rahu-ketu kundli men ek dusre se 1800 ki duri par (thik viprit rashi men) sthit hote hain. anya papi grahon ki tarah ye 3, 6, 11 bhav men shubh fal dete hain, aur anya bhavon men apni sthiti v drishti dvara unke karakatva ko hani pahunchate hanai. yah sadaiv vakri gati se rashi chakra men bhraman karte hain. satvin drishti ke atirikt (brihaspati ki tarh) yah apni sthiti se pancham aur navam bhav par purn drishti dalte hain.
rahu-ketu ke shubhashubh fal ke bare men ‘laghuparashri’ granth men bataya gaya hai. yadyadbhavgtau vapi yadyadbhavesh sanyutau. tattatfalani prablo pradishetan tamo grahau.. (sangyadhyay, shlok/13) arthat ‘‘rahu aur ketu jis bhav men sthit hon ya jis bhav ke svami ke sath baithe hon, unhin se sanbandhit vishesh fal dete hain.’ brihat parashar hora shastra (a. 36.17) ke anusar yadi rahu-ketu kendra ya trikon men us bhavesh ke sath ho ya usse drisht ho to vah rajyogkarak jaisa fal dete hain.
rahu-ketu ki anya bhavon ki apeksha pratham (lagna) aur saptam bhav men sthiti param ashubh faldai hoti hai. kuch jyotirvid rahu ki lagn men aur ketu ki satven bhav men sthiti ko ‘ananta’ namak kalasarp yog, aur rahu ki satven bhav men v ketu ki lagn men sthiti ko ‘takshaka’ namak ‘kalasarp yog’ ki sangya dete hain. vastav men vibhinn bhayanak sarpon ke nam ke kalasarp yog rahu-ketu ki apni bhav-sthiti ka hi fal dete hain. dakshin bharat ke vishvavikhyat jyotishacharya da. bi. vi. raman ne apni pustak ‘300 mahatvapurn yog’’ men spasht kiya hai ki ‘‘kisi bhi prachin jyotish granth men ‘kalasarpa’ yog ka varnan nahin hai.
yah kab aur kaise prachlit hua kuch pata nahin hai.’’ kuch anya jyotishacharya rahu-ketu ki lagna-saptam sthit ko ‘pitri dosh’ bhi kahte hain aur haridvar athva trayambakeshvar adi tirthon men shanti pujaen karvate hain. sath hi in doshon ke nivaran hetu mahange ‘kavch’ bhi pahnate hain. parantu kharch ke anupat men labh nahin milta. lagn ka rahu jatak ko rogi, alpayu, dhani, krodhi, kukarmi aur vyarth bolne vala banata hai. saptam ka rahu jatak ko alpabuddhi, virya-dosh se pirit aur sahyogiyon se algav deta hai. patni dhan ka nash karti hai.
anya papi grahon se yukt hone par patni dusht svabhav aur kutil hoti hai. lagn ka ketu vat rog se pira, durjanon ki sangti, dhan ki kami, stri v putra ki chinta aur vyakulta deta hai. saptam ka ketu dhan ka nash, apman, antane aur mutra ki bimari, stri se viyog tatha vyagrata deta hai. lagn pirit hone par vyakti ka sara jivan kashtamay rahta hai. rahu-ketu ke lagn v saptam tatha viprit sthiti ka dushprabhav nimn kundliyon dvara bhali prakar samjha ja sakta hai.
donon hi sthiti men rahu v ketu apne dushprabhav se lagn, pancham, saptam, navam, tritiya v ekadash bhav ke fal ki hani karte hain jisse svasthya, vidya, buddhi, santan, danpatya sukh, pita, dharma; purusharth aur labh ki hani hoti hai. in bhavon ke pirit hone par vyakti ka jivan nirashapurn v dukhi rahta hai. rahu v ketu papdrisht athva nich rashi men sthit hone par adhik aur uchchasth athva shubh drisht hone par kam dushprabhavi hote hain.
is bahumukhi hanikarak prabhav ke karan kuch jyotishiyon ne ise ‘lajjit dosh’ kahna aranbh kar diya hai, jo bhavishya men ‘kalasarp yog’ aur ‘pitridosh’ ki tarah prasiddhi pa sakta hai. apna prarabdh bhogta vyakti jyotishiyon ke margadarshan men apni mehanat ki kamai vibhinn upayon par kharch karta hai. parantu jyotish (ishvariya jyoti) keval manushya ke prarabdh (bhagya) ko darshati hai, bhagya nahin badlti. prarabdh to bhogakar hi katta hai.
shastrokt mantrajap, havan, v dan dvara kashton ko sahnshil hi banaya ja sakta hai. brihat parashar hora shastra (adhyay 2) ke anusar jiv ke prarabdh (shubh/ashubh karmafala) ko falibhut karne ke lie janardan (ishvar) grah rup men kundli ke shubh/ashubh bhavon men sthit hokar unki dasha-bhukti men achcha ya bura fal dete hain.
gosvami tulsidas ji ne shri ramchritmanas men is tathya ka is prakar nirupan kiya haiah- prarabdh pahle racha pache racha sharir. tulsi chinta kyon karen bhajle shri raghuvir.. arthat, ‘prarabdh ko sarlta se katne ke liye ishvar aradhna hi ek matra upay hai.’’ maharshi parashar ne apne granth ‘brihat parashar hora shastra’ (adhyay 66, shlok 26) men bataya hai: yasya yashch duahsthah s tan yatnen pujyet. eshan dhanna varodattah ‘pujitaah pujbhishyath’.. arthat, ‘‘jab koi grah (dasha, bhukti ya gochar men) kashtakari ho to uski yathashakti puja (mantra jap v havan, tatha grah ki vastu ka dan) karna chahie, kyonki brahmaji ne grahon ko vardan diya hai
ki jo tumhari puja kare uska bhala karo.’’ purn shraddha aur vishvas se vidhipurvak svayan kiya upay kashton ko asan banata hai, jaise svayan bhojan karne par hi bhukh shant hoti hai. grah ke mantrajap, havan aur dan ko prayashchit svarup manakar vyakti ke sankalp aur prayas men drirhta ati hai. rahu-ketu ki puja ka vidhan is prakar hai.
chaitra, paush aur adhikmas ko chorakar kisi anya mah ke shukla paksh ke pratham shanivar se aranbh kar 18 shanivar ko karna chahie. vrat ke din pratah snan karke surya ko aghrya dena chahie. uske bad kale rang ke vastra dharan kar kanbal ke asan par baithakar rudraksh ki mala se rahu ke lie ‘‘un bhran bhrin bhraun sah rahve namah’’ ki aur ketu ke lie ‘‘un sran srin sraun sah ketve namah’’ ki 11 ya 5 mala ek din men jap karen. rahu mantra ke jap ke samay ek patra men jal aur durva tatha ketu mantra jap ke samay jal mane kush dalakar apne pas rakhna chahie.
us din ka jap pura hone par use pipal ki jar men charha den. din mane ek samay mithi roti ya churma athva kale til se bana bina namak ka bhojan karna chahie. suryast ke bad ek sarson ke tel ka dipak pipal ke vriksh ki jar ke samip jalana chahie. jap-anushthan ki samapti par jap-sankhya ke ‘dashansh’ ka havan karna chahie. ‘matsya puran’ ke anusar havan men grah sanbandhi samidha ka avashya prayog karna chahiye. rahu ke lie ‘durva’ aur ketu ke lie ‘kusha’ ko am ki samidha ke sath milakar havan men prayog karen. anushthan ke samay subh-sham loban ki dhuni ghar men ghumana chahie. havan ke bad yathashakti brahman bhojan karakar unhen grah sanbandhi vastuon ka dan dena chahie. dan ki vastuen is prakar hain:-
rahu ki vastuen: satnaja, kanbal, til se bhara lauh patra, urad, sarson, nariyal, tel, nila vastra v sisa.
ketu ki vastuen: kanbal, uni vastra, bakra, satnaja v urad. ant men dakshina dekar unka ashirvad prapt kar vida karna chahie. is prakar rahu-ketu ki puja anushthan se kashton ka shaman hokar samman prapt hota hai. anushthan ke uprant rahu ke lie korhiyon ko sarson ke tel se bani sukhi sabji aur roti (visheshakar amavasya v shanivar ko) khilana chahie. ketu ke lie gali ke kutte ko (visheshakar budhvar ko) dudh roti khilana chahie. isse jivan ki kathinaiyan saral hoti jati hain. lekhak ke sangyan men ain kuch kundliyan is prakar hain.
gandmul ka janm hai. jatika akarshak aur buddhimti hai. drishti kamjor hai. tichar hai. pyar shadi men parinat n hone se dukhi hai. lagn men rahu, saptam men ketu hai. 15-11-2011 se sarhesati chal rahi hai. shukra men shani ki bhukti 2-6-11 se 20-8-2014 tak chali jo mangal ke sath dvadash bhav men hai. jatak ki kisi se nahin banti. videsh men parhai adhi chorakar vapis a gaya tha. ab fir jana chahta hai. man dukhi hai. pita inse alag hain.
chandrama ki dasha 24/8/2012 se chal rahi hai. 3/11/2014 se sarhesati bhi shuru ho jaegi. shadi nahin hui hai. ketu lagn men aur rahu saptam bhav men hai. mangal dvadash men svakshetri hai. akeli santan hai. jatak amerika men em. es karke naukri dhunrh raha hai. kuch mansik asthirta hai. svasthya bhi thik nahin hai. mata-pita uske karan chintit hain. ketu dasha 2/12/2007 se chal rahi hai. 3-11-2014 tak shani ki chaturth dhaiya hai.
gandmul janm hai. ketu lagn men aur rahu v shani brihaspati ke sath saptam men hanai. bahut svarthi hai. prem prasang tut gaya hai. vivah nahin hua hai. naukri men pareshani chal rahi hai. surya, chandrama aur mangal nichasth hai. surya ki dasha 12-1-15 tak hai. fir chandrama aur mangal ki dasha ayegi. 15-11-2011 se sarhesati bhi chal rahi hai.