kisi vyakti ko dekhte hi uske svarup ki or ham akarshit ho jate hain aur kisi ko dekhakar ham apna munh mor lete hain. koi vyakti stri ya purush sundar kyon lagta hai aur vah n keval hamare lie apitu sabhi ke lie akarshan ka kendra kyon hota hai, sundarata ko kaise map sakte hain. ganit men iska mul siddhant svarnim ank (golden number) ke rup men chipa hai.
prasiddh fibonashi shanrikhla (fibonacci sequence) ne sadiyon se ganitagyaon, kalakar, dijainar aur vaigyanikon ko mohit kiya hai. prakriti men iski adbhut sarvavyapkta se iske mahatva ka pata chalta hai. fibonashi shrinkhla (fibonacci series) barhte jate nanbron ka ek samuh hai. yah kuch is tarah se hai: 1, 2, 3, 5, 8, 13, 21, 34, 55... pratyek nanbar pahle do nanbron ka yog hai.
tin se vibhajit panch 1.666 hai. panch se vibhajit ath 1.6 hai. ath se vibhajit terah 1.625 hai. terah se vibhajit ikkis 1.615 hai. shrinkhla ki antim sankhya ko usse pahli sankhya se bhag dene par prapt hota hai:
1.6180339887... jise goldan anupat ya goldan nanbar ya svarnim ank kahte hanai. yunaniyon ke dvara bhi goldan anupat ka prayog goldan ayat (golden rectangle) ke nirman ke rup men kiya gaya hai.
kariyar se juri kisi bhi samasya ka jyotishiya upay paen hamare kariyar eksapart jyotishi se.
svarnim ank ko sabse sundar ganitiya sanrchna mana jata hai, aur vastukla men aksar iska upyog vastu ka saundarya barhane ke lie kiya jata hai. ab se hajaron varsh purva misra men piramidon ka nirman bhi iske adhar par hi kiya gaya tha. sunhra anupat (golden number) ke antargat ane vale chehre tatha sharirik rup rekha vale log sundar hote hain. yahan tak ki pratyek manav ke kch. (diauksiraibonyuklik amla) men bhi yahi sunhra anupat (golden ratio) paya jata hai. svarnim ank ko fai (phi = φ) bhi kahte hain. yah apne ap men ek khas ank hai jiska varg apne se ek adhik hota hai arthat φ2 = φ + 1
yadi 1 ko phi se bhag kar diya jae to apko ek ank milta hai jo chip se ek ank kam hota hai arthat 1/phi = phi-1
yadi 1 men 5 ka vargamul jor diya jae aur 2 se bhag kar diya jae to bhi yahi ank prapt hota hai arthat ( 1+ √5 ) / 2 = 1.6180339… = φ
φ(phi) ko aise bhi likha ja sakta hai -
sunhra anupat ( golden ratio)prakriti aur vigyan ke sabhi rupon men prakat hota hai. yah har roj hamare aspas ke jivan men dikhai deta hai. iske kuch udaharan is prakar hain -
prakriti men svarnim anupat
- shankh ke vakron ki lanbai bhi isi anupat men hoti hai.
- makkhi aur chinti ke andar bhi yahi anupat paya jata hai.
- yahan tak ki bahucharchit monalisa ki kalakriti ke mukh ka adhyayan karen to vah bhi isi anupat ka ek sundar udaharan hai.
- kai aisi vichitra chijen, praniyon ke kavach, suryamukhi ful aur gulab ki pankhuriyan tatha akashganga ki akriti men bhi yah anupat paya jata hai. prakriti ki pratyek sundar vidha men ise sakshat dekha ja sakta hai.
get online brihat parashar patrika:
saurmandal men svarnim anupat
goldan anupat hamare saurmandal ki sanrchna men vidyaman hai. yah grahon men, shani ke challon men aur iske alava dharti aur chandra ke akar men bhi yah anupat banta hai. udaharan ke lie - prithvi ki trijya ko yadi ham . manen aur chandra ki trijya ko yadi ham b manen to (a+b)2= (φ) a2
insani chehre tatha sharirik rup rekhaon men
- sir se lekar nabhi aur nabhi se pair tak ki lanbai ka anupat = ab : bc = 1.618 = goldan anupat hota hai.
- nabhi se pair ki ungliyon tak aur ghutne se pair ki ungliyon tak ka anupat ta= hi : if = svarnim ank hota hai.
- sir se gardan tak aur gardan se nabhi tak ka anupat = de : eg = svarnim ank hota hai.
- kisi bhi sundar mahila ka chehra, uski ankh, nak, dant, kan, gal, thori adi sabhi angon ka anupat svarnim ank men hone par sabse adhik sundrta prapt karta hai.
- madhya ke do bare danton ki chairai ka anupat donon danton ki unchai ka anupat svarnim ank arthat φ men hai. pahle bare dant aur dusre dant ki chairai bhi isi anupat men hoti hai.
- ankh ki kul chairai aur ankh ki putli ki chairai men bhi yahi anupat hota hai.
- ankh se dant tak ki lambai ka anupat aur ankh se thori tak ki lambai ka anupat svarnim anupat men hota hai.
- nak se munh ka anupat aur munh se thori tak ki lambai bhi iske anupat men hoti hai.
- ganitagyaon aur dijainars ne is ank ke adhar par ek mukhauta taiyar kiya hai. jis vyakti evan vastu ka mukh is mukhaute par jitna satik baithta hai vah utna hi adhik sundar dikhai deta hai.
sangit ki tarangon men
svar vigyan evan sangit ki tarangon men isi anupat ki punravritti hoti hai tabhi sangit ka janm hota hai.
sundar imarton men
svarnim ank vastukla ki sabse sundar pratima tajamahal, si. en. tavar aur misra ke piramidon men bhi apna vishesh sthan banaye hue hai. aj bhi jab kisi sundar imarat ka nirman kiya jata hai to uska svarnim anupat avashya nikala jata hai.
in sab ke alava bhi yah svarnim anupat anya vastuon evan vidhaon men paya jata hai. vastav men ham ise bhagvan ke astitva hone ka sanket man sakte hain. yah us bhagvan ki rachna ka adbhut udaharan hai kyonki yah choti se choti tatha bari se bari chij men upasthit hai. agar yah ek sanyog hai to vah bhi bahut nirala kaha jaega. svarnim ank (golden ratio) ko ham brahmandiya ank (universal number)bhi kah sakte hanai. yah pure brahmand men basa hai. jyadatar chijen iske anusar hi bani hain. jo chij sundar dikhti hai vah avashya hi is anupat men bani hoti hai.
apki kundli ke anusar kaun si puja apke lie labhkari hai janne ke lie prasiddh jyotishacharyo se paramarsh karen