yah dharmashastra sammat hai ki jab-jab prithvi par dharm bhakshak, rhongiyon evan asuron ka bolbala ho jata hai. tab-tab prabhu anek rupon men is punya bhumi par sant, mahatma, dharm pravartak adi ke rup men avtrit hote hain. dharm aur ishvar ka prachar prasar karte hain. main is lekh men, unhin punyatmaon ka janm kundli ke madhyam se shodh prastut karne ka prayatn kar raha hun. unki janm kundliyon men aise kaun-kaun se yog utpann hue, jiske karan ve aise dharm pran vyaktitva ko lekar punya dhara par prakat hue. janmakundli men lagn ko kendra tatha trikon, donon hi rupon men jana jata hai. lagn ka svami koi bhi grah ho, vah sadaiv shubh aur sashakt mana jata hai. lagn ya lagnesh svayan ka, svayan ke tan ka evan atma ka dyotak hota hai. iska karak surya hai aur atma/atma ka rup hota hai. pancham bhav shubh aur mul trikon ke rup men jana jata hai. iska svami bhi shubh mana jata hai. is bhav se ishtadev ki aradhna, vidya, buddhi, vinay adi sagun mane jate hain. iska karak svayan guru brihaspati hai. navam bhav yah sabse shubh bhav hai, iska svami ativ shubhta dharan kiye hota hai. is bhav se dharm, guru, acharya, tapasya, vidya, sadachar, dev puja, sanyas, antahgyan adi sagun jane jate hain.
is navam bhav ke karak dev guru brihaspati evan surya hain. chandra chanchal hai, atah yah man ka pratik hai. jab tak koi gun ya avgun, man men puri tarah nahin samata tab tak vah gun upar hi upar tairta rahta hai atah antar men samanta avashyak hai. budh buddhi evan vivek pratik hai. brihaspati to svayan dharmavtar devatva evan dev guru hai hi. kundli men sagunon ke lakshana: janm kundli men navmesh svagrihi ho ya lagn sthan men sthit ho ya pancham bhav men sthit ho ya chaturth kendra men sthit ho. lagnesh (chandra ke atirikta) pancham bhav men, ya navam bhav men sthit ho ya svagrihi ho. lagnesh ya panchmesh- lagn, pancham ya navam bhav men sthit ho ya lagnesh ya navmesh dvara purn drishti se dekha jata ho ya sath men sthit ho. lagn, pancham tatha navam bhav men, koi bhi grah n to nich rashi ka hokar sthit ho aur n hi rahu ya ketu in tinon hi sthanon men sthit hon. lagnesh, panchmesh tatha navmesh ke sath rahu ya ketu sthit bhi n hon.
lagn se chathe, athven tatha barhven bhaveshon ka lagnesh, panchmesh tatha navmesh ke sath sthit hona athva lagnesh, panchmesh v navmeshon ka bhi in tinon dusht sthanon men sthit n hona chahie to aise shubh yogon men janm lene vala jatak sadaiv satoguni karya karne vala tatha ishvar bhakt hota hai.
1. shri ramkrishn parmhans (18.2.1836) û lagnesh shani navam bhav men uchch rashi tula men sthit hai. û navmesh shukra bhi apni uchch rashi min men dvitiya bhav men sthit hai. û panchmesh budh lagn men surya ke sath sthit hokar budhaditya yog bana raha hai evan sath men man ka svami chandra bhi hai. û brihaspati, navmesh shukra evan lagnesh shani (uchcha) ka prabhav lekar pancham bhav men sthit hokar, lagn tatha lagn men sthit tinon grahon ko, lagnesh shani ko apni navmi tatha pancham drishti se dekh raha hai. guru apni rashi dhanu ko saptam drishti se dekh raha hai. svami ramkrishn parmhans, kalyugi yogeshvar the. ve man kali ke paramabhakt the, man kali svayan akar inko dugdhapan karati thin. ve yogiraj ke sath parmhans (videh) hone ke sath-sath mahan tapasvi bhi the. ve parmatma ke sath atmasat sanyasi ho gaye the. patni ke sath rahte hue bhi apne brahmacharya vrat ka palan kiya. svami vivekanand jaise mahan sant apke shresht shishya the.
2. svami vivekanand (12 janvri 1863) û lagnesh shani chandra ka prabhav lie navam bhav men mitra rashi kanya men sthit hai. û navmesh budh lagn men, surya ke sath budhaditya yog bana kar sthit hai. û lagn men shukra-dashmesh hokar, guru ka prabhav lie sthit hai, shukra panchmesh bhi hai. û shani dvitiya vani bhav ka bhi svami hai. û shani evan chandra ki navam bhav men sthiti yuti vairagya karak hai. û guru dvadshesh yani videsh yatra ka bhav hai. is kundli men buddhi, dharm, vani v sharir (lagna) ka shubh sanbandh bana hai. svami vivekanand ne videshon men apni dharmavak shakti dvara logon ko chamatkrit kiya tatha bhartiya sanskriti tatha hindu dharm ki pataka videshon men fahrayi aur apne guru svami ramkrishn parmhans ke updeshon ka prachar prasar kiya.
3. shri adi shankracharya û dharmesh guru lagn men uchch rashi men sthit hokar pancham bhav tatha apne navam bhav ko dekh raha hai. û panchmesh mangal jo ki dashmesh bhi hai, ketu ke sath shatguna shakti lekar dvitiya vani bhav men baith kar apne pancham bhav tatha navam bhav ko dekh raha hai. û panchmesh mangal ki mesh rashi dasham bhav men vanish-atmakarak surya, budh ke sath budhaditya yog ban raha hai. sath men chaturthesh evan ekadshesh shukra bhi yuti kar raha hai. surya atmakarak uchch ka bhi hai. û lagnesh chandra, apni uchch (vrish) rashi men baitha hai. û lagn par uchch ke shani ki dasham drishti tatha shukra-surya evan budh ka kendriya prabhav hai, jo guru (navmesh) par bhi hai. adi shankracharya ne dharm tatva ka vishesh gyan prapt kar sansar men vedokt dharm, darshan shastra ka mahan updesh v prachar kiya. ap hindu dharm ke mahan tatvagya shasgya v pracharak rahe hain. aj bhi unke dvara sthapit char shankracharya pith evan uppith sthit hai. unka pithadhikari shankracharya ki upadhi prapt karta hai. yahan budh videsh ka bhavesh bhi hai atah sanpurn sansar men apne bhag-daur karke apne dharm updesh ka prachar-prasar kiya. rahu ketu ke karan lakshya siddhi men bhari pareshani, daur dhup karni pari. shastrarth men vishva vijyi rahe the ap, apko ishvar ki upadhi bhi prapt huyi, janta ne apko shiv ka avtar mana.
4. pan. shriram sharma acharya (ashvin krishn 13, sanvat 1968) û dharmesh budh, karmesh evan man ka svami chandra, lagnesh shukra, tinon hi labh sthan men ek sath baith gaye hain. tinon ki drishti buddhi (panchm) bhav par par rahi hai. û chaturthesh (janta bhavesh) tatha panchmesh shani ki drishti lagn, navam evan svarashi chaturth bhav par par rahi hai. isi prakar guru ki bhi shani par drishti hai. û atmakarak surya- chandra, budh, shukra ka prabhav lekar videsh bhav dvadash men baitha hai. pan. shriram sharma ne vedmata gayatri ka pravachan sahitya havan adi dvara desh-videsh men prachar-prasar kiya. saikron-hajaron pustaken, patra, patrikayen likhi. gayatri ke sahasra kundiya yagyaon dvara jan-jan ke man-mastishk men gayatri mantra ki amit chap evan prabhav chora, jo ab tatha age bhi gayatri man ka yagya sadaiv chalta rahega. ap is kalyug men man gayatri ke purnasansthapk-pracharak rahe hain. ap ki puja devta ke rup men hoti hai aur hoti rahegi.
5. bhagvan gautam buddh (bauddh dharm ke pravartaka) û lagnesh chandra janta- chaturth bhav men sthit hai. jis par atmakarak surya, dharmesh navmesh guru, rajyesh (svarashistha) tatha panchmesh mangal, chaturthesh shukra evan kendresh shani ki drishti hai. û lagnesh chandra ki bhi in panchon grahon par shubh drishti hai. in panchon grahon ko kendriya prabhav lagn par bhi hai. û buddhikarak budh jo videsh bhav ka svami bhi hai, labh bhav men baithakar pancham bhav ko dekh raha hai. û inhin sab yogon ke prabhav se ap ek mahan chamatkari vyakti, prabhu ki upadhi yukt, mahan tapasvi hue. apne apna sva. dharm sanpurn sansar men failaya jo anekon rashtron ka rashtra dharm ban gaya. bauddh dharm ke karoron anuyayi sanpurn vishva ke bhubhagon men faile hue hain. û sabse mahatvapurn yog yah hai ki panch grahon ka navam bhav men yuti karna tatha un par lagnesh chandra ka bhi prabhav shamil hai. jyotish niyamon ke anusar tin-panch evan char grahon ka kendra tatha trikon men ek sath baithna ek vishisht prabhavshali yog hota hai. aisa jatak vishva men mahan karya karta hai, dev tulya hota hai, tapasvi tatha mahan chamatkari vyakti banta hai tatha mahan gyani, vairagyi aur sanyasi ban kar amar ho jata hai. û gautam buddh ko shanti ahinsa tyag dharm murti sadaiv mante hue bhagvan mana jayega.
6. guru nanak (18 navanbar 1470) û panchmesh guru vani sthan men, svasthan se dasham (dvitiya) bhav men baithakar, svarashi min ko dekh raha hai. sath hi apni navam drishti se shani v chandra ko bhi dekh raha hai. û lagnesh surya svarashisth chaturthesh (janta) mangal ke tatha budh ke sath baithakar bali hai aur ve donon uske mitra bhi hai. yahan budhaditya yog bhi ban raha hai. û chaturth bhav men surya budh mangal tatha dasham karm bhav/rajya bhav men shani v chandra (man) apas men ek dusre ko dekh rahe hain. û videsh man bhavesh chandra uchch ka hokar, rajya bhav men svarashisth mitra shani ke sath shubh yuti kar raha hai. û lagnesh (atm tan kark) surya, chaturthesh-navmesh mangal evan labhesh vanish budh ke sath yuti karta hua balvan hai. û rajyesh shukra-shani chandra ka prabhav lekar svarashisth purusharth bhav tritiya men bali hai jo navam bhav ko dekh raha hai. guru nanak ne apna svadharm chalaya. ap ishvar ke mahan bhakt evan tapasvi the. apne grih tyag kiya tatha vivah nahin kiya. apne apne updeshon ka prachar-prasar kiya. apko ishvaratva ki upadhi prapt hai. apke khalsha dharm ke manne vale sikkh karoron ki sankhya men sanpurn vishva men upasthit hai. ap sadaiv amar rahenge.
7. sant gyaneshvar û paurush bhavesh chandra, budh tatha shukra ka prabhav lekar lagn men uchch rashisth hokar baitha hai. û budh panchmesh tatha vanish hai, shukra lagnesh hai. ye donon paurush bhav men yuti kar rahe hain. yahan lagnesh shukra tatha tritiyesh chandra ka bhav parivartan yog hai. û pancham bhav men rajyesh tatha navmesh shani baitha hai, shani labhesh svarashisth guru ko dekh raha hai. aisa hi labhesh guru bhi shani ko dekh raha hai. û svarashi guru pancham drishti se budh tatha shukra ko dekh raha hai. û chaturthesh surya chaturth bhav men hi svarashisth baitha hai. apne bharat ke maharashtra prant men hi nahin sanpurn bharat men ek bhakti andolan kiya tha. apko ishvar tulya upadhi prapt huyi, ap ek mahan bhakt ke rup men sadaiv amar rahenge.
8. gosvami tulsi das (san. 1600 shravan shukla saptami - shukravar) û navmesh evan dvadshesh budh labh bhav men labhesh svarashisth surya tatha lagnesh shukra ke sath baitha hai. û lagnesh shukra labhesh surya aur navmesh budh ke sath labh bhav men sthit hai. in par guru ki drishti hai. guru pancham bhav men sithat hokar navm-pancham tatha lagn bhav ko dekh raha hai. û rajyesh chandra, vanish mangal ka prabhav lekar lagn men sthit hai. mangal ki chaturth lagn evan chandra par, uchchabhilashi hokar chaturth bhav par tatha pancham bhav aur guru par drishti hai. û chaturthesh v panchmesh shani mitra bhav videsh bhav men baithakar, vanish bhav, min rashi (shashtha) tatha navam (mithun) bhav ko dekh raha hai. û nich mangal, rahu-ketu adi ke karan inhen mata, pita, patni v santan sukh prapt nahin hua. apne jis samay hindu dharm tatha sanatan dharm lop ho raha tha janm liya. ram nam ki sanatan hindu dharm ki tatha ram bhakti ki vishva vijyi pataka fahrai. apne ramchrit manas jaisa mahan granth likha sath men ram bhakti par anekon pustaken bhi likhin. apko ramayan granth ke mahan rachyita maharshi balmiki ka kalyugi avtar mana jata hai.
ram katha ke amar kathakar ke rup men, ishvar tulya upadhi prapt hai. ap sadaiv amar rahenge. apne ram, sita sahit sabhi bhaiyon evan shri hanuman ji ke darshan evan kripa payi. mahan sant tulsi ke samay samrat akabar ka rajya tha. sant tulsidas ke samay hi anekon santon ka prithvi par avataran hua tha. jinmen mirabai, surdas, sant gyaneshvar, kabir das adi jaise mahan bhakt evan sant the. jab mirabai apne shreshth rana dvara pratarit pareshan ki ja rahi thi. us samay mirabai ne apna duahkh likh kar sant tulsi das ko bheja to sant tulsi das ne uttar men likha tha - jake priya n ram vaidehi, tajiye tahi koti bairi sam, jadyapi param sanehi. is uttar ko pakar krishn divani mira ne ghar tyag diya.