is alekh ka mukhya uddeshya yah hai ki ham navvivahit danpattiyon ko apni bhavi santan ke bhavishya ko samjhne ke lie kuch sutra de saken aur ve apni santan ke saubhagya ke lie unhen unke anukul v shreshth samay men sansar men la saken. ajakal jyadatar log bachche ke janm ke samay jyotishi ke pas jakar puchte hain ki garbhadhan ke lie shreshth samay kaun sa hoga v apreshan dvara bachche ke janm ka shreshth samay kaun sa hai? ismen ham sirf lagn nirdharit kar sakte hain. lekin yadi garbhadhan ke samay hi hamen ane vale bachche ke janm samay ke grahon ki sthiti ka pata ho to apne bachche ke janm ka aur achcha samay nirdharit kiya ja sakta hain. 15 aktubar 2013 se 15 janvri 2014 ke bich shreshth garbhadhan muhurt mana ja sakta hai kyonki is samay garbh dharan kiye jane se shishu ka janm shani aur guru ke uchch hone ke samay hoga jis karan bachcha vishesh guni v bhagyashali hoga. 59 varshon bad guru v shani donon grahon ka uchcharashi men gochar ho raha hai. 19 jun 2014 ko guru aur shani uchch rashi men honge aur 03 navanbar 2014 tak uchcharashi men hi rahenge jabki 3 navanbar se shani vrishchik rashi men pravesh karenge.
is shubh yog ka nirman 59 varshon ke bad ho raha hai. 15 aktubar 2013 se 15 janvri 2014 ke bich shreshth garbhadhan muhurt mana ja sakta hai kyonki is samay garbh dharan kiye jane se shishu ka janm shani aur guru ke uchch hone ke samay hoga jis karan bachcha vishesh guni v bhagyashali hoga. janmakundli ke bal ka vishleshan karne ke lie guru aur shani ki bhumika ati mahatvapurn hoti hai. guru grah se sanbhavnaon tatha shani se saflta prapti ke apke janmajat gunon ka sanket milta hai. shani jivan men ek bahut avashyak bhumika ada karta hai kyonki yah hamen yatharthavadi banata hai aur ham par ankush lagakar yatharth ko pakde rakhne ki salah deta hai. shani yah chahta hai ki ham vastusthitiyon ko vastavikta, yatharthavadita aur jimmedarana drishtikon se parkhen v samjhen. jivan ke har kshetra aur samay par apna sarvadhik prabhav rakhne vale in grahon ka sanyukt prabhav jab kundli ke kisi bhav vishesh par padta hai to us samay shubh dasha/ gochar men is bhav se sanbandhit labhdayak parinam prapt hote hain aur yadi ye donon grah gochar men uchch rashi ke hon to us samay yah sanyukt prabhav kitna prabhavkari ho sakta hai iska anuman sahaj hi lagaya ja sakta hai.
inke uchch hone par yah sanyukt prabhav kark rashi par hoga jiske karan yah kaha ja sakta hai ki logon ke lie yah samay hoga atmachintan ka, man ki komal bhavnaon v sanvednaon ko samjhne ka, manvta ke khoe mulyon ke punasrthapan ka v man aur matribhumi ke gaurav men shraddha utpann karne ka. guru v shani inhin do grahon ki janmakundli men sthiti, dasha v gochar sabhi ko atyadhik prabhavit karta hai. guru grah ko gunon ki khan mana jata hai. yah gyan aur bhagya ka prakritik grah hai. jyotish men ise dhan aur santan ka karak bhi mana jata hai. guru ko satogun pradhan shubh grah mana jata hai aur shreshth bhav sthit bali brihaspati ke prabhav se jatak vishesh bhagyashali hote hain. guru ki solah varsh ki dasha hoti hai islie ek rashi men lagabhag terah mahinon ka gochar hota hai. guru ki sthiti se jatak ke vichar, dhan, yogyata, gun v dharmik mahatvakankshaon ke bare men achcha anuman lagaya ja sakta hai aur shani ki sthiti, unnis varsh ki dasha v ek rashi par dhai varsh ke gochar, sadhesati adi se guru janit sanbhavnaon ki purti v yatharth men saflta milne ki pushti ki ja sakti hai. guru aur shani ki janmakalin sthiti yadi shubh hai aur unki dasha v gochar sahi hai to bachche ke janm ke samay hi uske jivan ki saflta ke bare men bilkul sahi akalan kiya ja sakta hai. donon grahon ki apni uchch rashi men sthiti aur unke sath budh, mangal, rahu adi bhi shubh bhavon men hon to sone par suhaga vali sthiti ho jati hai.
ab ham un vyaktiyon ki janmapatriyon par najar dalenge jinka janm 59 varsh purva ya fir 118 varsh purva hua tha jab guru aur shani apni uchch rashi men the aur dekhenge ki unhonne apne jivan men kya upalabdhiyan hasil kin.
morarji desai jane mane svatantrata senani v bharat ke chaithe pradhanmantri morarji desai ki janmakundli sankhya 1 men shani, guru v mangal uchch rashisth hain aur chandrama bhi purn bali hai. shani bhagyesh hokar navam se navam yani pancham bhav men uchch ke hokar sthit hain. pancham bhav ke karak guru bhi uchch rashisth hain. aisa grah yog purva janmarjit punya ka sanket deta hai. guru aur shani dvara nirmit saubhagyashali yogon ke falasvarup hi morarji desai pradhanmantri ke pad par asin ho sake.
uchch nyayalay ke nyayadhish uchch nyayalay ke is nyayadhish ki kundli nan. 2 men kanya lagn hai. dashmesh v lagnesh budh ki nyay ke karak uchch rashisth shani se yuti tatha uchch ke brihaspati ki pancham bhav v purnima ke chandra par purn drishti ke karan yah safal nyayadhish bane. shani ki guru par drishti bhi nyayadhish ke lie shubh hoti hai.
vi. pi. garg kundli nan. 3 hamare mitra da. vi.pigarg ki hai jo peshe se em.di. daktar hain. ap atyant mridu bhashi, susanskrit evan uchch vicharan ke vyakti hain. daktar hone ke sath-sath apki ayurved, yog, prakritik chikitsa adi men bhi gahan ruchi hai, apki patni bhi daektar hain. inki kundli ke labh sthan men uchch brihaspati tatha svagrihi chandrama hone se inki anya paranprik chikitsa paddhatiyon men gahan ruchi bani, uchch shani tatha lagnesh budh ke lagn men hi hone se yah mridu bhashi nyay priya imandar pravritti ke vyakti hain tatha inke jivan men dhan, man-samman adi shubh gunon ka samavesh hai.
medha patakar kundli nan. 4 ki jatak ek prasiddh paryavrnvid hain, inhonne nadiyon par banne vale bade bandhon se paryavaran ki raksha ke lie badi nishtha se andolan kiya, iske lie inhonne kai bar anashan kiya. jyotishiya drishti se karmasthan men svagrihi shukra ke sath uchch shani ki yuti ne inhen dridh nishchayi v parokar ke karyon ke prati perarit kiya, uchch guru tatha chandrama ek-dusre se kendra men hone se vishesh samajik man-pratishtha bhi dilai.
rekha kundli nan. 5 prasiddh film abhinetri rekha ki hai, inhonne film jagat men apne sundar abhinay ke dvara logon ka dhyan apni or akarshit kiya, jisse aj bhi log inke divane bane hue hain. inki kundli men parakram bhav ka svami shani apni uchch rashi men karmesh budh ke sath ek shubh yuti bana raha hai. jiske falasvarup inko apne prayas se karyakshetra men vishesh man, pratishtha, dhan, yash ki prapti hui tatha lagnesh uchch brihaspati ki labhesh shukra par purn drishti hone se tatha bhagyesh surya ki navmansh kundli men kark rashi men shukra ke sath yuti hone se inhen film jagat men abhinay ke kshetra men vishesh saflta ki prapti hui.
prabha kundli nan. 6 ki jatika amerika ke nyuyark shahar men rahti hain aur atyant sukhi jivan bita rahi hain. pahle to ghar men grihini ke rup men hi karya kar rahi thin parantu guru ki dasha men ek skul men yog sikhane ka kam shuru kar diya aur shani ki dasha lagte hi riyal estet ke karya men a gain aur inhen usmen bahut saflta mili inki kundli men chaturthesh budh jo kundli men bhumi sanp ka pratinidhi grah hai vah trikon bhav men bhagyesh uchch balvan shani grah ke sath ek vishisht shubh yuti labh yog bana raha hai, jiske prabhav se inhonne jivan men riyal estet vyavsay ke kshetra men bahut badi kamyabi pai. dashmesh brihaspati dhan sthan men apni uchch rashi men hone se inhen apne karya kshetra ke madhyam se samaj men man-pratishtha, dhan-yash ki prapti hui. uprokt charcha se yah anuman sahaj hi lagaya ja sakta hai ki in donon grahon ka vishesh bali hona mahatvapurn hai.
19 jun 2014 se 3 navanbar 2014 tak guru v shani donon uchch rashi men rahenge. is shubh yog ka nirman 59 varshon ke bad ho raha hai. atah is shubh samay par janme bachche vishesh bhagyashali honge. hamare is lekh ka mukhya uddeshya yah hai ki ham navvivahit danpattiyon ko apni bhavi santan ke bhavishya ko samjhne ke lie kuch sutra de saken aur ve apni santan ke saubhagya ke lie unhen unke anukul v shreshth samay men sansar men la saken. ajakal jyadatar log bachche ke janm ke samay jyotishi ke pas jakar puchte hain ki garbhadhan ke lie shreshth samay kaun sa hoga v apreshan dvara bachche ke janm ka shreshth samay kaun sa hai? ismen ham sirf lagn nirdharit kar sakte hain. lekin yadi garbhadhan ke samay hi hamen ane vale bachche ke janm samay ke grahon ki sthiti ka pata ho to apne bachche ke janm ka achcha samay nirdharit kiya ja sakta hai. 15 aktubar 2013 se 15 janvri 2014 ke bich shreshth garbhadhan muhurt mana ja sakta hai kyonki is samay garbh dharan kiye jane se shishu ka janm shani aur guru ke uchch hone ke samay hoga jis karan bachcha vishesh guni v bhagyashali hoga. is shubh grah sthiti men janme bachchon ke jivan par inka kya shubh prabhav hoga iska vishleshan ham is lekh ke madhyam se kar rahe hain. 2014 men jun se aktubar tak ki gochar men grahon ki sthitiyon ka kram se varnan is prakar hai.
jun is mah men 19 jun se guru aur shani apni uchch rashi men rahenge tatha iske atirikt shukra evan budh bhi apni svarashiyon par hone se yah ek ati shubh grah sthiti banegi is shubh grah sthiti ke prabhav se is mah men janme bachche buddhiman, dhanvan v shubh sanskaron se yukt honge. ajivika v vyavsay ki drishti se bhi karya kshetra men niji vyavsay men saflta athva uchchadhikari banne ki sanbhavna banegi. julai julai mas men guru shani ke uchchasth hone ke alava rahu grah, apni svarashi (mul trikon rashi) men gochar karenge tatha svagrihi budh ke sath shukra budh ki yuti bhi shubh yog pradan karegi, aise yogon men janme shishuon ke jivan men dhan, man-samman ki prapti hogi. is mah ke uttararddh men uchch shani ke sath mangal ki bhi yuti rahegi. brihaspati ke sath surya ki yuti bhi banegi jiske prabhav se is mah men janme bachchon ke jivan men mishrit sanskar rahenge. aise bachche bade hokar rajniti aur dhatu sanbandhi vyapar se judenge. agast agast mah men uchch guru ke sath shukra grah ki yuti tatha shani ke sath mangal ki yuti aur uttararddh men svagrahi surya ke sath budh ki yuti hone se aise yogon men janm lene vale bachche kala ke kshetra men vishisht sthan bana sakte hain.
dharmik bhavnaon ka samavesh rahega tatha sarkari v uchch rajkiya kshetra, shiksha, rajniti, vyavsay ke kshetra men unnati pradayak yog banange. dvigrahi yog vishesh shubh rahega. sitanbar sitanbar mah ke uttararddh men shani ke sath budh ki yuti, svarashi ke mangal, uchch ke guru tatha kanya men surya, shukra aur rahu ke hone se is gochriya sthiti man janme shishuon ke lie dhan, ajivika, vyavsay, man pratishtha adi ki drishti se atyant shubh sthiti rahegi. rajniti, svayan ka vyavsay athva uchch naukri ki prapti saflta ke lie grah sthiti shubh rahegi parantu nich rashisth shukra ke sath rahu v surya do pap grahon ki yuti hone se agami bhavishya men vaivahik sukh saubhagya ki drishti se grah sthiti men nyunta rahegi. aktubar aktubar mah men guru kark, mangal vrishchik, rahu-budh kanya tatha shani-surya-shukra tula rashi men gochar karenge. is mah men janme bachchon ke lie dhan, pad, pratishtha, ayu evan arogya ki drishti se ati shubh rahega par nichasth surya hone se praranbh men kuch sangharsh ke bad jivan men achchi unnati v labh ke yog banenge. uchch shiksha, shodh evan gair sarkari kshetra men achchi saflta milegi.