kahte hain ki krishn ji itne sundar the ki unhen aksar unki mata yashoda ji ki najar lag jati thi. islie man yashoda unke mathe par kala tika laga deti thin taki unhen najar n lage. najar dosh se bachav ke lie aksar gharon ke bahar ek daravna mukhauta laga diya jata hai. gariyon ke piche kale kapre ki choti ya juta bhi najar se bachav ke lie hi latkaya jata hai. har trak ke piche ‘buri najar vale tera munh kala’ ka vakya likha hona ek am bat hai.
aksar sunne men ata hai ki kisi ne kisi dusre par tona kar diya hai, jisse uska koi bhi kam thik nahin hota aur durbhagya bar-bar are a jata hai. isi prakar kabhi ham mahsus karte hain ki puri mehanat ke pashchat bhi hamen karya men saflta nahin mil rahi - karan ki kisi ne hamare vyavsay ko bandh diya hai. bandhan ke falasvarup ya to vyavsay nahin hota ya fir vyavsay hote hue bhi anttah hani hi hath ati hai. yahan tak ki is prakar ka mahaul ban jata hai ki hamen vah vyavsay chorna hi par jata hai.
kabhi kisi vyakti ka svasthya aise bigar jata hai ki sabhi davaiyan nishprabhavi ho jati hain. aisa aksar kisi bhut-pret ya churail ki badha sath lag jane se hota hai. yah badha kisi ke dvara karai gai hoti hai ya anjane men rah men ya hamare kisi karm ke karan lag jati hai. manushya ko purva janm ke rinanubandh ya shrap adi bhi anek prakar se kashtadayi hote hain jinka upay karne se unse mukti mil sakti hai. hamare sath kuch achcha hone vala hai ya bura iska purvanuman svapn ya shakun dvara lagaya ja sakta hai. sita se vivah ke lie jab shri ram ji ki barat prasthan karti hai, to sare shakun svatah hone lagte hanai jo ek shubh karya ka purva sandesh dete hain.
chemkri kah chem biseshi. syama bam sutru par dekhi..
sanmukh ayau dadhi aru mina.kar pustak dui bipra prabina..
mangalamay kalyanamay abhimat fal datar. janu sab sache hon hit bhae sagun ek bar..
kshemkri (safed sir vali chil) vishesh rup se kshem (kalyan) kah rahi hai. shyama bayin or sundar per par dikhai pari. dahi, machli aur hath men pustak lie hue do vidvan brahman samne ae. sabhi mangalamay, kalyanamay aur manovanchit fal dene vale shakun mano sachche hone ke lie ek hi sath ho gae. isi prakar ravan ke yuddh hetu prasthan ke samay sare apshkun hone lagte hain.
ati garb ganai n sagun asgun sravhin ayudh hath te.
bhat girat rath te baji gaj chikkarat bhajhin sath te..
gomay gidh karal khar rav svan bolhin ati ghane.
janu kaldut uluk bolhin bachan param bhayavne..
atyant garva ke karan ravan shakun-ashkun ka vichar nahin karta. hathiyar hathon se gir rahe hain. yoddha rath se gir parte hain. ghore, hathi sath chorakar chingharte hue bhag jate hain. syar, giddh, kaue aur gadhe shabd kar rahe hain. bahut adhik kutte bol rahe hain. ullu aise atyant bhayanak shabd kar rahe hain, mano mrityu ka sandesha suna rahe hon. prakriti men kuch bhi achanak ghatit nahin hota, kisi bari ghatna se purva shakun-apshkun ke rup men anek ghatnaen kramabaddh dhang se ghatit hoti hain.
yadi in par ganbhirta se dhyan kar liya jae, to kisi bari durghatana se bachav kiya ja sakta hai. kahte hain ki najrdosh ya anya koi vyadha lag jane par ankh ki nichli palak bhari ho jati hai mano vah suj gai ho. prabhavit vyakti ka koi bhi kam karne ka man nahin karta. isse mukti ke lie anek prakar ke upay sujhae gae hain, jinhen apnane se varnit kashton ka nivaran ho sakta hai.
- najar dosh nivarak laeket dharan karen.
- rudraksh mala, aur khasakar terhmukhi rudraksh mala, najar dosh v upri badhaon se bachav ke lie vishesh prabhashali hai.
- bachchon ko moti chand ka laeket evan najrband (kale-safed moti) ka breslet ya kardhni dharan karaen.
- parad laeket sabhi badhaon ko dur karne men saksham hai.
- najar dosh nivarak yantra evan navdurga yantra sath rakhen.
- panchmukhi hanuman ka laeket dharan karen ya ghar men athva vyavsay sthal par sthapit karen.
- kale hakik ki mala par un han hanumte namah mantra ka niyamit rup se jap karen.
- mor pankh se ya sarson ke tel ki batti se utara karen.
- nibu ko sir se utarakar char tukron men katakar chairahe par charon dishaon men fenk den. yadi koi najar lagi ho ya totka kiya gaya ho to dosh dur ho jata hai.
- najar dosh se prabhavit vyakti ke upar charon or se fitkri ka tukra ghumakar chulhe men dalne se najar dosh samapt hota hai.
- pravesh dvar par ghore ka nal lagane se agantukon ki najar nahin lagti.
- namak, rai aur lal mirch angare par dalakar rogi ke upar gyarah bar ghumane se najar dosh mitta hai.
- sote samay sir ke niche chaku rakhne se daravne svapn nahin ate.
- hanuman chalisa ka path karne se bhut-pret adi vyadhaen bhag jati hain.
- yadi aisa mahsus hota ho ki kisi ne apka ghar ya vyavsay bandh diya hai, to char kilen ghar ke andar charon dishaon men thonk den, bandhan se mukti milegi.
- vahan durghatanagrast n ho iske lie lal kapre ki thaili men ath chuhare bandhakar vahan ke andar rakhen.
- pushya nakshatra men sahdevi ki jar lakar sath rakhne se bimari se mukti milti hai.
- pratidin ya fir prati manglvar ko sat sabut hari mirch aur ek ninbu ko dhage men bandhakar vyavsay sthal par bandh dene se karobar men unnati hoti hai.
- jab koi grahak dukan par ae, to koi ek dhaga torakar apni sit ke niche dabakar rakhen, grahak nishchit rup se khariddari karega. grahak chala jae, to dhaga nikalakar fenk den.
- ghar ya vyavsay sthal ke pravesh dvar par mayur ka chitra lagane se najar nahin lagti.
- ‘un ain hlin klin chamunday vichchaiah’ mantra ka jap karne se sabhi badhaen dur hoti hain.
upar varnit sabhi doshon ka prabhav mansik rup se kamjor vyaktiyon par adhik parta hai. kundli men nichasth chandra ya rahu v shani se grast chandra hone par vyakti mansik rup se kamjor hota hai aur us par ukt doshon ka prabhav adhik parta hai. shiv v hanumat aradhna aur chandramni dharan karne se mansik bal prapt hota hai aur doshon se mukti milti hai.