feng shui do shabdon feng evan shui ka sammishran hai. chini bhasha men feng ka arth vayu tatha shui ka arth jal hota hai. jis prakar ham vastu ke siddhanton ka apne grih athva vanijyik bhavan men anupalan evan prayog karke sukh, shanti evan samriddhi ko akarshit karte hain tatha asann sankton ko talte hain thik usi prakar chin men feng shui ke siddhanton ka anupalan evan prayog, sukh, shanti evan samriddhi ko akarshit karne tatha kasht evan pareshaniyon se chutkara pane ke lie kiya jata raha hai.
feng shui men sukhi jivan ke lie panchatatvon ke santulan ko pradhanta di gai hai. iske siddhanton ke anurup yadi in panchon tatvon arthat jal, agni, prithvi, lakri aur dhatu ka santulan ham apne ghar, bhavan athva vatavaran men samanjit karte hain tatha inka samanjasya sthapit karte hain to ham atirek kasht evan pira se mukti pane athva achche bhagya ko akarshit karne men safal ho sakte hain.
feng shui ke panchon tatva kuch vishesh mahatva rakhte hain aur inka kuch khas dishaon par svamitva bhi hota hai. feng shui ke anusar lakri ka purva, dhatu ka pashchim, jal ka uttar, agni ka dakshin aur prithvi ka dakshin-pashchim disha par svamitatva hota hai. hamare charan taraf jo urjayane pravahit ho rahi han uska upyog ek khushnuma, svasth aur samriddh jivan ke lie kiya jae yahi feng shui ka siddhant hai.
fang shui ek rahasyamyi chini kala hai jo tao siddhant par adharit hai. yah hamare vyaktigat vatavaran ke samanjasya ko santulit karta hai. feng shui ke panch tatva chini darshan ke anusar pura brahmand panch mul tatvon se nirmit hai- agni, jal, kashth, dhatu aur mitti. ye panchane tatva prakriti ki shakti ke sath apne jatil anyonyashrit sanbandhan tatha najuk santulan ka pratinidhitva karte hain.
vastu men in tatvan ka sahi tal-mel rakhne par usmen rahne valon ka jivan sukh, shanti evan anandpurvak vyatit hota hai anyatha dukh evan pareshani piche lagi rahti hai. feng shui ke panch mahatatva kashth kashth poshan, parivarik mansikta tatha lachile svabhav ka dyotak hai. yah prayah vikas se jura rahta haiai.
kashth ka srijan karne vale purush urjavan hote hain. aise purush nitya nayi yojnaon ko janm dete hain sath hi prabhavshali vyaktitva ke karan saflta bhi prapt karte hain. kalatmakata ki or inka jhukav hota hai. iske viprit kashth ki pratikulta rahne par vyakti dhairyahin aur krodhi hote hain.
ve jis kam ko aranbh karte hain use pura nahin kar pate. is tatva ka rang hara, disha purva aur ritu vasant hai. yah per-paudhe ke vikas ka suchak hai. iski akriti sidhi aytakar hoti hai. agni agni urja se paripurn vatavaran, prernadayak, utsah se paripurn, buddhiman evan samjhdar banati hai.
yah prakash, garmahat aur khushiyan la sakti hai to dah, dhamaka aur vinash bhi kar sakti hai. agni tatva samman aur nyay ka sath deta hai, kintu iske viprit yah yuddh aur akraman ka sath bhi deta hai. agni ka srijan karne vale purush neta aur kriyashail hote hain.
is tatva ki anukulta rahne par kriyashil, hansmukh aur dhairyavan hote hain. is tatva ki pratikulta rahne par asanymi, shoshak aur svarthi kism ke hote han iski disha dakshin, rang lal aur ritu grishm hai. garmi men yah tatva sarvadhik samriddhashali hota hai. iski akriti tribhujakar hai. prithvi prithvi tatva pradhan logon ko dusre logane ka poshan evan sahayta karne men anand milta hai.
ye bharosemand, nishthavan, dayalu evan vinamra svabhav ke hote hain. is tatva ke anukul prabhav se prabhavit log sahyogi, vyavharik, kriyashil, imandar, dhairyavan aur nishthavan hote hain jabki pratikul prabhav se prabhavit rahne par choti-choti baton par chinta karne vale tatha sanki svabhav ke hote hain sath hi shoshak evan parpirak hote hain. is tatva ka rang pila aur sthan kendriya mana gaya hai. iska astitva pure varsh rahta hai. iski akriti vargakar, ghanakar hoti hai.
dhatu dhatu ka sanbandh prachurta tatha bhautik saflta se hota hai. sath hi yah spasht vichar, vistrit jankari ke prati chaiksi se bhi jura hota hai. dhatu pradhan vyakti bhavi yojnaen banane men sadaiv age rahte hain. sath hi dhatu pradhan vyakti bhavi yojna men anand lene vale evan saundarya bhare vatavaran man behatar kam karne vale hote hain arthat ye achche prabandhak hote hain.
aise vyakti bahut hi dhir-ganbhir hote hain tatha bahut hi kathinai se kisi ki bhi madad karne ko raji hote han yah tatva safed evan sunhre rang ka pratinidhitva karta hai. iski disha pashchim tatha ritu shard-patajhar hai. patajhar ya sharad man kashth tatva kamjor par jata hai. dhatu kashth ko nasht kar shaktishali ho jata hai. iski akriti golakar, belnakar hoti hai. jal jal tatva samajik kriyaklapon, dursanchar tatha bauddhikta ko darshata hai. yah antah prerna se yukt sanvednshil hota hai.
jal tatva antrikta, kala aur khubsurti ka pratik hai. iska srijan karne vale vyakti adhyatmikta tatha adhyayan men ruchi rakhte hain tatha is tatva vale vyakti buddhijivi vyavhar kushal shantipriya, saundaryapriya, samajik aur dusran ke hamadard hote hain.
sath hi jal tatva se prabhavit vyakti kutnitik aur apne prabhav se kam nikalne vale, dusron ki manodsha ke prati sanvednshil hote hain. ve jokhit uthate hain aur labhkari samjhaute karte hain. is tatva ka rang kala evan nila, disha uttar evan ritu shit hai. himpat ke samay yah tatva jyada shaktishali hota hai. iski akriti tarang ki tarah hoti hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!