hindu dharm jitna vishal hai, uski manyataen aur prakriyaen bhi utni hi gahan aur vistrit hain. hindu dharm vishva ka ekmatra aisa dharm hai jo ki apne pratyek karm, sanskar aur paranpra men purn vaigyanikta samete hue hai. svastik atyant prachin kal se bhartiya sanskriti men mangl-pratik mana jata hai. kisi bhi shubh karya ko karne se pahle svastik chihn ankit karke uska pujan kiya jata hai. svastik shabd su$asa$k se bana hai.
‘su’ ka arth hai ‘achcha’ ya ‘mangl’ karne vala, ‘as’ ka arth hai ‘satta’ ya ‘astitva’ aur ‘ka’ ka arth hai ‘katrta’ ya ‘karne vala’. svastik ka arth ashirvad, mangal punya karya aur sabhi dishaon men sabka kalyan karne vala bhi hai. is prakar svastik shabd men kisi vyakti ya jati vishesh ka nahin, apitu sanpurn vishva ke kalyan ya ‘vasudhaiv kutumbakama’ ki bhavna nihit hai. is prakar svastik kushalakshem aur shubhta ka pratik hai. svastik men ek-dusre ko katti hui do sidhi rekhaen hoti hain, jo age chalakar mur jati hain. iske bad bhi ye rekhaen apne siron par aur thori age ki taraf muri hoti hain, jiska arth hai ki srishti chalayman hai, samay se pare hai.
rigved ki richa men surya ka dusra rup svastik ko mana gaya hai aur iski char bhujaon ko char dishaon ki upma di gai hai. siddhant sar granth men ise vishva-brahmand ka pratik chitra mana gaya hai. svastik ke madhya ko vishnu ki kal nabhi aur charon bhujaon ko brahmaji ke char mukh arthat char vedon ke rup men nirupit kiya gaya hai. svastik ko char yug, char varn, char ashram, char dham evan dharm, arth, kam, moksh ke char pratifal prapt karne vali samajik vyavastha evan dharmik astha ko jivant rakhne vale sanketon se ot-prot mana gaya hai.
manak darshan ke anusar svastik dakshinonmukh (rdanin disha) se aranbh hota hua vamonmukh (uske viprit) ghari ki sui jaisa chalne ka pratik hai. donon dishaon ke sanket svarup svastik stri aur purush ke rup men bhi manya hai. svastik nakaratmak urja samapt karke sakaratmak urja utpann karke grih vastu dosh bhi samapt karta hai. is prakar svastik mahan shubhta ka pratik chihn hai.