dipavli ki vaigyanikta v jivnopyogi totak dae. tipu sultan dipavli ka vaigyanik paksh andhkar aur prakash ke santulan aur unki sahavartita ka pratik hai aur pratyek astitva ke gun aur doshamay hone ke satya ka sanpusht praman hai aise santulan ke parva ka labh ullasamay vyakti sakriya bhagidari se hi utha sakta hai lekin aisi sakriyata ka svarup kya ho, yah janna bhi mahattvapurn hai.
aiye, janane aise kuch vidhi-vidhan ke bare men. kartik amavasya ki kali ghani rat jab apni yauvnavastha ke charmotkarsh par hoti hai aur surya kanya rashi se bahar akar apni nichabhilashi tula men pravesh kar chuka hota hai to uske parinam svarup prithvi par vishuddh, sukshm v sakaratmak prakash urja ka abhav ho jata hai. tabhi andhkarmyi is vidanbna ki nakaratmakata ko dur karne v prithvi ke kan-kan ko prakashmyi urja se jivantta pradan karne hetu dipon se bhara prakash parva dipavli prabhavkarita ki drishti se atyant mahatvapurn ho jata hai.
vastutah prakash v andhkar ka yah santulan aur uski vaigyanikta jahan jivan, svachchata v us se juri urja ke saman anupaton ka ek prakaran hai, vahin dusri or kuch yaugik sadhnaon v unki siddhi hetu bhi is kal ko atyant upyukt mana gaya hai.
is avasar ke anurup kuch jivnopyogi tantra v totke is prakar hain. arthik-samriddhi dipavli ki ratri men sat gomti chakra ki pran-pratishtha karen tatha use apni tijori ya galle men rakh den. dhan-vriddhi ki nirantrta bani rahegi. dipavli ke shubh muhurt se prarambh karke pratyek amavasya ko kisi apang ya viklang bhikhari ko bhojan karaen. dhan-samriddhi men sarvada ’vriddhi hoti rahegi.
sindur, sat kauri, kamal ke ful v shri yantra ko kisi chandi ke patra men rakh kar dipavli ki ratri men apne dhan sthan par pratishthapit karen, arthik unnati ki nirantrta sarvada bani rahegi. dipavli ke shubh muhurt men sabut nariyal ko chamkile lal rang ke kapre men lapetakar apne dhan-sthan par pratishthapit karen. arthik samriddhi sarvada bani rahegi. dipavli ke din godhuli kal men tulsi ke paudhe ko jal arpit karne ke pashchat uske samaksh ghi ka dipak prajvalit karen tatha is prakriya ko sat shukravar tak dohraen.
is dauran dhup, agarabatti adi ka prayog avashya karen, dhan-samriddhi ki vriddhi ka kram sarvada chalta rahega. dipavli ke shubh muhurt men tin pili kauri, tin kamalagatte v ek sabut supari ko lal rang ke kapre men lapet kar tijori ya dhan-sthan par sthapit karen tatha pratyek shukravar ko ise dhup v agarabatti dikhaya karen. khajaana sarvada bhara rahega.
karj se muktiah- dipavli ki ratri men ashok ke vriksh ke samaksh gayan ke ghi ka dipak prajvalit karen tatha is prakriya ko nitya sat ratri tak dohrate rahen. shighra hi karj se mukti milne lagegi. dipavli ki ratri ek mitti ke patra men chandi ke sikke ko rakhakar ghar ya vyavsayik sthal ke us gupt sthan par sthapit karen jahana surya ki roshni n parti ho, avashya hi kajara se mukti milne lagegi. dipavli ke shubh muhurt men kauri v harsingar ki jar ko pile kapre men lapetakar tabij svarup gale ya apni dahini bhuja men dharan karen. shidhra hi kajara utrne lagega. dipavli ki ratri ko shmashan ke kuen ya chanpakal se jal lakar us jal men chini mishrit karen tatha fir use pipal ke vriksh par arpit kar den. dipavli se prarambh karke is prakriya ko nitya sat dinon tak dohrate rahen. shidhra hi kajara utrne lagega.
parivarik-samriddhiah- dipavli ki ratri men parivar ke sabhi sadasyon ke sir ke upar se kale til ko sat bar utar kar ghar ki pashchim disha ki or fenk den. aisa karne se parivarik sukh par ane vali koi bhi nakaratmak bala shidhra hi utar jati hai. dipavli ki sham pipal ke vriksh ke niche sarson ke tel ke dipak ko prajvalit karen tatha is prakriya ko niyamit rup se pratyek shanivar ko dohrate rahen. aisa karna parivarik samriddhi ke lie atyant labhaprad hota hai.
dipavli ki ratri kisi gharib vivahita kanya ko apni patni ke hath se suhag-samagri v itra ya sugandhit vastu dan men dilvaen, ghar men sarvada sukh-shanti bani rahegi. dipavli ki ratri kisi mitti ke patra men angar v jangli kabutar ki bit ko rakhakar uski dhuni ghar ke pratyek kamre ko dikhaen. parivarik samriddhi sarvada bani rahegi.
dipavli ki ratri ghar ke pratyek kamre men shankh v damru bajaen, ghar men vyapt koi bhi nakaratmak urja shighra hi samapt ho jaegi. dipavli ki ratri ghar ke pratyek kamre men samundra ke jal ko chinte tatha dhup agarabatti adi ki dhuni den. parivarik sanpannata bani rahegi. dipavli ki ratri sat aqiq patthar ko safed paradarshak kapre men lapetakar apne ghar ke mukhya dvar par latka den tatha pratyek shukravar ko use dhup v agarabatti dikhate rahen. parivarik samriddhi v aishvarya men nirantar vriddhi hoti rahegi.
shatru se surakshaah- dipavli ki ratri ek mutthi urad ke danon par shatru ke nam ka manan karke unhane kisi nirjan sthan par daba den tatha us ke upar ninbu nichor den. shatru ka krodh samapt ho jaega. dipavli ki ratri ek mutthi shakkar v til mishrit karen tatha shatru ke nam ka manan kar ke use kisi nirjan sthan par daba den. shatru ke hriday men ap ke prati karuna utpann hone lagegi. dipavli ki ratri ek sabut ninbu ke upar shatru ka nam likhakar kisi bahte dariya men pravahit kar den. shatru ke hriday men mitrata ke bhav utpann hone lagegen.
dipavli ke shubh muhurt men pipal ki jar ko abhimantrit karen tatha use chandi ke tabija men dal kar gale men dharan karen. apsi shatruta prem men badlne lagegi.
if you are facing any type of problems in your life you can consult with astrologer in delhi