kalasarp yog : ek adhyayan pan. ar ke. sharma rahu-ketu ki dasha aur kalasarp yog rog, pareshaniyan tatha asflta to deta hai lekin lagn ya lagnesh se shubh grah ka sanbandh kalasarp yog ko bhang kar deta hai. lagn se ganna karne par yadi ketu pahle aye to ise kal-amrit yog janna chahie. aise log unnati ke shikhar ko chu lete hain. lekh men di gayi udaharan kundliyon ka vishleshan is bat ko samjhne men vishesh rup se sahayak hoga.
kal sarp yog ki shubhta-ashubhta ke sutra : falakathan men 'kalasarp yog' se utpann doshon ke sath-sath anya yogayog se utpann prabhavon ko bhi dhyan rakhen. anya yogayog se utpann shubhtaon se kalasarp ke dushparinamon ke prabhav kshin ho jate hain. yadi yogayog ashubh ya balhin hon to 'kal sarp yog' ki ashubhta aur adhik barh jati hai. ekadash se pancham tatha dasham se chaturth bhavon ke madhya 'kal sarp yog' nirmit hone se bhayanak fal prapt hote hain. arthat jitne shubh bhav 'kal sarpayog ke madhya honge, to unke dushparinam utne hi adhik honge. yadi rahu-ketu ke sath lagnesh, chandra, surya evan shani ki yuti hogi, to dushparinam adhik honge.
kalasarp yog men vyakti ko 18 se 30 varsh ki ayu tak nirbal grah, yadi rahu athva ketu ki dasha men prabhavi hote hain, to jivan men uparyukt fal jyada ghatit hote hain. 'kalasarp yog' anshik hai- is kathan ka koi arth nahin hota, ya to fal purn hoga ya bilkul nahin hota hai. vibhinn vidvanon ke anubhav : kalasarp yog vala vyakti jivan men bahut jyada unnati, avnti dekhta hai. anekon bar kiye gaye satat prayas bhi nishfal hote dekhe gaye hain.
rahu ya ketu ki dasha ya gochar men lagn par se gujrna bhi rog, pareshaniyan aur asfltaen deta hai. lagn ya lagnesh se shubh grah ka sanbandh ''kal sarp yog' ko bhang karta hai. vishakha ka rahu bhi is yog ko bhang karta hai. lagn se ganna karne par yadi ketu pahle aye to ise 'kal-amrit' ya 'shubh yog' janna chahie. jatak ko us samay vishesh rup se anishton ka samna karna parta hai, jab gochar men rahu janm ke rahu ke bhogyansh par sanchar kare. kuch vidvanon ne 'kal sarp yog' ko bhautik sukh ki lalsa ka karak mana hai. aise vyakti ko apne liye bhautik-sukh bhogne ke lie anaitik karya bhi karne parte hain. parantu bhed khulne par apman, apayash tatha pareshani uthani parti hai.
smaran rakhen, ketu lagn se pratham chah bhavon men ho athva rahu ya ketu ke sath koi shubh grah ho to yah 'kalasarp yog' bhang ho jata hai. (sath men 'chalit kundli' bhi dekh len) kundli men sabhi grahon (saton) ka ek aur jhukav (kal sarp yog men) vyakti ke man-mastishk ko asantulit kar, use purvagrahi ya duragrahi banata hai. aisa vyakti ativadi ya ekangi vichardhara vala hota hai. is yog vale vyakti bhi mahan ban jate hain.
yadi ve adhyavsayi, parishrami, sahsi v karttavyanishth hon to unnati ke shikhar ko chu lete hain. 'kal-sarp yog' ke vishisht fal
1. aisa vyakti ashniya tanav, kasht, vilanb, viprit paristhitiyon ke karan jivan men badha ya asflta pata hai. atyadhik parishram se bhi nyunatam labh milta hai.
2. kisi-kisi vyakti ko imandari par bhi jhutha dosh milta hai. uske dvara kiye karya ka shrey, anya koi vyakti le jata hai. atah us vyakti ko ghor nirasha, mansik tanav v mansik kasht jhelne parte hain.
3. kabhi-kabhi karttavya parayan, satyavadi, parishrami, sajjan purush is yog dvara atyadhik pirit paye jate hain mano unhen aur bhi tapa-tapakar kundan banaya ja raha ho, ya unke lie vidhata hi vam ho gaya hai.
4. anekon jyotishacharya is yog ko mahanta ya uchchata ka karak mante hain. ve mahan tapasvi purush is yog men tapakar adhyatmik kshetra men agrasar hon, shayad isilie un ke janmang men 'kal sarp yog' dikhai parta hai. kamjor v sadharan vyakti to is yog ke nam se hi tutakar bikhar jayenge. udaharan kuundliyon men kalasarp yog anya shubh yogon ke karan nishprabhavi ho gaya hai.
fal : kundli nan. 1 vrish lagn ki kundli hai. vrish lagn par labhesh guru ki drishti hai. lagnesh chaturth bhav m achandra se yuti kar raha hai. yog karak shani pancham bhav men sukhesh se yukt hokar saptam bhav men svagrihi saptamesh mangal ko dekhta hai. yah jatika sundar, sushil tatha vidushi hai.
fal : kundli nan. 2 men panch grahon ki chaturth bhav men yuti ne jatak ka manobal barhaya. tatha kal sarp ko nishprabhavi bana diya kyonki sukhesh guru bhi svagrahi hokar hans yog bana raha hai. ye baink mainejar hain. ashtam, dasham v vyay bhav par svagrihi guru ki satven, dasven tatha gyarhven bhav par drishti ke sath surya, budh ki labh bhav par drishti (mangal ki drishti ka prabhav) ne jatak ko uchch pad v pratishtha di hai.
fal : kundli nan. 3 men lagnesh mangal parakram bhav men uchchasth hokar bhagyesh chandra tatha dhanesh aur panchmesh guru se yuti kar raha hai. labhesh budh ki uchch drishti labh bhav men hai. bhogesh (dvadshesh) shukra apne dvadash bhav ko dekh raha hai tatha sukhesh shani apne bhav ko dekh raha hai. spasht hai jo bhav apne svami se drisht ya yukt ha
fal : kundli nan. 4 men tritiyesh v dvadshesh guru ki drishti lagn, tritiya evan pancham bhav par v svakshetri lagnesh shani lagn men hai. navmesh-saptamesh ki labh bhav men yuti ne mahila ko sudrirh arthik sthiti pradan ki hai. pancham par tin grahon ki drishti santan sukh deti hai. is mahila ne santan tatha pati ka shreshth sukh paya hai.