jyotish vedang hai. vedon ki rachna svayan brahma ne ki thi. tab se ved shravn-kathan dvara ek se dusre ke pas aur tab se aj hamare pas pahunche hain. is prakar jyotish atyant hi prachin gyan hai jo rishi muniyon dvara hamen prapt hua hai. kuch hajar varsh purva bhrigu, parashar v jaimini adi rishiyon ne ise adhunik parivesh men janmanas ke kalyan ke lie prastut kiya. lekin jaisa hamen gyat hai kisi bhi gyan ki lanbi yatra men parivartan a jata hai evan lanbe samay uprant itna parivartan ho jata hai ki maulikta hi samapt ho jati hai aur arth ka anarth ho jata hai. dubhagyavash aisi hi aitihasikta jyotish ki bhi rahi hai. iske atirikt keval bharat hi is gyan ka kendra raha atah anya sabhi desh v samudayon ne is gyan ko nasht karne ka pura- pura prayas kiya. british samrajya bhi isse akarshit hua v bharat se jate-jate ise bhi mul rup men lekar chala gaya. aj jis jyotish gyan ke itihas ka ham gaurav gan karte hain vah inhin avsheshon ka adhar hai.
hamen nahin malum ki mesh ka svami mangal kyon hai ? surya mesh ke 100 par kyon uchch ka hota hai? kyon ketu ki dasha 7 varsh ki hoti hai? kyon ashvini nakshatra ka svami ketu hai? kyon vinshottari dasha ka prayog hi uttam hai? kyon santan ke lie pancham bhav, vivah ke lie saptam v vyavsay ke lie dasham bhav dekhna chahie. is prakar se jyotish, jiska adhar khagol hai v jiske gavah svayan surya v chandrama hain, uske mul ka gyan bilkul nahin hai. yadi varsha ritu surya ke jal rashi arthat kark men ane se praranbh hoti hai to kyon surya ke agni rashi arthat sinh rashi men adhikatam varsha hoti hai. kyon surya ke punah jal rashi arthat vrishchik v min men hone par varsha nahin hoti? nishkarshatah ek hi bat kahni hai.
jis prakar se purkho se prapt jagir ko marammat ki avashyakta hoti hai usi prakar jyotish ke bhi navinikaran ki avashyakta hai aur sath hi iske mulrup ko punah samjhne v janne ki avashyakta hai. yah n ho ki jise ham apna bhut batakar gaurvanvit mahsus karte hain us par anya koi anusandhan kar nae rup men ayurved ke upar elopaithi ke rup men hamare upar thop de aur ham n chahte hue bhi usi vidya ko apnane ke lie majbur ho jaen. mul rup men ek bat aur jan leni chahie ki is brahmand men gurutvakarshan bal ek matra bal hai jiske karan sabhi tare, grah v pind ek dusre se bandhe hain evan unki gati v kaksha men bilkul bhi antar nahin ata. prithvi ka din rat 24 ghante ka hi hota hai, varsh 365.2422 dinon ka hi hota hai - hajaron varsh purva bhi yahi tha aur hajaron varsh bad bhi yahi hoga.
asman men tare idhr-udhar faile hue se lagte hain lekin pratyek tare ki sthiti ki ganna hajaron varsh purva bhi ki ja sakti hai. atah jo bahut avyavasthit dikhai deta hai vah bhi purva niyojit karyakram ke anusar hi chal raha hai. yahi is jivan ka bhi sach hai. yah jindgi anek moron par (yu-tarna) viprit disha men chalti hui pratit hoti hai lekin sach yah hai ki mor ane the aur jindgi ko mor lena tha. in moron ko purva men hi janne ke lie brahma ne jyotish ko racha tha. yadi ham satik purvanuman nahin kar pa rahe hain to avashyakta hai jarjar jyotish ke navinikaran ki.
yah jan lena ati avashyak hai ki jyotish ka adhar khagol hai, jiska adhar hai gurutvakarshan aur sabhi prani isse purn rup se prabhavit hain atah jyotish hi jivan ke purvanuman ka ek matra vikalp hai. yadi jyotish men shodh kie jaen to ham anekon sanbhavnaon ko purva men jan sakte hain aur chatri ke rup men upay kar bachav kar sakte hain.
jyotish ka sabse bara labh mausam ke purvanuman lagakar kiya ja sakta hai. anekon varsh purva hi barh v sukhe ka anuman lagakar bari hani se bacha ja sakta hai. isi prakar jatak ko kab kaun si bimari ho sakti hai uske anusar bachapan se hi prayas kiya ja sakta hai. do jatkon men samanvay janakar unke vaivahik jivan ko khushhal banaya ja sakta hai. shodh kaise karen: kisi vishay ko vibhinn lekhkon ne kaise prastut kiya, usmen kya bhinnata ya samantaen hain yah jan lena aur unka vivechnatmak vishleshan karte hue apne vicharon sahit pesh kar dena jyotish men shodh nahin hai.
is prakar se kisi bhasha ya sahityik vishay men to shodh ho sakta hai lekin jyotish men nahin. yah vigyan svarup hai evan ismen shodh purnataya vaigyanik adhar par jis prakar se chikitsa vigyan men hota hai- usi tarah se hona chahie. iske lie jis vishay men shodh karna hai us vishay men gyan to prapt karen hi, sath men do samuh men data ekatrit karen. ek samuh jis par anusandhan karna chah rahe hain v dusra shesh samuh. jaise yadi ap shodh karna chahte hain ki jyotish ke kaun se yog jatak ko daektar banate hain to ek samuh men daektaron ke janm vivaran ekatrit karen v dusre samuh men jo daektar nahin hai. fir kampyutar dvara donon samuhon par sabhi gyat yogon ko lagu karen v donon samuhon men un yogon ka pratishat janne ki koshish karen. daektar ke yogon ka pratishat dusre samuh ki apeksha men daektar vale samuh men adhik ubhar kar ana chahie.
yadi aisa nahin hai to kah sakte hain ki yah yog lagu nahin hai. anya nae yogon ko bhi khojakar nikal sakte hain. kaun sa yog satik falakathan men saksham hai bata dena hi shodh hai. is ganna ko ek pustak ke rup men preshit kar daektaret ki digri prapt karen. asha hai is prakar prakashit kie anek shodh fal kathan men satikta ka bodh karaenge. jyotish men shodh ka praman-patra dene ke lie fyuchar paeint v akhil bhartiya jyotish sanstha sangh ne yujisi se manyata prapt rajasthan sthit mevar vishvavidyalay se karar kiya hai jiske tahat sangh ichchuk vidyarthiyon ko anusandhan karane men madad karega v mevar vishvavidyalay un shodhon ko parakh kar daktaret ki upadhi ke rup men digri pradan karega.
ap bhi is sahbhagita ka labh utha sakte hain. fyuchar paeint v sangh apko apne chaynit vishay sanbandhit anusandhan hetu kampyutar program adi dvara sahayta karne ke lie vachanabaddh hai. yadi ap kisi bhi vishay se em.e. hain aur yujisi niyamanusar apke 55 pratishat se adhik ank hanai to pravesh pariksha dekar piech.di. men pravesh le sakte hain. is prakar ap yujisi se manyata prapt daektaret ki upadhi to prapt karenge hi, jyotish men apke shodh ka anshdan jyotish ke nav nirman men mil ka patthar sabit hoga. is digri ke adhar par ap kisi bhi vishvavidyalay men profesar ke pad hetu avedan karne men saksham honge.
yadi ap keval snatak hain ya em. e. men 55 pratishat se kam ank hain to ap pdajamahatanjamak chinkn men namankan karva kar pravesh le sakte hain jismen pahle em. e. karni hogi aur sath men hi piech.di. bhi kar paenge. gair snatak vidyarthi bhi jyotish men snatak ki digri prapt kar sakte hain.