dvadash bhav ko prantya, antya aur nipu ye tin sangyayen di jati hain aur dvadash sthan (barhvan) ko trik bhavon men se ek mana jata hai, aksar yah mana jata hai ki jo bhi grah barhven bhav men sthit hota hai vah grah is bhav ki hani karta hai aur sthit grah apna fal kam deta hai. balabal men bhi vah grah kamjor mana jata hai, lekin shukra grah barhven bhav men dhandayak yog banata hai aur yadi min rashi men barhven bhav men shukra ho to fir kahna hi kya? karan yah hai
ki shukra barhven bhav men kafi prasann rahta hai kyonki barhvan bhav bhog sthan hai aur shukra bhogkarak grah, isi karan is bhav men shukra hone se bhog yog ka nirman karta hai, chandra kala nadi ki manen to- vyaye sthan gate katye nichanshak varjite. bhagyadhipen sadrishte nidhi praptine sanshyah.. yani- shukra dvadash sthan men sthit ho aur navmesh dvara drisht ho to aisa manushya nidhi ki prapti karta hai. arthat shukra ki dvadash sthan men sthiti achchi mani gai hai.
bhavarth ratnakar men kaha gaya hai- shukrasya shashthan sansthanan yoghan bhavti dhruvam. vyay sthitasya shukrasya yatha yogam vadanti hi.. arthat - shukra chathe sthan men sthit hokar utna hi yogaprad hai jitna ki vah dvadash bhav men sthit hokar yogaprad hai. uttarakalamrit men kaha gaya hai ki - ‘shashtastho shubh kritkaviah yani chathe sthan men shukra ki sthiti isliye achchi mani jati hai, kyonki barhven bhav men uski purn drishti rahti hai, jis karan vah bhogkari yog banata hai. is tarah shukra ki barhven bhav men sthiti bhog yog banati hai aur bhog bina dhan ke sanbhav nahin hai atah yahi bhog yog dhan yog bhi ban jata hai. jin vyaktiyon ke barhven bhav men shukra sthit hota hai, ve bahudha yog samagri dvara apna jivan suvidha se chala lete hain.
yadi adhik dhani n hon to daridri ko bhi prapt nahin hota. parantu jab yah grah shukra lagn ke sath surya lagn se v chandra lagn se bhi dvadash ho ya kinhin do lagnon men dvadash sthan men sthit ho to do lagnon se dvadash sthan men hone ke karan shukra duguna yogaprad ho jata hai aur tinon lagnon se dvadash ho to sone par suhaga vali bat hogi, aisi sthiti men shukra ativ shubh yog dene vala, mahadhni banane vala ban jata hai- bhavarth ratnakar ke anusar - yah bhav karko lagnad vyaye tishthati chedyadi. tasya bhavasth sarvasya bhagya yog udiritah.. yani - is bhav se jatak ko vishayak baton ka labh hoga, jis bhav ka karak lagn se dvadash bhav men sthit ho shukra jaya (patni) bhav ka karak grah hai, atah jin jatkon ke barhven bhav men shukra rahta hai, unhen stri sukh men kabhi kami nahin hogi, prayah aise vyaktiyon ki patni dirghajivi hua karti hai.
prastut kundli ek aise jatak ki hai jiske janm ke sath hi ghar men sukh, samriddhi aur vaibhav ki shuruat ho gai. jatak ke pita ko dhan labh prapt hona praranbh ho gaya. jatak ki janmapatri men shukra barhven bhav men min rashi men sthit hai aur sukhesh chandrama aur saptamesh shukra ka apas men purn drishti sanbandh hai jiske karan jatak ko bhautik sukh ki prapti hui. shukra ki barhven bhav men sthiti jab dvadshesh ke sath hogi to shukra jatak ko bahut bhogon ko dene vala aur manushya ko khub dhani banane vala hoga. shukra ki yah bhi ek vishesh sthiti hoti hai ki jab vah kisi grah ke barhven bhav men sthit hota hai, tab shukra apni antardasha men is grah ka fal karta hai, jiske ki vah barhven sthit hota hai
yani ki agar shukra surya se barhven ho aur surya ki mahadsha men shukra ki antardasha chal rahi ho to vah surya ka shubh fal dega, is niyam ke mutabik shukra ki sabse achchi sthiti tab hogi jab vah kisi jatak ki kandli men guru se dvadash hoga. guru aur shukra paraspar shubh grah hain. samanya niyam ke anusar paraspar shatru grah apni dashantardasha men viprit fal dete hain jabki guru se shukra dvadash prayah karodptiyon ki hi kundli men paya jata hai.
yadi guru lagnon ka bhi svami ho arthat dhanu athva min surya v chandra ho, tab shukra ki bhukti karodon, arbon rupye dene vali hogi. yadi shukra vrish ya tula rashi ka hokar barhven bhav men ketu ke sath ho to had se jyada shubhkari bhog yog banata hai, jo ki jatak ko sukhi jivan deta hai. ketu jab-jab kisi shubh grah-budh, guru, shukra ke sath jis bhav men baithta hai, us bhav sanbandhi fal jatak ko bahut deta hai.
atah faladesh karte samay janmapatri men budh guru, shukra v ketu ki sthitiyon ko bhi avashya dhyan men rakhen. ant men kahna yathesht hoga- grahrajyan prayachchati graharajyan haranti ch. grahastu tyatitan sarva jagdev tachcharacharam.. arthat- grah hi rajya dete hain, grah hi rajya ka haran kar lete hai, sansar ka samast charachar grahon ke prabhav se yukt hai.