dipavli par karke dekhen siddh lakshmi sadhna gopal raju yah to sabhi jante hanai ki lakshmi sadhna ka parva hai dipavli, lekin siddh lakshmi ki sadhna aise kin manohari vishvasaprad tatha svayan siddh upayon se ki jay ki bad men hone vali lakshmi-prapti ka ullas pahle se man men prakashit hota pratit ho. aise shastrasammat upayon ki vistrit jankari di gayi hai
is lekh men jisse ap labhanvit hone ke apshan ka labh utha sakte hain. lakshmi, eaishvarya, bhog-vilas, sukh-samriddhi, arogya, ayushya adi ke lie pratyek vyakti apne-apne buddhi-vivek se koi n koi karm avashya karta rahta hai. yadi apekshit parinamon se ap santusht nahin hue hon to is dipavli men sanyam aur astha se yah upay bhi karke dekhen. sanbhvtah apko apni karya siddhi ke lie sarl-sugam marg darshan mil jae.
upay 1: dipavli men ki jane vali lakshmi sadhnaon men shankh kalp upay ek prabhavshali upay hai. yah jitna adhik prabhavshali hai iska upay utna hi saral tatha sarvasadharan ki pahuech ke andar hai. vaise to pratyek shankh pavitra hai aur dev vigrah ke rup men pujit hai. parantu inmen se dakshin aavarti shankh, jo ki sarvatha sulabh nahin hai, lakshmi-narayan svarup mana gaya hai. shankh char varnon men vibhakt hai. yah varn unke rang ke anusar sunishchit kiye gaye hain. shvet shankh sarvadhik shubh mana gaya hai.
shankh ko yadi sendha namak mishrit pani men kuch samay ke lie dubo kar rakh diya jae to uski asliyat samne a jati hai. nakli shankh, jo ki plastik, chini mitati adi ke banae jate hain, kale par jate hain jabki asli shankh is pani men hafton pare rahne ke bad bhi apni vastavik abha nahin khote. shankh ko is prakar rakha jata hai ki uska pet upar ki or aur punch vala bhag sadaiv uttar disha men rahe. chaval abhimantrit karke shankh men bharakar rakhne se lakshmi ji ki kripa bani rahti hai.
dhan teras se lekar dipavli tak ke tin dinon men shankhakalp kiya jata hai. is dipavli par ap bhi in upayon se labh uthaen. dhan teras ko ek achcha bara shankh upalabdh karen. achcha ho apko dakshinavarti shankh sulabh ho jae. ise gomutra se shodhan karen arthat gomutra men 108 bar duboen aur nikal len.
antim bar shodhan ke pashchat ise poch kar sukha len aur panchamrit (gangajal, goghrit, madhu, mishri aur dahi) se snan karaen. is panchamrit men tulsi dal nahin ata, yah dhyan rakhen. snan ke bad is par goghrit ka lepan karen. apni shraddha, astha aur suvidhanusar iski panchopchar, dashopchar, shorshopchar adi se puja-archana tatha dhup, dip, arti adi karen. man men nirantar yah bhav banaen rakhen ki ap shankh ki nahin balki sakshat lakshmi-narayan ji ki puja-archana karke unse sthai rup se nivas ke lie yachak ban kar yachna kar rahe hain.
bhavan men jis pavitra sthan par apko shankh sthapit karna hai vah sunishchit kar len, kyonki agle varsh ki dhanteras tak pure varsh shankh vahin par virajman rahega. is sthan par thali athva lakri ke patre par vinayak yantra haldi se ankit karen. jo sadhak saksham hain ve yah yantra chandi ke bhi banva sakte hain athva pranapratishthit yantra samuchit sthan se bhi prapt kar sakte hain.
yantra chitrit karte samay nimn mantra ka nirantar jap karte rahen: vakratanud mahakay suryakoti samaprabh. nirvighnan kuru me dev sarvakaryeshu sarvada.. is yantra par shankh sthapit kar den aur gyarah mala nimn mantra ki jap karen: un gan ganptye sarvavighnaharay sarvay sarvagurve lanmbodray hrin gan namah.. apka shri shankh ab puja ke lie taiyar hai. isi prakar se anya anekanek vigrah, dhatuon ke vibhinn durlabh sikke, vanaspatiyan, yantra, ratn adi bhi apne prayojan anurup ap dipavli ke shubh mahurt men pujan kar apne prayog men la sakte hain. dhanteras se dipavli tak ke samay men shankh ka nimn prakar se pujan karen:
sarvapratham upay praranbh karne ka ek shubh samay nishchit kar len. shukra ki hora dhan sanbdhi upayon ke lie sarvadhik upyukt hai. shankh ke samne ek thali men chaval tatha nagkesar le kar baith jaen. nimnalikhit shankh gayatri mantra ka jap karte rahen aur pratyek jap ke sath agni men ahuti dene ki tarah chaval aur nagkesar shankh men chorte rahen. shankh gayatri mantra ¬un shankhay ch vidmahe pavmanay ch dhimhi, tanno shankhah prachodyat..
upay men jap sankhya koi nishchit nahin hai. prayojan yah hai ki tisre arthat antim din yani dipavli vale din apke lakshmi pujan ke samay shankh gayatri mantra se chaval tatha nagkesar se pura bhar jae. yah ap apni dipavli men hone vali paranprik puja se purva athva uttarardh men kabhi bhi purn kar sakte hain.
puja ke ant men shankh ko isi sthiti men svachch kapde se dhak kar rakh den. tadantar men shankh gayatri mantra japen aur ismen se chaval uthakar isi men chor den. puja ke bad shankh nirantar dhak kar rakhen. pure varsh is upay se apke parivar men sukh, vaibhav arthat lakshmi-narayan ji ki kripa bani rahegi.
upay 2: yatra yogeshvarah krishno tatra partho dhanurdharah. tatra shrirvijyo-mutirrdhurava nitirmatirmam.. gita ka yah mantra dhan-dhanya ki vriddhi men bahut hi upyogi siddh hota hai. is mantra ke anek upay hain. dipavli ke shubh muhurt men ap bhi ek saral sa upay avashya karen. prastut upay rishiyon ke gyan, ‘ma gridhah’ kasyasvit dhanam tatha gita ke nishkam kam par adharit hai.
upay ke sath-sath yadi ap mithi evan priya vani ka bhi pratipadan karte hain, kathor, rukhe tatha tikhe vyang vanon se bachte hain tatha vaimanasya, ishrya tatha dvesh bhavna se sarvatha dur rahte hain to upay ke falibhut hone men lesh matra bhi vilanb nahin rahta. parantu yah apnana itna saral nahin hai tathap iprayas kar dekhen pata nahin lakshmi ji ki ap par kis vidhi se kripa ho jae. chote-chote dakshinavarti shankh saste aur sarlta se mil jate hain. prayas karke aise 18 shankh ap dhanteras men upalabdh kar len.
dipavli ki mahanisha men lakshmi-pujan kal se yah upay anavarat 18 somvar tak karen, akshay lakshmi ki ap par pure varsh kripa bani rahegi. lakshmi-pujan kal men ap uttar disha ki or munh karke baith jaen. gita ke uprokt mantra ka 18 bar shraddha se jap karen. dipavli se agle somvar se isi prakar uttar ki or munh karke 18 bar mantra jap karen aur pratyek bar ek shankh men, havan men di ja rahi ahuti ki tarah chaval chor den.
isi din chavlon se bhare shankh ko kisi kuen, talab athva nadi adi men kachcha sut bandh akar latka den. dhyan rakhen ki shankh ko latkana hai, jal men visarjit nahin karna. sut kuch samay men gal jaega aur shankh svayan hi pani men saman jaega. upay men yah dhyan rakhna hai ki dipavli ke bad ane vale 18 somvar men hi yah upay purn ho. prayog kal men kahin bahar jana ho to anya sthan par bhi yah karya sanpann kar sakte hain. yadi nitya 18 bar ukt mantra ka ap jap bhi kar lete hain tab parinam aur bhi santoshajanak milne lagenge.
upay 3: dhan, sukh v samriddhi purva janm ke sanskaravash to milti hi hai. vartaman janm ke kriyaman karmon se bhi kuch ansh ham avashya prapt karte hain. yah bat sabne ek mat se svikar ki hai. tantra shastron men varnit 64 yogniyon ka nam pratyek tantra sadhak janta hai.
in yoginiyon tatha bavan viron men ek siddh mahavir ghanta-karn bhi hain. am bhasha men yah betal nam se charchit hai. jain dharma- tantra men jain dharmavalambi mante hain ki jitne samay men ghante ki dhvani sadhak sunen usse purva hi mahavir chamatkar dikha dete hain. aise mahavir ka ek saralatam upay dhan ki kamna karne vale sadhkon ke lie prastut hai. dipavli se tin din purva arthat dhanteras ke din se yah upay praranbh karen.
sarvapratham dhanta-karn lakshmi siddh vinayak mantra parhakar kanthasth karlen - unðhrin shrin klin than un ghantakarn lakshmi puray puray saubhagya kuru kuru svaha.. is prayog men 40, 42 tatha 43 sankhya ka vishesh prayojan hai. yah sankhya kyon hai, yah alag vishay hai. dhanteras ke din 40 mantra jap karke gugul tatha chandan ke burade se agni men 40 ahutiyan den. yah karya kathin avashya siddh hoga parantu yadi kisi ki sahayta bhi le len to yah sab saral ban jaega.
dusre, sahayak ko bhi iska punya fal milega. isi prakar agle din ukt mantra 42 bar japte hue ukt samagri men kale til mila kar agni men 42 ahutiyan den. tisre din arthat dipavli ke din isi prakar chandan, gugul, til men shakkar milakar 43 ahutiyan mantra japakar agni men havishya svarup arpan karen.
tin din in sankhyaon men mantra japakar tatha agni men in sankhyayon men ahutiyan dene se ghantakarn ji ki kripa ap par bani rahegi tatha akshay lakshmi pure varsh apke ghar men sthai nivas karengi. yadi apmen sanyam aur shakti hai to tin din jap sankhya kramshah 40, 42 aur 43 malaen rakhen, prabhav anant guna barh jaega.
consult the best astrologers in india on futurepointindia.com. click here to consult now!