jyotish shastron men param satya ishvar ki vani sangrihit ki gai hai. hamare rishi-muniyon ne yugon tak gahan chintan kar is brahmand men upasthit gyan ke in gudh rahasyon ko sangrihit kiya aur upyog kiya. jyotish ke in gudh rahasyon ka adhyayan kar n keval manushya matra apitu sanpurn vishva ke vikas karyon men sahyog liya ja sakta hai. chahe vah adhyayan, chikitsa, aushdhi ka kshetra ho ya khagol shastra ka. jyotish ek prachinatam vigyan hai jiska ullekh vedon men bhi ata hai. jyotish ko mukhyatah do bhagon men banta ja sakta hai. pratham khagol shastra - jismen akash mandal men vicharan karte hue grahon ki sthiti ka shuddh ankalan kiya jata hai. dvitiya - in akashiya pindon ka prabhav prithvi evan manushya jati par kaisa padta hai iska anuman. khagol shastra ko to sabhi vaigyanik shuddh mante hain aur iski shuddhata ko svikar bhi karte hain aur ho bhi kyon na-akash men vicharan karte hue grah advitiya samrupta (ek saman gati aur path) darshate hain. hajaron lakhon salon men bhi unki gati ya marg men parivartan nahin ata.
in sabhi grah pindon ka prabhav hamare vyaktitva par ya bhagya par kaisa padta hai? yah darshane men koi yantra saksham nahin hai. keval ek sankhyiki hi hamen yah vichar karne par majbur karti hai ki in sabhi ka prabhav hamare sharir par avashya padta hai, ho bhi kyon n kyonki purn brahmand men arbon pindon men keval ek shakti ‘‘gurutvakarshan shakti’’ men is prakar bandhe hote hain mano ek sutra men piroye gae hon aur nirantar apne kendra bindu ke charon or bhraman karte rahte hain. yahi gurutvakarshan shakti manushya ko bhi bhedti hai aur is prakar unke jivan ko prabhavit karti hai. hamare rishi-muniyon ne is gurutvakarshan shakti ko hajaron-lakhon sal pahle pahchan liya tha aur is shakti ka manushya ke jivan par padne prabhav ko jyotish ke madhyam se darshaya bhi tha.
lekin adikal men gyan ka adan-pradan shruti dvara hi ek se dusre ko kiya jata tha. atah ismen bahut sanbhavnaen hain ki ek se dusre tak shruti dvara jane par ismen truti a gai hon. dusre madhyakal men mugal samrajya raha hai, taduprant angrejon ka shasan raha hai in donon kalon men itihas ke anusar jyotish ke granthon ka nash hua. is karan ab jo jyotish ka gyan upalabdh hai vah keval ansh mantra hai. isilie aj jyotishiya faladesh purn rup se satik nahin baithat hai. ismen itni uthlta a gai. ki vaigyanikon ne isko purn rup se dhakausla hi manna shuru kar diya hai. jis prakar se ayurvigyan men nirantar shodh karya hue hain aur janmanas ka ek chikitsak par vishvas badha hai. isi prakar jyotish men shodh kiya jaye to janmanas ka is par avashya hi vishvas badhega aur is mahan vigyan ko manushya ke uddhar ke lie upyog kiya ja sakega.
kuch vishvavidyalyon men jyotish par shodh karya karaya jata raha hai. lekin adhikansht: vah keval vibhinn lekhkon ka sankalan evan alochnatmak sankalan matra tak hi simit rah gaya. kahin bhi is prakar ke shodhon ka vivaran nahin ata jismen ki vibhinn jyotishiya yogon ki pramanikta par karya kiya gaya ho. yahan tak ki jyotish ke adhar bhut niyamon ko jyon ka tyon svikar kar faladesh kar diya jata hai. jaise- mangal ko mesh v vrishchik ka svamitva prapt hai, saptam bhav vivah ka bhav aur pancham bhav santan adi ka bhav hota hai. hamen chahie ki jyotish ke adharbhut niyam, yog evan upayon par shodh kar unki shuddhata ki parakh kar leni chahie. jisse ki am janta ka vishvas jyotish par se n uthe.
jyotish ko keval manushya hi nahin apitu prakritik apdaon v mausam ki jankari ke lie bhi upyog men laya ja sakta hai. iske atirikt krishi men jyotish ka upyog kar mausam ki purva jankari dekar vishesh labh prapt kiya ja sakta hai. akhil bhartiya jyotish shiksha sangh ne jyotish par adharit anekon shodh karya kiye hain. jiske dvara kundli milan, svasthya, vyavsay, shiksha v santan par satik faladesh ke niyamon ko ullekhit kiya hai. varsha, sheyr-bajar, sona-chandi (sarrafa bajar), gehun v tilahan bajar men utar-chadhav ka vishesh saeftaveyar viksit kiya hai. iske dvara agrim ganna satik rup men ki ja sakti hain. hamare dvara kiye gaye kuch jyotishiya shodhon ke parinam kuch is prakar aye hain. udaharan ke lie - kra hamne 200 aise parivaron ka kundli milan kiya jinka vaivahik jivan sukhamay chal raha hai aur 200 aise parivaron ka kundli milan kiya jinke dampatya jivan men pareshaniyan, grih kalesh ki sthiti bani hui hai.
in sabhi 400 kundliyon par gahan shodh karne ke bad yah paya gaya ki donon samuhon men ausatan gun milan ank sadhe ikkis the. kra grihasth sukh men mangal ka prabhav naganya rahta hai yadi donon bhavi var-vadhu gair manglik hain to vivah ke pashchat unke algav ki sanbhavnaen adhik hoti hain. kra jin vyaktiyon ki kundli men budh aur shani dasham bhav men hote hain aise vyaktiyon ko vaivahik jivan men badhaane ka samna karna padta hai. kra isi prakar saptam bhav men mangal v shani grihasth sukh men kami karte hain. iske viprit rahu-ketu is bhav men adhik kashtakari nahin rahte hain. kra ajivika kshetra men kiye gaye shodh se hamne yah paya ki da. banne ke lie budh ka dasham bhav se sanbandh avashya hona chahie.
kra jab gochar men mangal, shani ek sath ate hain to varsha hone ki sanbhavnaen badh jati hain. kra mangal, surya ke karib ane par bhi varsha adhik hoti hai. varsha par ki gayi shodh ke anusar chandrama ka varsha par koi vishesh prabhav nahin hota hai. kra vyakti ka janm jis mah men hota hai usi mah men iske dehant ki sanbhavnaen 20 pratishat ke karib hoti hain. kra jyotishiya yogon ke anusar ek um jyotishi banne ke lie guru navam bhav men ya trikon men hona chahie. kraydi guru surya se 8-10 ansh age ho to jatak ai.e.es. ban sakta hai. uprokt shodhon se yah nishkarsh niklta hai ki jo yog ham jyotish pustakon men padhte hain ve yog purnataya faldayak nahin hote. yadi in yogon ko ap aj ke sandarbh men badlte hue prayog karen jo parinam adhik santoshajanak mil sakte hain.
aksar dekha gaya hai ki yogon ko unke vastavik rup (niyam) men n lekar, anshikrup men prayog kar liya jata hai jaise- guru ka navam bhav men hona ek achcha jyotishi banata hai. parantu is yog ko jyotishi navam bhav ki jagah trikon bhav se dekhen to yah yog galat ho jayega. yogon ka purn fal prapt karne ke lie unhen unke vastavik (jyane ka tyon) rup men hi prayog karna chahie. isi kram ko age badhate hue, sangh ne mevad vishvavidyalay ke sath sahmti patra par hastakshar kar sanvida ;davndh.hatamamaumadajaddh svikar kiye han jiske tahat sangh bharat v videshon men shodh kendra kholega aur jyotish shodh karya karvayega.
iske antargat jyotish men char varshiya snatkor (em.e.), pi.ech.di. hogi. jo ki vishvavidyalay anudan ayog (yu.ji.si.) se manya hogi. ismen pravesh pane ke lie kisi bhi vishay men snatak hona avashyak hoga.