hriday sharir ka vah ang hota hai, jahan shuddh evan ashuddh donon hi tarah ke rakt pahunchte hain evan vahan se pure sharir men pahunchaye jate hain, jo sharir ki khurak hoti hai. jyotish men kal purush ke angon men char ank ki rashi kark ko hriday ka sthan mana jata hai evan vahin panch ank ki rashi sinh hriday ka suchak mani jati hai. atah jahan bhi hriday ki bat uthegi, vahan kark evan sinh rashi, chandra evan surya grah ki bat avashya hi uthegi. in char angon ke sath-sath kisi bhi vyakti ki kundli men chaturth bhav, pancham bhav, chaturth evan pancham ke svami agar ashubh grahon ki drishti, ya sath ki vajah se dushit hote hai, to hriday men rog ho sakta hai.
tej chalne vale grahon se dushit hone par rog ke jaldi thik hone, ya fir halke prabhav ki ummid ki ja sakti hai aur dhimi gati se chalne vale grahon ke prabhav se rog ki miyad lanbi hogi. jyotish men rahu, ketu, shani, guru dhimi gati vale grah hain. mangal, surya, chandra, budh, shukra tej gati vale hain. hriday ka mukhya kam khun ka sanchar karna hai evan khun ek jaliya padarth hai.
atah iska sanbandh jaliya rashi kark, vrishchik evan min se bana rahega. rahu-ketu ka prabhav achanak hota hai evan shani ka dhire-dhire. mangal bhi ekaek prabhav dalta hai. in grahon ke atirikt ek aur grah hai, jiski jankari kam logon ko hoti hai. yah hriday rog evan dil ka daura padne ke lie prabal jimmedar hota hai. yah grah hai yurenas. yah bhi kisi kam ka anjam ekaek deta hai.
kal purush ke angon men isko 11 ank ki rashi kunbh mili hai. hriday aghat evan hriday gati avruddh karne men hriday ko sinh rashi ke adhin rakha gaya hai. atah usse satvin kunbh rashi yurenas ko di gayi hai. iske piche dusri bat yah bhi hai ki yurenas ‘sentral narvas sistama’ (mukhya snayu tantra) ka suchak hai, jiski vajah se dimag ke tej evan anusandhan karne vale log iske prabhav men rahte hain. atah jab bhi yurenas kisi vyakti ki kundli men pancham, ya ekadash bhav men ho, ya sinh, ya kunbh rashi par ho evan ashbh grahon ke prabhav se dushit ho raha ho, to yah hriday rog, ya hriday gatirodh ka karan ho sakta hai.
shani ki makar evan kunbh donon hi rashiyan hain evan ye donon rashiyan kark rashi evan sinh rashi se saptam rashi hoti hai. atah shani bhi hriday rog ke lie jimmedar samjha jane vala grah hai. par kyonki shani ki kriya pranali dhire-dhire chalti hai, atah yah ekaek rog ko anjam dene vala grah nahin hota, balki dhire-dhire rog ko anjam deta hai. shani evan budh donon hi nas ke karak mane jate hain, atah shani mukhya rup se dhamni ke ched ko sankra bana kar rog ko anjam deta hai. isi grah ke prabhav men dhamni dhire-dhire sankri hoti chali jati hai evan ek samay aisa a jata hai
ki ched band ho jata hai, jisse rakt ka pravah ruk jata hai evan isi sthiti ko dil ka daura padna kaha jata hai. yahan par sabse ashcharya ki bat yah hoti hai ki shani agar rakt ke marg ke pravah men avrodh paida karta hai, to chinta ki bat nahin, kyonki shani ko ashubh grah ke nam se jana jata hai evan ise mrityukarak grah ke rup men dekha jata hai. par ashcharya to us samay hota hai, jab is kam men dev guru evan shubh grah samjhe jane vale brihaspati ka sahyog prapt hota hai.
khun men kolestrol ki matra badhne par vah rakt nalika ke kinaron par chipkna shuru kar deta hai evan dhire-dhire khun ke pravah ke raste men avrodh paida kar deta hai. kolestrol jyada charbiyukt bhojan ke prabhav se badhta hai evan charbi ka karak brihaspati hota hai. atah kisi vyakti ki kundli men hriday rog ke lie jimmedar rashi kark, sinh, vrishchik, min, makar, kunbh, inke adhipti chandra, surya, mangal, yurenas, guru, shani ke alava rahu, ketu honge. isi tarah se kundli ke chaturth evan pancham bhav evan inke svami grah, inmen se jyada se jyada grah evan bhav men rashi dushit hogi, to hriday rog ki sanbhavna se inkar nahin kiya ja sakta. iske alava kuch yog bhi mukhya granthon men diye gaye hain, jinke adhar par hriday rog ki sanbhavna batayi ja sakti hai.
1- chandrama janm samay men kunbh rashi par ho, to hriday ka rog ho sakta hai.
2- kuch mukhya granthon ki ray men janm lagn se dvitiya dreshkaen ke pancham evan navam bhav ashubh grahon se pidit hon, to hriday rog ki sanbhavna badh jati hai, kyonki dvitiya dreshken ke pancham bhav se hriday ke dayen bhag evan navam bhav se hriday ke bayen bhag ka bodh hota hai.
3- sinh lagn ho evan lagn nakshatra (chandra nakshatra nahin) ketu ho, to hriday rog ki sanbhavna adhik hoti hai. vaise kyonki sinh rashi hriday ki karak mani jati hai, atah is rashi men kuch khas anshon par janm lene par hriday rog ki sanbhavna adhik hi rahti hai. ye ansh hain:
(ka) 00-00-00 se 00 46-40
(kha) 30-40-00 se 40 46-40
(ga) 40 46-40 se 50 33-20
(gha) 90 20-00 se 110 26-40
(d.) 110 26-40 se 130 20-00
(cha) 150 33-20 se 160 13-20
(cha) 290 13-20 se 300 00-00 4- sinh lagn ki kundli ho evan lagn mangal evan shani ke prabhav se dushit ho raha ho, to hriday rog ki sanbhavna banti hai.
5- sinh lagn ki kundli ho evan makar aur kunbh men dusht grah sthit hon, to pahle pair men sujan hoti hai evan bad men hriday rog.
6- hriday rog ka ek mukhya karan chinta bhi hoti hai evan mithun lagn ke log jarurat se jyada sochte hain evan chinta karte hain. isse mansik tanav badhne ke sath-sath hriday rog bhi ho jata hai. agar mithun lagn ki kundli men chandra kunbh men ho, shani-mangal sinh men, surya-budh vrishchik men, to hriday rog avashya hoga. chandra evan budh par ashubh prabhav se chinta badhegi. sinh rashi, surya evan pancham bhav ke dushit hone se hriday rog hoga.
7- chandrama sinh rashi men ho evan surya kark rashi men, to inse hriday rog ki sanbhavna banti hai aur yahan surya rahu se dushit ho jae, to keval sanbhavna hi nahin, avashyanbhavi ho jati hai.
8- sinh par yurenas evan kunbh par surya ho, lagn men rahu ho, to dil ka daura padne ki sanbhavna adhik hoti hai.
9- yadi shani, athva brihaspati shashthesh hokar chaturth sthan men ho evan pap grah se drisht ho, to jatak ko hriday rog hone ki sanbhavna rahti hai.
10- yadi surya shashth ka svami, pap grah ke sath chaturth sthan men ho, to jatak ko hriday rog ki sanbhavna rahti hai.
11- yadi mangal, shani evan brihaspati chaturth sthan men hon, to jatak ko hriday rog ki sanbhavna rahti hai.
12- yadi rahu chaturth sthan men ho, lagnesh nirbal ho evan lagnesh par pap grah ki drishti ho, to jatak ko hriday rog ki sanbhavna rahti hai.
13- yadi tritiya ka svami rahu, ya ketu ke sath ho, to bhi hriday rog ki sanbhavna banti hai.
14- yadi panchmesh evan saptamesh shashth sthan men hon aur pancham evan saptam men pap grah hon, to jatak ko pet, ya hriday rog ki sanbhavna rahti hai.
15- yadi pancham bhav evan pancham ke svami par pap grah ki drishti ho, pancham bhav do pap grahon se ghira ho, to hriday rog ki sanbhavna hoti hai.
16- yadi pancham ka svami shashth, ashtam, ya dvadash men dvadash ke svami ke sath ho, ya fir pancham evan dvadash men rashi parivartan ho raha ho, to bhi hriday rog ki sanbhavna hoti hai.