay men karna chahie. is prakar ke shubh samay men kiya gaya karya nishchit taur par safal hota hai. atah kisi bhi mahatvapurn karya ke lie chahe kisi se vyavsayik varta ho athva sarkari uchchadhikariyon se milna athva sakshatkar men shamil hona athva vivah-charcha athva koi anya mahatvapurn karya, sadaiv apne pakshi ke anusar shubh samay ka chayan karke hi nishpadit karna chahie. panchapakshi shastra prachin tamil santon ki aisi anmol den hai ki isse shubh samay nirdharit karke diya gaya koi bhi karya safal hi hota hai. avashyakta hai to sirf sahi tarike se sikhakar isapar amal lane ki.
pakshiyon ke bal: prachin tamil santon ne vibhinn pakshiyon ke shukla evan krishn paksh men alag alag bal nirdharit kiye hain.
shukla paksh men pakshiyon ke bal is prakar hain-
1. kaua-purn bal
2. giddha-75ah bal
3. ullu-50ah bal
4. murga-25ah bal
5. mor- 12.5ah bal
krishn paksh men pakshiyon ke bal is prakar hain:
1. kaua - purn bal
2. giddh - 75ah bal
3. murga - 50ah bal
4. ullu - 25ah bal
5. mayur - 12.5ah bal
yadi ham shasan karne ki gatividhi ko sabse shaktishali manen to anya pakshiyon ki bhinna-bhinn gatividhiyan har star par 1/5 ya 20ah kam hoti jayengi. is prakar shasan karne men 100ah, khane men 80ah, ghumne men 60ah, sone men 40ah tatha antim sushuptakal marne ki gatividhi men 20ah bal har pakshi ke hote hain. pakshiyon ke ye bal alg-alag pakshiyon ke apne prakritik bal ke adhar par bhi samanupatik rup se ghatte jayenge. kaua sadaiv har star kuch pakshiyon ke prakritik bal krishn paksh tatha shukla paksh men alg-alag hasamanya taur par shasan karna men shasan karna ki upgtividhi sarvottam samay hoti hai. kintu yah sabhi pakshiyon ke lie barabar nahin hai. kaua ko chorakar anya pakshiyon ke prakritik bal kramshah thore-thore kam hote jate hain. udaharanasvarup giddh ka prakritik bal kaua ki apeksha 75ah hai. atah giddh ke kal shasan karna men shasan karna upgtividhi ke dauran karya men saflta to milegi kintu kaua ki tulna men kam. is tarah se pakshiyon ke bal ka akalan kar iska prayog vibhinn karyon men kiya jata hai. yadi shubh gatividhi ke sath shubh upgtividhi hogi to karya ki saflta nishchit hai.