ratn mukhyatah khanij padarth hain. prakriti dvara vibhinn prakar ke tatvon ke mishran se inka nirman hota hai. mukhya rup se ye tatva nimn hain- karban, elyuminiyam, beriyam, beriliyam, kailshiyam, tanba, haidrojan, loha, faesforas, maingnij, potaishiyam, gandhak, sodiyam, tin, jirkoniyam, jasta adi. mukhya ratn manik, panna, pukhraj, hira, nilam, gomed, lahsuniya adi hain.
moti aur munga pranij hain lekin ye kailshiyam adi tatvon se nirmit hain. ratnon ka svasthya par prabhav ayurved shastranusar svasthya ki pragti ke lie ratn, mantra evan aushdhi tinon ka hi labhkari prabhav hamare svasthya par parta hai. ratnon se niklne vali nishchit tivrata ki prakash tarang, yadi lagatar hamare sharir par pare to us tivrata se asvasth ang ya sharir dhire-dhire svasth hota jata hai. isi tathya ko adhar lete hue jyotish ne ratnon se chikitsa ka adhar prastut kiya hai.
manikya 9 ya 11 ratti ka sone ki anguthi men ravivar ke din anamika anguli men dharan karne se yah hriday rog, haddi rog, netra rog evan karya kshetra men utpann badhaon ko dur karta hai. moti 7 ya 9 ratti ka chandi ki anguthi men somvar ke din dharan karne se hin bhavna, mirgi, pagalapan, bhay bhavna, blad preshar adi se chutkara milta hai. munga 9 ya 11 ratti ka sone ya chandi men manglvar ke din dharan karen. sukha rog, bavasir, tark shakti barhane evan himmat hetu.
panna 7 ya 9 ratti ka budhvar ke din sone men kanishthika anguli men dharan karne se gurdon ka rog, dama, harniya, tvacha, kushth, madhumeh, vanidosh, parhai men man lagane ke lie prayog kiya ja sakta hai. pukhraj 5 ya 7 ratti ka sone men guruvar ke din dharan karne se jigar (livr) rog thik hote hain tatha badhjmi, pachan sanbandhi rog, sharab ki lat se mukti milti hai. hira 45 sent ka madhyama anguli men shukravar ke din dharan karne se napunskta, virya rog thik hote hain tatha saundarya barhta hai.
nilam 5 ratti ka madhyama anguli men shanivar ke din dharan karne se snayu rog, nason ka tanav, sukha rog, joron ka dard, pet ke alsar thik hote hain. gomed 11 ya 15 ratti ka madhyama anguli men budhvar ya shanivar ke din dharan karne se murcha rog, gupt rog, korh, khujli, pet rog evan durghatana se bachav hota hai. lahsuniya 9 ya 11 ratti ka chandi men madhyama anguli men pahnne se gupt chintaen, rat ko darna, bure-bure khyal ya sapne, anidra, man men bhut-pret ka bhay, pathri ya kabj adi rog dur kiye ja sakte hain. ratnon ko dharan karne, bhasmon ka sevan aur dhokar jal pine se evan uparatnon ke ghise hue pani ko pine v snan karne se kai prakar se labh v fal milte hain.
anya vishesh prayog ratna
- sharirik saundarya v shobha ki vriddhi ke lie panna, moti, munge ki bhasm ka sevan karne se pratyaksh labh milta hai evan inke dharan karne se dhire-dhire labh hota hai.
- piÿa rogon par gomed achcha kam karta hai.
- hriday rogon ke lie moti sarvadhik labhaprad hai.
- pandu rog (piliya) par munga v gomed anukul hain.
- guda sanbandhi rogon, bhagandar v vran (ghav/forane) par pukhraj labhakar rahta hai.
- ankhane ki shakti/roshni barhane ke lie aur netra rogon se bachne ke lie moti, munga v lahsuniya ka prayog hitakar rahta hai.
- panna annimandh (mandagni), sannipat (kampana) aur raktachap par achcha kam karta hai.
- tvacha ko svasth v sundar rakhne ke lie tatha fore-funsi ka bharav jaldi hone ke lie nilam ka prayog asrdar rahta hai.
uparatnon ka prayog
- bhishm pashan (yashb) se bane bartanon men vishaile padarthon ka rang badal jata hai.
- piliya (pandu) rog men pile rang ka kahrva pani men ghisakar pine aur tabij ke rup men pahnne se labh hota hai.
- rata ko ravivar, shanivar ya manglvar ko dhup dekar pahnne se rat men hone vala jvar nahin hota.
- yashab ka tabij banakar ya chaikor tukre ko tabij men jarakar hriday ko sparsh karta hua pahnne par palpiteshan (hriday ki dharkn) men aram hota hai.
- akik (hakik) ko tabij ya anguthi men pahnne par nazar nahin lagti tatha mitron se prem bana rahta hai.
- firoja har sthiti men vipÿianashak hote hain.