faldipika granth ke anusar:- duahsthanabhashtamaripu vyaybhavbhahuah susthanamanya bhavan shubhdan pradishtam. (a. 1.17) arthat ‘‘janmakundali ke 6,8,12 bhavon ko dushtasthan aur anya bhavon ko susthan kahte hain.’’ anya bhavon men kendra (1,4,7,10) tatha trikon (5,9) bhav vishesh shubhkari mane gaye hain. in bhavon me sthit rashiyon ke svami grah jatak ko jivan men sukh-samriddhi pradan karte hain. in shubh bhavon ke svamiyon ki shubh bhavon men yuti athva sambandh hone par ‘rajyog’ ka nirman hota hai, jiske falasvarup vyakti apne purusharth dvara pragti aur sukh-samriddhi ka upbhog kar santosh prapt karta hai. kendra v trikon ke svamiyon ki paraspar drishti, yuti v sthan parivartan se uttam rajyog ka nirman hota hai.
shashtam bhav ki ashubhta rog, chot, rin aur shatru ke karan sukhon ko kam karti hai. ashtam bhav ki ashubhta jatak ki kshin ayu/ svasthya, vaivahik sukh ki kami tatha anya kathinaiyon ke karan sukhon men kami karti hai. dvadash bhav ki ashubhta sabhi prakar ke sukh, vaibhav, dhan tatha shaiyya sukh ka nash karti hai. shashtham, ashtam v dvadash bhavon ko ‘trik’ bhav ki sangya di gai hai. inmen se ashtam bhav ko sarvadhik ashubh aur dvadash bhav sabse kam ashubh mana gaya hai. ‘bhavat bhavam’ ke siddhant anusar shashth se shashth ekadash bhav, tatha ashtam bhav se ashtam tritiya bhav ko kuch kam ashubh mana gaya hai. parantu trik bhavon (6, 8 v 12) ki ek visheshta bhi hai.
in bhavon ke svami apne hi bhav men, ya inmen se kisi bhav men, sthit hokar bina parishram ke (letri, satta, jua, gade dhan, vasiyat adi dvara) rajyeag se bhi adhik dhan-samriddhi v yash pradan karte hain. is sthiti ko ‘viprit rajyog’ ki sangya di gai hai. kundali men viprit rajyog banane vale grahon ki dasha-bhukti ke samay rajyog se kai guna adhik labh v samriddhi vyakti ko milti hai. acharya kalidas ne apne granth ‘uttar kalamrit’ (a.4.22) men viprit rajyog ke sandarbh men kaha hai: randhresho vyayashashthago ripuptau randhrevyaye v sthite riahfesho'pi tathaiv randhraripubhe yasyasti tasminvadet. anyonyakrshagata nirikshan yutashchanyair yuktekshita jato'sau nriptiah prashast vibhvo rajadhirajeshvarah.. arthat ‘‘ ashtamesh yadi vyay ya shashth men ho, shashthesh yadi ashtam athva vyay men ho, vyayesh yadi shashth athva ashtam bhav men ho, aur in nesht bhavon ke svamiyon ki yuti, drishti athva vyatyay dvara paraspar sambandh bhi ho, parantu anya kisi grah se yuti athva drishti sambandh n ho, to jatak vaibhvshali rajrajeshvar saman hota hai.
’’ aisa shuddh ‘viprit rajyog’ bahut kam kundaliyon men milta hai, atah labh bhi usi anupat me njatak ko milta hai. acharya mantreshvar ne apne granth ‘fal dipika’ men ‘shashthesh’ ki 6,8,12 bhav men sthiti ko ‘harsh yog’ (a.6.62) ka nam diya hai. aisa vyakti sukhi, bhagyashali, svasth, shatruhanta, yashasvi, uchch mitron vala aur putravan hota hai. ashtamesh ki aisi sthiti se ‘saral yog’ (a.6.65) banta hai. aisa vyakti dridh buddhi, dirghayu, nirbhay, vidvan, putra v dhan se yukt, shatru vijeta, safal aur vikhyat hota hai. dvadshesh ki aisi sthiti hone par ‘vimlyog’ (a.6.69) banta hai. aisa vyakti dhani, kam kharch karne vala, svatantra, shreshth, guni aur prasidva hota hai. janm lagn ke sath-sath chandra rashi se bhi ‘viprit rajyog’ ka akalan karna chahie. dono lagnon se bane viprit rajyog ke fal purn rup se milte hain. ‘viprit rajyog’ banane vale grah kam ansho par , durbal hone, tatha un par dushprabhav ke anupat men adhikadhik shubh fal dete hain. parantu shaktishali papi grah ke ashubh bhav men sthit hone par jatak ki hani karte hain.
jyotishiya tathyon ke gudh adhyayan se yah nishkarsh niklta hai ki jatak ki janm kundali men sthit ‘rajyog’ uske purvajanm ke achche karmon ka fal hota hai, jabki ‘viprit rajyog’ purva janm men achche karya, parishram evan tatkalik samajik achar sanhita ke palan ke bavjud pidit rahne vale jatak ki is janm ki kundali men paye jate hain. vah purva janm men jin logon dvara sataya gaya tha unhin logon ki or se is janm men uske vartaman karmon ka kai guna adhik fal dene ka karya ‘viprit rajyog’ karte hain. is janm men viprit rajyog ke karan jatak ko atyadhik labh hota hai. parantu purva sanskar-vash uski niyati parmarthik ho jati hai jisse mrityoprant uski khyati kafi samay tak rahti hai. svabhavik jigyasa hoti hai ki shashth aur ashtam dusht bhavon ke svami kis prakar ‘viprit rajyog’ banakar jatak ko labh pahunchate hain.
yah karya pranali is prakar hai lagn bhav jatak ko darshata hai aur saptam bhav us vyakti ko jisse vah sambandh rakhta hai. shashth bhav saptam se dvadash (vyay) bhav hai, tatha ashtam bhav saptam se dvitiya (dhan) bhav hai. sambandhi vyakti ke 2 v 12 bhavon ka vinimay uski hani karta hai. aur uska labh jatak ko milta hai. udahrnarth, jab jatak ki shashth v ashtam bhaveshon ki dasha-bhukti chalti hai us samay par koi vyakti kisi majburi se apni proparti kam mulya men jatak ko bech deta hai. kuch samay bad uski kimat atyadhik unchi ho jati hai aur jatak use bech kar bahut adhik labh kama leta hai.
chathe aur athven bhav ke svami papi grah hon, aur un par jitna pap prabhav heaga, utna hi adhik shubh fal prapt hoga. janm kundali men ‘viprit rajyog’ ka utkrisht udaharan purva pradhanmantri shri chandrashkhar ki kundali men milta hai. mesh lagn ki is kundali men anya shubh yog ke atirikt, tritiya v shashth bhavon ka svami budh dvadash bhav men sthit hai. ashtam bhav ka svami mangal tritiya (ashtam se ashtama) bhav men rahu ke sath sthit hai. ekadash (shashtam se shashtam ) bhav ka svami shani ashtam bhav men hai. dvadash bhav ka svami ekadash bhav men hai. is prakar 6,8,12 bhav ke svami anya ashubh sthanon men hain. kisi badi parti ka neta n hone par bhi unhen dhan, man, samman, saflta evan bhautik sukh sadhan prapt hue, aur thode samay ke lie ve pradhanmantri ke pad par bhi asin rahe.