kya kahte hain anna hajare ke sitare ? jan lokpal vidheyak ke bare men pan. vipin kumar parashar kisi bhi kam ka hona ya n hona vyakti ki janmakundli ko dekhakar pata lag jata hai. jan lok pal vidheyak ko sabhi sansdon ne dhvani mat se pas karke vichar karne ke lie staindig kameti ke pas bhej diya hai fir bhi janmanas men yah prashn bana hua hai ki kya jan lokpal vidheyak pas hoga, ya fir adhar men latak jaega.
is bat ko janne ke lie ham vishleshan karte hain anna hajare ji ki kundli evan unki sahyogi rahin kiran vedi ji ki kundli ka. prachinkal is bat ka sakshi raha hai ki jab-jab kranti hui hai tab-tab kisi n kisi mahapurush ka avataran hua hai.
videshi akrantaon ke karan dharm sankat ke kal men svami ramkrishn parmhans, vivekanand, dayanand, pan. mahamna madnmohan malviya, maharshi arvind jaise mahapurushon ne avtrit hokar dharmakranti men apna yogdan diya. desh ko ajadi dilane ke mishan ko pura karane ke lie rashtrapita mahatma gandhi, subhashchandra bos, bhagat sinh ajad jaise mahapurushon ka udbhav hua.
aise hi aj ke naitik patan evan bhrashtachar ke hahakar vale sankatagrast samay men bhi anna hajare namak ek mahapurush ka janm maharashtra ke ganv bhingar men nimn vargiya parivar men hua. krishn rav anna hajare ka janm 15 jun 1938 ko maharashtra ke bhingar ganv men sinh lagn evan kanya rashi ke navmansh men hua.
inke pita baburam hajare ek ayurvedik farmesi men majduri karte the. inki bua inki dayniya sthiti ko dekhakar inhen munbai le ayi, jahan inhonne dadar men ful v mala bechakar apna jivan yapan kiya. jab 1962 men bhart-chin ka yuddh hua to ye sena men shamil ho gaye. 1965-71 ke yuddh men bhi inhonne virta ka parichay diya.
1975 men sena se svaichchik avkash le liya aur sena se bis hajar rupye jo fand mila vah ganv men vidyalay thik karane ke lie gram sabha ko de diya. ganv ke log itne prabhavit hue ki inhen apna bara bhai manne lage aur maharashtra men bare bhai ko anna kaha jata hai, tabhi se inka nam anna hajare par gaya. varsh 1991 men inhonne bhrashtachar virodhi jan andolan chalaya jismen 6 mantriyon aur 400 adhikariyon ko apne padon ko chorna para.
varsh 1997 se 2003 tak suchna ke adhikar ka andolan chalakar is lokpal jaise upakaran ke madhyam se bhartiya rajniti, prashasnik v nyayik vyavastha ko bhrashtachar se mukt karane ke lie janjagaran ka abhiyan cher diya. 05 aprail 2011 ko nai dilli ke jantr-mantar par unhonne 97 ghante men hi sarkar ko hila diya. ve kaun se grah the jo ek samanya vyakti ko itni unchai par le gaye. unke janmakalin grahon ka jyotishiya vishleshan kuch aisa paridrishya prastut karta hai.
anna hajare ki janmakundli men lagnesh surya ekadash bhav men mangal ke sath bhagya bhav ka svami banakar baitha hai. aisa vyakti sahsi, parakrami tatha jujharu hota hai. isi mangal ke karan ve sena men bhi nam kama gaye. satven ghar ka svami shani athven ghar men jana aur athven ghar ka svami guru satven ghar men a jana danpatya sukh v vivah se mukh mor deta hai, islie ve avivahit rahe. lagn aur lagnesh donon par guru v chandrama ki drishti unhen satya aur imandar batati hai. shukra ki antardasha unhane samajseva ki or prerit kar rahi hai.
vartaman men shani ki mahadsha not: anna ke janm ki yah tarikh lekhak ne apne sutron se prapt karke usi ke adhar par sanpurn grah yog vishleshan kiya hai jiske lie purnatah vahi uttaradayi hain. sanpadak mandal, vishleshan ki satikta ke lie kisi bhi prakar se uttaradayi nahin hai. 13-03-1998 se praranbh hui hai. shani vartaman men punah unchaiyon ki or le ja raha hai. mangal ki antardasha unhen is andolan men vijyi banayegi kyonki mangal bhagya ka svami hokar surya ke sath ekadash bhav men baitha hai.
purva men bhi mangal ki mahadsha men ve sena men nam kama chuke hain. yah dasha bhrashtachar tatha sarkar ko jhukane ke lie kafi rahegi. anna ka bhrashtachar virodhi andolan unhane desh ke mahapurushon ki ginti men la dega. surya-mangl-shani ki pratyantar dasha unhen mahan neta ke rup men sthapit kar degi. yah sara karya navanbar 2011 tak sanpann ho jayega. isi bich navanbar se janvri tak rahu ki antardasha evan pratyantar dasha unke svasthya ko bigar sakti hai.
ab anna hajare ke bad vichar karte hain unki nikat sahyogi daekiran a vedi ki kundli ka. inka mangal bhi bhagya men baithakar tisre bhav (parakram) ko dekh raha hai jiske karan ve bhrashtachar virodhiyon ko ranchandi banakar samapt karne men apna yogdan degi. unki kundli maharani lakshmibai se milti julti hai.
vartaman men surya men mangal ki dasha unhen kirti ke kshitij par le jakar khara kar degi. isse purva bhi ve is dasha ki antardasha v pratyantar dasha men bharat ki pahli mahila dayrektar janaral aef pulis (ai pi. es) ke pad ko sushobhit kar chuki hain. aise vyakti ki kundli ke grah shatruon ko parast karne ke lie kafi hain.
vartaman men andolan ke kendra bindu kangres ki kundli aur yupie sarkar ki kundli ke grah dharatal ki or ja rahe hain. is samay kangres ki mahadsha shani ki chal rahi hai. kangres ki kundli men shani nich ka hokar pancham (dimag) ke bhav men baitha hai aur shukra rin, rog-shatru ka svami hokar athven ghar (maut) men chal raha hai.
is karan kangres ke grah-nakshatra use niche ki or hi le ja rahe hain. yah grahdsha 28-08-2014 tak chalti rahegi. vartaman ki yu.pi. e sarkar 22 mai 2009 ko sham 06ah30 baje dilli men sthapit hui iski shukra men shukra ki dasha bhi ise patan ki or le ja rahi hai. shukra stri bhav ka svami hai isilie yupie sarkar par stri shakti ka hi varchasva hai.
ab kahin bhi kabhi bhi bat karen fyuchar point jyotishacharyon se. abhi paramarsh karne ke liye yahan klik karen.