yantra dharan /pujan dvara grah dosh nivaran surya yantra: yadi surya ashubh ho tatha jivan men svasthya thik n rahta ho, pita adi kutumbiyon se anaban rahti ho, aisi paristhitiyon me nchandi men bana surya yantra dharan karne se labh hota hai. is yantra ko ravivar ke din pratahkal men shuddh karke gandh, akshat, dhup-dip se pujan karke lal dhage men dharan karna chahie. chandra yantra: kundli men yadi chandra ashubh ho, mansik bechaini rahti hai. mata se anaban rahti ho. ratri men thik se nind n ati ho to aisi sthiti men chandi men bana chandra yantra laeket, kachchedudh ganga jal adi se shuddh karke safed dhage men ya chandi ki chen men somvar ko dharan karen. mangal yantra: mangal kharab ho, man ghabrata ho, bhai bahnon se mel-jol n rahta ho, pet ki kharabi adi rahti ho.
chandi men bana mangal yantra shuddh karke manglvar ke din subah ke samay lal dhage men ya chen men dharan karen. budh yantra: kundli men budh kamjor hone ke karan smaran shakti kamjor ho, vani dosh ho, vyapar adi men ghata ho, aisi paristhitiyon men budh yantra laeket chandi men shuddhikaran adi karke hare dhage men budhvar ko subah dharan karna chahie. brihaspati yantra: brihaspati grah yadi ashubh sthiti men ho, parhai likhai men man n lagta ho, dhan ki kami rahti ho; aisi sthiti men brihaspati yantra puja path karke pile dhage men pratahkal ke samay dharan karna chahie. shukra yantra: shukra grah ki pratikulta ke lie is yantra ko dharan kiya jata hai. vaivahik jivan ka sukh n milta ho, prem sanbandh adi men kasht rahta ho to aisi paristhitiyon men shukra yantra chandi men shukravar ke din puja, path karke pratahkal men chandi ki chen ya safed dhage men dharan karna chahie.
shani yantra: shani ki ashubhta ki shanti ke lie yah yantra dharan kiya jata hai. shani ki sarhesati, dhaiyya, mahadsha, antardasha ke samay is yantra ko koi bhi vyakti dharan kar sakta hai. chandi men bana yantra laeket puja karke kale dhage men shanivar sayan kal men dharan karna chahie. rahu yantra: rahu grah ki anukulta ke lie is yantra ko dharan kiya jata hai. yadi pet sanbandhi samasyaen ho, kort, kachhri adi vivad chal raha ho, jivan men utar-charhav adhik rahta ho; aisi paristhitiyon men bhi is yantra ko kale ya nile dhage men shanivar ko puja karke suryast ke bad gale men dharan karna chahie. ketu yantra: is yantra ko ketu grah ki anukulta ke lie dharan kiya jata hai. iske atirikt yadi jivan men sthirta n rahti ho, achanak karya bigrta ho; aisi paristhitiyon men is yantra ki puja, pratishtha adi karke budhvar ke din pratah kal dharan karna chahie. not: jo vyakti yantra ko laeket men dharan n karna chahe to ve yantra ko apne ghar men puja kar ke rakh sakte hain. labh hoga.