vaivahik jivan : dosh evan nivaran prashnah kin yogon ke karan vivah men vilanb ya vaivahik jivan men klesh, tanav, mansik pira aur talak jaisi sthiti utpann hoti hai. in sthitiyon se bachav ke lie kie jane vale upayon ka varnan. vivah sanskar bhartiya sanskriti men ek mahatvapurn sanskar hai. yah manushya ko parmatma ka ek vardan hai. kahte hain, joriyan parmatma dvara pahle se hi tay hoti hain.
purva janm men kie gae pap evan punya karmon ke anusar hi jivan sathi milta hai aur unhin ke anurup vaivahik jivan dukhamay ya sukhamay hota hai. kundli men vivah ka vichar mukhytah saptam bhav se hi kiya jata hai. is bhav se vivah ke alava vaivahik ya dampatya jivan ke sukh-dukh, jivan sathi arthat pati evan patni, kam (bhog vilas), vivah se purva evan pashchat yaun sanbandh, sajhedari adi ka vichar kiya jata hai. yadi koi bhav, uska svami tatha uska karak pap grahon ke madhya men sthit hon, prabal papi grahon se yukt hon, nirbal hon, shubhagrah n unse yut hon n unhen dekhte hon, in tinon se navam, chaturth, ashtam, pancham tatha dvadash sthanon men pap grah hon, bhav navansh, bhavesh navansh tatha bhav karak navansh ke svami bhi shatru rashi men, nich rashi men ast athva yuddh men parajit hon to us bhav se sanbandhit vastuon ki hani hoti hai.
(uttar kalamrit) vaivahik jivan ke ashubh yog yadi saptamesh shubh yukt n hokar shashth, ashtam ya dvadash bhavasth ho aur nich ya ast ho, to jatak ya jatka ke vivah men badha ati hai. yadi shashthesh, ashtamesh ya dvadshesh saptam bhav men virajman ho, us par kisi grah ki shubh drishti n ho ya kisi grah se uska shubh yog n ho, to vaivahik sukh men badha ati hai. saptam bhav men krur grah ho, saptamesh par krur grah ki drishti ho tatha dvadash bhav men bhi krur grah ho, to vaivahik sukh men badha ati hai. saptamesh v karak shukra balvan ho, to jatak ko viyog dukh bhogna parta hai. yadi shukra saptamesh ho (mesh ya vrishchik lagna) aur pap grahon ke sath athva unse drisht ho, ya shukra nich v shatru navansh ka ya shashthansh men ho, to jatak stri kathor chitt vali, kumargagamini aur kulta hoti hai. faltah uska vaivahik jivan narkiya ho jata hai.
yadi shani saptamesh ho, pap grahon k sath v nich navansh men ho athva nich rashisth ho aur pap grahon se drisht ho, to jivan sathi ke dusht svabhav ke karan vaivahik jivan kleshamay hota hai. rahu athva ketu saptam bhav men ho v uski krur grahon se yuti banti ho ya us par pap drishti ho, to vaivahik jivan aksar tanavpurn rahta hai. yadi saptamesh nirbal ho aur bhav 6, 8 ya 12 men sthit ho tatha karak shukra kamjor ho, to jivan sathi ki nimn soch ke karan vaivahik jivan kleshamay rahta hai. surya lagn men v svagrihi shani saptam bhav men virajman ho, to vivah men badha ati ati hai ya vivah vilanb se hota hai. saptamesh vakri ho v shani ki drishti saptamesh v saptam bhav par parti ho, to vivah men vilanb hota hai. saptam bhav v saptamesh pap kartari yog men ho, to vivah men badha ati hai. shukra shatrurashi men sthit ho aur saptamesh nirbal ho, to vivah vilanb se hota hai.
shani surya ya chandra se yut ya drisht ho, lagn ya saptam bhav men sthit ho, saptamesh kamjor ho, to vivah men badha ati hai. shukra kark ya sinh rashi men sthit hokar surya aur chandra ke madhya ho aur shani ki drishti shukra par ho, to vivah nahin hota hai. shani ki surya ya chandra par drishti ho, shukra shani ki rashi ya nakshatra men men ho aur lagnesh tatha saptamesh nirbal hon, to vivah men badha nishchit rup se ati hai. vaivahik jivan men klesh saptam bhav, saptamesh aur dvitiya bhav par krur grahon ka prabhav vaivahik jivan men klesh utpann karta hai. lagn, saptam bhav, saptamesh ki karak shukra, rahu, ketu ya mangal se drishti ya yuti ke falasvarup dampatya jivan men klesh paida hota hai. yadi jatak v jatka ka kundli milan (ashtakut) sahi n ho, to dampatya jivan men vaicharik matbhed rahta hai. yadi jatak v jatka ki rashiyon men shadashtak bhakut dosh ho, to donon ke jivan men shatruta, vivad, kalah aksar hote rahte hain. yadi jatak v jatka ke madhya dvirdvadash bhakut dosh ho, to kharche v donon parivaron men vaimanasyata ati hai jiske falasvarup donon ke madhya klesh rahta hai.
yadi pati-patni ke grahon men mitrata n ho, to donon ke bich vaicharik matbhed rahta hai. jaise yadi gyan, dharm, riti-rivaj, paranpraon, pratishtha aur svabhiman ke karak guru tatha saundarya, bhautikta aur aindriya sukh ke karak shukra ke jatak aur jatka ki mansikta, soch aur jivan shaili bilkul viprit hoti hai.
pati-patni ke gunon (arthat svabhav) men milan shi n hone par apsi tanav ki sanbhavna banti hai. arthat pati-patni ke madhya ashtakut milan bahut mahatvapurn hai, jis par ganbhirtapurvak vichar kar lena chahie. mangal dosh bhi pati-patni ke madhya tanav ka karak hota hai. svabhav se garm v krur mangal yadi pratham (apna), dvitiya (kutunb, patni ya pati ki ayu), chaturth (sukh v man), saptam (pati ya patni, jannendriya aur dampatya), ashtam (pati ya patni ka parivar aur ayu) ya dvadash (shayya sukh, bhogvilas, kharch ka bhav) bhav men sthit ho ya us par drishti prabhav se krurta ya garm prabhav dale, to pati-patni ke madhya manmutav, klesh, tanav adi ki sthiti paida hoti hai.
rahu, surya, shani v dvadshesh prithktavadi grah hain, jo saptam (dampatya) aur dvitiya (kutunb) bhavon par viprit prabhav dalakar vaivahik jivan ko narkiya bana dete hain. drishti ya yuti sanbandh se jitna hi viprit ya shubh prabhav hoga usi ke anurup vaivahik jivan sukhamay ya dukhamay hoga. dvitiya bhav men surya ke saptam, saptamesh, dvadash aur dvadshesh par (rahu prithktavadi grah) prabhav se dampatya jivan men klesh ki, yahan tak ki talak ki naubat a jati hai. udaharan kundli 1 ki vivechna saptamesh v dvadshesh mangal se rahu ki yuti, ketu ki drishti. dvitiya bhav men surya (mangal rahu ka prabhav lie hue hai, kyonki surya ki rashi men mangal rahu sthit hain) virajman. saptam bhav par chandra ki drishti. saptamesh mangal navmansh men nich ka hai. jatak ka dampatya jivan ati kashtamay (patni aur pati men tanav) hai. do tin bar talak ki naubat a chuki hai. matra svagrihi shukra, svagrihi budh v bhagyesh svagrihi shani ke ke karan talak nahin ho raha hai. udahrn kundli-2 ki vivechna dvadash bhav men mangal (kujdosh) tatha saptamesh ka pirit hona dampatya jivan men tanav paida karta hai.
barhven bhav men mangal (kuj dosh), v saptam bhav par mangal ki athvin drishti. shani ki saptam bhav par dasham drishti. saptamesh budh aur vivah karak shukra pap kartari dosh se pirit hai. ashtam aur dvadash bhav men krur v papi grah jivan sathi se vichoh karate hain. vivah men badhak yog saptamesh v dvitiyesh shashth bhav men, saptam bhav par shani ki nich drishti v shashthesh ki drishti, kendra men shubh prabhav ki kami in sabhi yogon ke falasvarup atyadhik vivah badha yog arthat avivahit yog banta hai. melapak men yonikut ki mahatta ath tatvon ka vivechan melapak men karte hain. ye tatva hain- varn, vashya, tara, yoni, grah maitri, gan, bhakut aur nari. melapak men aj ke yug men yoni kut ka vishesh mahatva hai. isse var aur kanya ke kam paksh ki jankari hoti hai. aj ke is bhautikvadi yug men 'melapk' par paryapt dhyan nahin diya gaya hai, jisse vaivahik jivan nishfal ho jata hai. 'yonikut' ke mel khane se vaivahik jivan sukhamay hota hai. manav aur janavar men ahar, nidra, bhay evan maithun ye char pravrittiyan saman rup se vidyaman rahti hain. kintu maithun ka mahatva aj ke yug men atyadhik hai. hamare drashta rishiyon ne nakshatron ka vargikaran ling ke adhar par kiya hai. kanya ho ya var, jis nakshatra men paida hota hai, us nakshatra ka prabhav us par parta hai. uska maithun svabhav tatsanbandhit yoni ke anurup hota hai. kundli melapan ke samay yadi is bat par vichar kiya jae, to nishchay hi donon ka sharirik sanbandh santoshajanak rahega anyatha vaivahik jivan men katuta paida hogi. vivah hetu melapak men yonikut ka apna vishesh mahatva hai.
jin var aur kanya ke yonikut par dhyan nahin diya jata, unka vaivahik jivan kashtamay ho jata hai. dusri taraf, jinki kundli milan men yonikut par ganbhirtapurvak vichar kiya jata hai, unka vaivahik jivan anandamay rahta hai. is yureniyam yug men shukra ati shaktishali ho raha hai. isse bhavishya men seks ki pradhanta rahegi. aise men yonikut ka mahatva aur adhik barh gaya hai, jis par dhyan dena hi chahie, taki talak ki sthiti se bacha ja sake. isi men navadampati ka kalyan hai. pati-sukh ki prapti hetu mangal dosh parihar mantra : vivah men vilanb se bachne ke vividh mantron, stotron tatha unki jap aur path vidhiyon ka vivaran is prakar hai. mangal dosh se grast jatka ko 108 dinon tak niyamit rup se ek panchmukhi dip prajvalit kar nimnokt shri mangal chandika stotra ka 7 athva 21 bar nishthapurvak path karna chahie.
''raksha-raksh jaganmat devi mangal chandike. harike vipda rashe harsh mangal karike॥ harsh mangal dakshe ch harsh mangal dayike. shubhe mangaladakshe ch shubhe mangal chandike॥ mangle manglahe ch sarva mangal mangle. yada manglve devi sarvesha manglalye॥'' pati-sukh ki prapti ka mantra is mantra ka 48 din tak nitya 108 bar jap karne se shubh fal prapt hote hain. '' sindhur patra ratikamdeh, divyambar sindhu samihitangama॥ sandhyarun dhanuah pankjpushpaban panchayudh bhuvan mohan moksh gartham॥ falai manmathay mahavishnu svarupay, mahavishnu putray, mahapurushay. pati sukhan mohe shighra dehi dehi॥ vidhi : path aur jap pit vastra dharan kar, lalat par tilak lagakar uttar athva purva dishabhimukh baithakar karna chahie. jap ki sanpurn avdhi men shuddh ghi se pital athva chandi ka dip prajvalit karna chahie. har bar hath men jal lekar mantrochcharan kar jal ko bhumi par chor dena chahie. kishmish ka prasad grahan karna chahie. kuyogon ko katne ke lie ukt path aur jap ke atirikt shiv-parvati ka anushthan, man durga ki puja-archana, durga saptashati ke prayog karak grahon ke ratn dharan, kuyogdayak grahon se sanbandhit mantra ka jap, puja anushthan, dana adi karna chahie. anubhut upay : uchit samay par vivah hetu kanya ko kam se kam sava panch ratti ka pukhraj sone ki anguthi men guruvar ko bayen hath ki tarjani men aur kam se kam sat ratti ka firoja chandi ki anguthi men shukravar ko bayen hath ki kanishthika men dharan karana chahie. inke atirikt upay v nivaran men yantra ki puja bhi karni chaei. yadi kundli men vaidhavya yog ho, to shadi se pahle ghat vivah, ashvatth vivah, vishnu pratima ya shaligram vivah vivah karana tatha prabhu sharan men rahna chahie.
vaivahik jivan men sukhanubhuti hetu sukhamay vaivahik jivan ke lie nimnalikhit mantra ka jap vidhi vidhanpurvak karna chahie. mantra : ain shrin klim namaste mahamaye mahayogindhishvari. samanjasyam sarvatopahi sarva mangal karinim॥ shukla paksh ke guruvar ko snan karke sham ke samay puja praranbh karen. puja ke samay mukh-pashchim ki or hona chahie. durga ji ka chitra samne rakhakar gay ke ghi ka dip jalaen. saman vajan ki sone ki do anguthiyan devi man ke charnon men arpit karen. gulab ke 108 pushp 108 bar mantra parhakar arpit karen. lal chandan ki mala se 21 din tak pratidin ek mala jap karen. 21 din bad man ke charnon men arpit anguthiyan lekar ek kisi yogya aur karmanishth brahman ko de den aur dusri svay pahan len. yah puja-archana nishthapurvak karen, dampatya jivan sukhamay rahega. iske atirikt shri durga-saptashati ka svayan path karen. ashtakavarg ke niyamanusar yadi sarvashtak varg men satven vivah bhav men shubh binduon ki sankhya jitni kam ho, dampatya jivan utna hi dukhad hota hai. varg men binduon ki sankhya 25 se kam hone ki sthiti men vaivahik jivan atyant dukhad hota hai.
lal kitab ke yog evan upay shukra evan rahu ki kisi bhi bhav men yuti vaivahik jivan ke lie dukhdayi hoti hai. yah yuti pahle bhav 4 ya 7 men ho, to pati-patni men talak ki naubat a jati hai ya akal mrityu ki sanbhavna rahti hai. upay yadi aisa vivah ho chuka ho, to chandi ke gol vartan men kajal ya bahte dariya ka pani aur shuddh chandi ka tukra dalakar kisi dharmasthan men dena chahie. sath hi ek chandi ke bartan men gangajal ya kisi anya bahte dariya ka pani aur chandi ka tukra dalakar apne pas rakhna chahie. yah upay vivah se purva ya bad men kar sakte hain. yadi satven bhav men rahu ho, to vivah ke sankalp ke samay beti vala chandi ka ek tukra beti ko de. isse beti ke dampatya jivan men klesh ki sanbhavna kam rahti hai. yah upay lagn men rahu rahne par bhi kar sakte hain, kyonki is samay rahu ki drishti satven bhav par hoti hai.
yadi bhav 1 ya 7 men rahu akela ya shukra ke sath ho, to 21 ven varsh ya isse purva vivah hone par vaivahik jivan dukhamay hota hai. atah upay ke taur par vivah 21 varsh ke pashchat hi kundli milan karke karen. surya aur budh ke sath shukra ki yuti kisi bhi bhav men hone par vaivahik jivan men kuch n kuch dosh avashya hi utpann hota hai, jisse dampatya jivan dukhamay rahta hai. upay tanbe ke ek lote men sabut mung bharakar vivah ke sankalp ke samay hath lagakar rakhna chahie aur ise jal men pravahit karna chahie. yadi yah upay vivah ke samay n ho sake, to jis varsh ukt tinon grah lal kitab ke varshafalaanusar athven bhav men aen, us varsh kar sakte hain. shukra yadi athven bhav men ho, to jatak ki patni sakhat svabhav ki hoti hai, jisse apsi samanjasya ka abhav rahta hai. is yog ki sthiti men vivah 25 varsh ki umra ke bad hi karna chahie. iske pahle vivah karne par patni ke svasthya ke sath-sath grihasth sukh par bhi bura prabhav parta hai. upay athven bhav men sthit shukra ke ashubh prabhav ko dur karne ke lie nile rang ke ful ghar se bahar jamin men daba den ya gande nale men dal den. sarvajan hitarth upay jatak ya jatka ki janmapatri men kisi bhi prakar ka dosh ya kuyog hone ke karan vivah men bahut badhaen ati hain. in badhaon ke falasvarup n keval larka ya larki balki samast parivar tanavagrast rahta hai.
yahan kuch upay prastut hain, jinka upyog karne se in badhaon se bachav ho sakta hai. ye upay janmapatri nahin hone ki sthiti men bhi kie ja sakte hain. var prapti hetu mantra guruvar ko kisi shubh yog men ukt mantra ka firoja ki mala se panch mala jap karen. yah kriya gyarah guruvar karen, vivah shighra hoga. somvar ko parad shivling ke sammukh ukt mantra ka 21 mala jap karen. fir yah jap sat somvar ko niyamit rup se karen, shighra vivah ke yog banenge. bhuvneshvari yantra ke sammukh ukt mantra ka sava lakh jap karen, shighra vivah yog banenge. mantra : katyayni mahamaye mahayogini dhishvari. nand gopsutan devi patin te kuru te namah .
man parvati ke chitra ke samne, puja karne ke pashchat ukt mantra ka gyarah mala jap karen. yah kriya 21 dinon tak niyamit rup se karen, man parvati manovanchit var pradan karengi. guruvar ka vrat karen aur pile pushp, pile prasad v pile fal man lakshmi v bhagvan vishnu ko arpit kar ukt mantra ka 11 mala jap karen. yah kriya har guruvar ko karen, vivah shighra hoga. (nahate samay jal men tin chutki haldi avashya milaen) var vashikaran yantra 115 155 156 132 154 153 127 138 116 151 131 152 126 137 133 134 117 130 125 135 136 139 140 124 118 141 142 143 144 123 145 129 119 146 147 122 148 149 128 150 120 121 upar chitrit yantra ko guruvar ko shubh yog men anar ki kalam se haldi ke ras se bhojapatra par likhakar chandi ke tabij men kanya ko gale men dharan karaen, sanbandh tay karne ya kanya ko dekhne jo bhi vyakti aega, kanya use pasand aegi aur sanbandh tay ho jaega. yadi kanya ke vivah ka sanyog n ban pa raha ho, ya vivah ki bat chalate samay koi n koi badha samne a jati ho, to nimnalikhit yantra ka upyog karen. vidhi : yantra guruvar ko shubh yog men bhojapatra par anar ki kalam aur haldi ki syahi se likhen. fir kanya yantra ki puja kare evan pratidin upar varnit mantra ka yantra ke samne 1008 bar jap kare.
yah kriya guruvar se agle guruvar tak kare evan agle guruvar ko yantra ko tavij men band kar apni banh ya gale men dharan kare, shighra vivah ke yog banenge. patni prapti ke lie mantra patnin manorman dehi manovrittanu sarinim. tarinin durg sansar sagarasya kulodbhavam॥ (durga saptasati) pratyek shukravar ko pavitra man se sfatik ki mala se ukt mantra ka 11 mala jap karen. is prakar gyarah shukravar jap karen tatha antim shukravar ko gyarah vivahit striyon ko yathashakti churi, bindi, sindur, sari ya kapra dan karen. yah kriya nishthapurvak karen, shighra hi manovanchit patni ki prapti hogi. mantra : kamo'nangah panchshraah kandaryo min vetnah. shri vishnutnyo devah prasanno bhavtu prabho॥ shubh muhurt men ukt mantra ka gyarah mala jap karen aur fir pratyek shukravar ko tin mala jap karen. aisa ikkis shukravar tak karen, vivah shighra hoga. kisi shubh yog ya muhurt men bhojapatra par anar ki kalam aur ashtagandh se upar chitrit yantra likhakar use puja sthal par rakhen aur pratidin puja karen. puja ke pashchat upar varnit mantra ka gyarah mala jap karen. ikkis dinon ke bad yantra ko chandi ke tavij men dharan karen. kuch samay ke pashchat dhan lakshmi, yash lakshmi v grih lakshmi (patni) ki prapti hogi. lakshmi yantra ki puja karen. fir niyamit rup se yantra ke samne kankdhara stotra ka 11 bar path karen. yah prayog shukravar se tisre shukravar tak karen, vivah shighra hoga. sarva kamna siddhi yantra upar chitrit yantra ko sarvarth siddhi yog men bhojapatra par anar ki kalam aur ashtagandh se likhakar use chandan lagaen. fir agarabatti dikhakar chandi ke tavij men dharan karen, shighra vivah ke yog banenge. (sitetyabhibhashnmah) mantra : s devi nityan paritapya manastvamev drirhavrato rajsuto mahatma tavaiv labhay kritaprayatnah. is mantra ka 3 mala jap tin mahine tak pratidin karen athva kisi yogya brahman se karaen. janm rjitpap vighvan sanay .
purusharthachatushthayalabhay ch patnin dehi kuru-kuru svaha॥ somvar ko vrat karen aur parad shiv ling ka dudh, dahi, ghi, shahad tatha shakkar se abhishek karen. fir ukt mantra ka panch mala jap karen. yah kriya solah somvar ko niyamit rup se karen, janmakundli ka har dosh ho dur hoga v shighra vivah ke yog banenge. pati vashikaran mantra : patni siddh yog men nimnalikhit mantra ka 1100 jap kar prempurvak pati ko pan khilae, pati vash men rahega. patni vashikaran mantra : pati siddh yog men nimnokt mantra ka 1100 bar jap kar patni ko pan khilae, patni vash men rahegi. (patni ka nam) jay jay sarvavyannamah svaha. dolfin machliyan apne jivnsathi ko bhent men dene se vaivahik jivan men madhurta evan sadbhav ki vriddhi hoti hai. dolfin machliyon ka chitra ya murti shayan kaksh men purva ya pashchim disha men rakhni chahie. feng shui ke anusar menderiyan battakh ka jora navvivahit jore ke shayan kaksh men rakhne se jivanaparyant ek dusre ke prati prem bana rahta hai. jis var ya kanya ki shadi nahin ho rahi ho, uske shayan kaksh men dakshin-pashchim disha men lav bards (premi parindon) ka chitra ya murti rakhen, vivah shighra hoga.
kanya ki shadi nahin ho pa rahi ho, to uske shayan kaksh ki dakshin ya pashchim disha men piyoniya pushp ki tasvir lagaen, achche rishte ane lagenge aur vivah shighra hoga. vivah yogya kanya ko pile ya halke gulabi rang ke kapre pahnane chahie. vivah yogya larke ya larkiyon ko apne kakshon men joron men vicharan karte huye sundar pakshiyon ke ya bhagvan shankar v parvati ke sundar yugal chitra lagane chahie. kabhi-kabhi janmakundli men dvivivah yog hota hai, jiske falasvarup jatak ya jatka ka vaivahik jivan kashtamay ho jata hai.
aise men donon ko punah chote se rup men pandit se vivah rasm karvana chahie. vivah shubh muhurt ya lagn men hi karna chahie, anyatha dampatya jivan ke kalhpurn hone ki prabal sanbhavna rahti hai. yadi aisa nahin hua ho arthat yadi vivah shubh muhurt ya shubh lagn men nahin hua ho, to vivah ki tithi v samay ka vidvan jyotishacharya se vishleshan karvana chahie aur shubh muhurt ya lagn men punah vivah karna chahie. parivarik sukh ki prapti hetu yadi pati-patni ke sanbandhon men katuta a jae, to pati ya patni, ya sanbhav ho, to donon, upar varnit mantra ka panch mala jap ikkis din tak pratidin karen. jap nishthapurvak karen, tanav dur hoga aur vaivahik jivan men madhurya barhega. mangal dosh ke karan vaivahik jivan men kalah ya tanav hone ki sthiti men nimnokt kriya karen. pati ya patni, ya fir donon, manglvar ka vrat karen aur hanuman ji ko lal bundi, sindur v chola charhaen. tandur ki mithi roti dan karen. manglvar ko sat bar ek-ek mutthi revriyan nadi men pravahit karen. garibon ko mitha bhojan dan karen. mangal v ketu ke dushprabhav se mukti hetu rakt dan karen.