divali ya kal ratri pan. kishor ghildiyal divali ko pauranik granthon men kalratri ka nam diya gaya hai jo ki ashubh ratri ka pratik hai jisse yah prashn uthta hai ki jo ratri ashubh hai usmen lakshmi pujan ka vidhan kyon hai? is prashn ka samadhan ‘‘tantrik rahasya’’ men diya gaya hai. ‘‘ shakti sangm’’ tantra ke kali khand men anek vishisht ratriyon ka ullekh hai jismen kalratri ke rup men divali ki rat ko mana gaya hai. jividyarnav tantra men kalratri ko shakti ratri ki sangya di gai hai. is granth men kalratri matrikaon ka ullekh hai. kalratri jahan shatru vinash karne vali hai vahi ise shubhatva ki pratik v sukh saubhagya v sanpda pradan karne vali bhi mana jata hai. mantra men kalratri ko ganeshvari ki sangya prapt hai jo riddhi-siddhi dene vali hai. ‘‘mantra mahoddhi’’ men kalratri ka dhyan karte hue likha gaya hai ki udiyaman surya jaisi abhavali, bikhre balon vali, kale vastra dharan kie hue, charo hathon men dand, ling, var evan bhuvan dharan karne vali, trinetra dharini, vividh abhushnon se samlkrit prasannavadana devgnon se sevit evan kamban se viklit sharirvali mayaragyai kalratri ka dhyan karta hun. is ratri ko jahan puran evan shastra ashubh mante hain vahin tantra shastra uttam evan siddhidayini manta hai. tantra men prayukt prayogon (sammohan, vidveshan, uchchatan adi) hetu prayukt shaktiyan, bhut, pret bhairvi adi is ratri ko unmukt vichrti hai. islie prachin kal se hi tantrik isi ratri ko siddhi prapt karte rahe hain. ‘‘jiv vidya tantra’’ main is kartik amavasya ki kalratri ko matrrikaon tatha shri vidya ke rup men mahattva diya gaya hai. islie shakti upasak is ratri ko sadhna-sanpann kar mantra-tantra v parashakti ki prapti karte hain tatha is vishesh ratri ko mahanisha bhi kahte hain. divali ki ratri ke char prahar apna alg-alag mahattva rakhte hain prathm-nisha, ddhitiya-darun, tritiya-kal, chaturth maha. samanyatah divali men adhirat ke samay lakshmi ki sadhna se dhan-dhanya ki prapti hoti hai. pauranik granthon men bhi adhi rat ke bad hi muhutrt ka samay bataya gaya hai. bhartiya kal gannaon men 14 manuon ka samay bitne par pralay ke pashchat punah nirman, rachna, nai srishti ki shuruat isi din hui thi islie nae sire se samay ya kal ki ginti hone ke karan ise kalratri kaha jane laga hai. vaise bhi surya jab satvin rashi men pravesh karta hai to uttararddh aranbh hota hai. chunki yah mas kartik men parta hai v iski pahli amavasya hi nai shuruat v navnirman ka tyauhar hota hai. isi prakar sal ke ant men surya ke min rashi men pravesh karne par holi namak tyauhar manaya jata hai jo sal ke navinikaran ka pratik hota hai.
Kya aapko lekh pasand aaya?
Subscribe