rahul gandhi lagn bhav: mithun ‘dvisvabhav’ lagn hai. lagn shubh kartari yog men hai, parantu lagnesh dvadash bhav men pap kartari yog men tritiyesh surya aur shashthesh v ekadshesh mangal lagn men hone se akaran v asamay rosh deta hai. kendra men koi shubh grah nahin hai.
nishkarshah lagn shubh prabhav rahit hone se jivan men sukh suvidha to prapt hogi parantu uchchastariya saflta nahin milegi.
dvitiya bhav: panchmesh shukra shubh kark rashi dvitiya bhav men sukhi jivan deta hai. jatak sundar mridubhashi aur achche bhojan ka shaukin hota hai. dvitiyesh chandrama apni rashi se pancham, parantu nichasth hai. us par lagnesh budh ki drishti hai. atah bhasha ojasvi aur prabhavi nahin hai.
nishkarsha: parivarik sthiti se jivan sukhi rahega.
chaturth bhav: chaturth bhav men koi grah nahin hai. chaturthesh budh dvadash bhav men, chaturth pap kartari yog men hai. bhav ka karak chandrama shashth bhav men nichasth hai. donon paraspar drishtipat kar rahe hain, jo shubh nahin hai.
nishkarsha: mata ko vaidhavya ka dukh mila. nich chandrama dasha aur sarhesati ke karan mata ka svasthya abhi kharab chal raha hai.
pancham bhav: brihaspati (va) tula rashi men pancham bhav men hai. us par brihaspati karko bhav nashay dosh se pirit hai.
nishkarsha: shiksha kisi prakar puri hui parantu uska upyog nahin hua. vivah bhi nahin hua hai.
saptam bhav: lagn v chandra se mangal dosh hai. saptam bhav par ketu ki bhi drishti hai. saptamesh brihaspati nich rashi se drisht hai.
nishkarsha: vivah men badha hai.
ashtam bhav: ashtam bhav men koi grah nahin hai.
shani apni makar rashi par drishtipat kar raha hai. ashtam bhav par mangal aur shukra ki drishti hai.
nishkarsha: dirgh ayu hogi. choti ki ashanka rahegi.
navam bhav: navam men rahu apne nakshatra men hai. us par badhak v bakri brihaspati ki drishti hai. navmesh shani ekadash bhav men nichasth hai. atah bhagyoday aur manokamna purti men badha hai.
nishkarsha: bhagya sahayak nahin hai.
dasham bhav: dasham men koi grah nahin hai aur us par koi shubh drishti nahin hai. dasham bhav papakartari yog men hai. dashmansh men lagnesh budh rahu ke sath hai. dasham men sthiti shukra par brihaspati, mangal aur shani ki drishti hai.
nishkarsha: saflta, labh aur manokamna purti men avrodh hai.
dvadash bhav: lagnesh budh dvadash bhav men hai. usapar nichasth chandrama ki drishti hai. dasham bhav papakartari yog men hai. yah shubhkari nahin hai.
nishkarsha: grah sthiti shubh faldayi nahin hai. dasha, bhukti tatha shani ki sarhesati ka prabhav shani ki sarhesati pratham charan men 4-8-2012 se 2-11-2014 tak ‘chandi paye’ chal rahi hai. nichasth chandrama ki dasha men budh bhukti 29.01.2013 se 30.06.2015 tak ketu bhukti rahega. atah saflta men avrodh v nirasha ka samay hai. svayan aur mata ke svasthya par vishesh dhyan dene ki avashyakta hai.