agre rahurdhah ketuah sarve madhyagtaah grahaah. yogo'yan kalasarpakhyo shighran tan tu vinashay.. age rahu ho evan niche ketu, madhya men sabhi (saton) grah vidyaman hane to kalasarp yog banta hai.
kal sarp yog ka prabhav
kal sarp yog men utpann jatak ko mansik ashanti, dhanaprapti men badha, santan avrodh evan grihasthi men pratipal kalah ke rup men prakat hota hai. prayah jatak ko bure svapn ate hain. kuch n kuch ashubh hone ki ashanka man men bani rahti hai. jatak ko apni kshamata evan karyakushlta ka purn fal prapt nahin hota hai, karya aksar der se safal hote hain. achanak nuksan evan pratishtha ki kshati is yog ke lakshan hain.
jatak ke sharir men vat, pitt, kaf tatha tridoshajanya asadhya rog akaran utpann hote hain. aise rog jo pratidin klesh (pira) dete hain tatha aushdhi lene par bhi thik nahin hote hon, kal sarp yog ke karan hote hain. janmapatrika ke anusar jab-jab rahu evan ketu ki mahadsha, antardasha adi ati hai tab yah yog asar dikhata hai. gochar men rahu v ketu ka janmakalik rahu-ketu v chandra par bhraman bhi is yog ko sakriya kar deta hai.
ab kahin bhi kabhi bhi bat karen fyuchar point jyotishacharyon se. abhi paramarsh karne ke liye yahan klik karen.
kalasarp yog ke bhed
kal sarp yog udit, anudit bhed se do prakar ke hote hain. rahu ke mukh men sabhi saton grah grasit ho jaen to udit golarddh namak yog banta hai evan rahu ki prishth men yadi sabhi grah hon to anudit golarddh namak yog banta hai. yadi lagn kundli men sabhi saton grah rahu se ketu ke madhya men ho lekin anshanusar kuch grah rahu ketu ki dhuri se bahar hon to anshik kal sarp yog kahlata hai.
yadi koi ek grah rahu-ketu ki dhuri se bahar ho to bhi anshik kal sarp yog banta hai. yadi keval chandrama apni tivragti ke karan rahu ketu ki dhuri se bahar bhi ho jata hai, to bhi kal sarp dosh bana rahta hai. atah mukhyatah chah grah shani, guru, mangal v surya, budh, shukra rahu ke ek or hain to kal sarp dosh banta hai.
yadi rahu se ketu tak sabhi bhavon men koi n koi grah sthit ho to yah yog purn rup se falit hota hai. yadi rahu-ketu ke sath surya ya chandra ho to yah yog adhik prabhavshali hota hai. yadi rahu, surya v chandra tinon ek sath hon to grahan kal sarp yog banta hai. iska fal hajar guna adhik ho jata hai. aise jatak ko kal sarp yog ki shanti karvana ati avashyak hota hai.
budh v shukra surya ke sath hi vidyaman rahte hain. evan surya ko rahu-ketu ke ek or se dusri or ane men 6 mah tak lagte hain. atah kal sarp yog adhikatam 6 mah ya usse kam hi rahta hai.
jab jab kalasarp yog ki sthiti banti hai, prithvi par grahon ka gurutvakarshan ek or barh jata hai. jiske karan prithvi par adhik halachal rahti hai v adhik bhukanp v sunami adi ate hain. bhukanp ki tivrata barh jati hai. aisa paya gaya hai ki aspatal men garbhapat ke kes adhik hote hain ya adhik matra men apreshan hote hain, khun ka srav adhik hota hai evan mansik rog adhik hote hain. atah kalasarp dosh ka prabhav vishesh dekhne men ata hai.
get now: popular horoscope reports
kal sarp yog ke prakar
dvadash bhavon men rahu ki sthiti ke anusar kal sarp yog mukhyatah dvadash prakar ke hote hain. rahu jis bhav men hokar kalasarp dosh banata hai usi bhav ke fal prapt hote hain. jaise:
anant: svasthya men pareshani rahti hai. shadyantra evan sarkari pareshaniyon ko jhelna parta hai. anant dukhon ka samna karna parta hai. bat-bat par jhuth bolna parta hai. patni se jhagra rahta hai.
kulik: ankhon mane pareshani rahti hai, pet kharab rahta hai. log bolne ko galat samajh lete hain aur uski safai deni parti hai. dhan ki kami mahsus hoti hai. kul men klesh jhelne parte hain.
vasuki: kanon ke kashton se pirit rahte hain. bhai bahnon se mel milap men kami rahti hai. kabhi-kabhi urja ka abhav mahsus hota hai. kainsar adi rog se bhi grasit hone ka bhay hota hai.
shankhpal: mata-pita ka svasthya kharab rahta hai. ghar men kalah bani rahti hai. ghar men v vahan men kuch n kuch marammat ki avashyakta parti rahti hai. kam men man nahin lagta hai. vyavsay men nuksan jhelna parta hai.
padma: santan kahna nahin manti ya santan se kasht hota hai. soch-vichar kar kie gae karya bhi hani dete hain. ya akhir men choti galti ke karan nuksan jhelna parta hai.
mahapadma: svasthya pareshan karta hai. mama ki or se nuksan hota hai. kharche adhik ho jate hain. achanak aspatal adi par kharch ho jata hain. jo vittiya pravah ko bigar deta hai. aksar dushman havi ho jate hain ya samay v paisa barbad karva dete hain.
takshaka: patni sath nahin deti. parivarik v grihasth jivan ujra sa rahta hai. apna svasthya bhi kabhi-kabhi achanak kharab ho jata hai. dhan hani hoti hai.
karkotk: svasthya ka vishesh dhyan rakhna parta hai. pet ki bimari v apachan bani rahti hai. log thora bolne par bhi pratikriya karte hain. dhan sanchay men pareshani hoti hai. parivar men kalah hoti hai.
shankhchur: bare logon se milne men dhan v samay nasht hota hai. sir dard ya chakkar ane ka rog ho jata hai. bhagya sath nahin deta. har kam men dugni mehanat karni parti hai.
ghatk: pita se vichar nahin milte hain. achanak hani ho jati hai. parivar men kalah rahti hai. ek kam achchi tarah se set nahien hota. mata-pita ka svasthya dhyan akarshit karta rahta hai.
vishdhr: labh achanak hani men badal jata hai. bare bhai bahnon ka sahyog nahin prapt hota. mitra mandli samay kharab kar deti hai. ek se adhik sanbandh parivarik kalah ka karan bante hain.
shesh nag: rog v aspatal par vishesh vyay hota hai. kainsar jaise rog tang karte hain. apavyay hota hai. nirarthak yatra hoti hai. samy-samay par paise ki dikkat mahsus hoti hai.
apni kundli men rajyogon ki jankari paen brihat kundli riport men
kuch mukhya upay
1. prati 3-5 varsh men ek bar kisi siddhasthal jaise dvadash jyotirling, sangam, haridvar ya banaras men jakar kalasarp dosh ki shanti karvae evan varsh men ek-do bar ghar men ya mandir men kal sarp shanti karvaen.
2. nag panchmi par rudrabhishek karvaen v nag nagin ke ek ya nau jore visarjit karen.
3. kalasarp anguthi, laket ya yantra dharan karen.
4. bhagvan vishnu, shiv, rahu v ketu ka path v mantra jap karen.
5. kalasarp yog yantra ke sammukh 43 din tak sarson ke tel ka diya jalakar nimn mantra ka jap karen. un kraun namo'stu sarpebhyo kalasarp shanti kuru kuru svaha.
6. grahan ke din tula dan karen v nile kanbal dan karen.
7. ‘‘un namah shivay’’ mantra ka jap pratidin rudraksh mala par karen v mala ko dharan karen. 8. garur bhagvan ki puja karen.
9. 7 budhvar ekakshi nariyal apne upar se utarakar pravahit karen.
10. 8, 9, v 13 mukhi rudraksh ka kavach dharan karen.
vishesh: kuch vidvanon ka mat hai ki kalasarp dosh ka ullekh kisi pustak men nahin milta hai. lekin iska prabhav avashya mahsus kiya ja sakta hai. atah kahin ullekh hai ya nahin, yah yog prabhavshali avashya hai. atah iske upay bhi avashya kara kar jivan ko sukhad bana lena chahie.
apni kundli men sabhi dosh ki jankari paen kampalit dosh riport men