nak ka artha: shvans kriya ka pramukh sadhan, dhyan indri. man sukh aur sharirik saundarya men prabhav dalne vali ek mahatvapurn ikai hai. nak ke bhed: samkon nak, adhik kon nak, nyun kon nak. kuch nak ekadam sidhi upri honth ke bich samkon banate hain. aisi nak dharak stri ya purush amtaur se adarshavadi hote hain jinmen sabhi gun hote hain. ve apni bat ke dhani hote hain, udarvritti ke hote hain. ve vishvasniya aur mitron ke mitra hote hain. unki buddhimani ka loha dur tak mana jata hai.
avgun: iske bavjud unmen nimn avgun hote hain- adhikatam lok-vyavhar kushal hone ke nate ye sanpurn rup se mahatvakankshi hote hain aur kabhi-kabhi aise vyakti avval darje ke svami ho sakte hain, aur apar kashtadayak jivan bitane ko tatpar rahte hain. samkon se adhik: dusri or jab nak ka kon samkon se adhik hota hai to nimn gunon se samavisht hote hain- laprvah hone ke karan ve sansar men asafal rahte hain. soch-samajhakar kam ya kamna karne ki pravritti hoti hai. dhurtata se bharpur aisi nak dharak vyakti til jaise bhi hote hain aur jarurat se jyada asthir aur viveki hote hain. nyunkon banne par: nak aur upar honth ke bich bhi nyun kon banta hai jisse hamesha nirasha prapt hoti rahti hai.
asafal vyaktitva sadaiv salta rahta hai. iske alava adhikatar ashanti se bharpur jivan bitane ko badhya aisi nak ke dharak jatak sadaiv ishrya men jalte rahte hain. is prakar nak ke tin prakar hain:
1. sidhi nak (samkon vali nak)
2. ubhri hui nak (adhik kon vali)
3. pichki hui nam (nyun kon vali nak). iske alava nak ke nimn bhed bhi dekhne ko milte hain: pratham bhag ubhra hua, madhya bhag mura hua, dhansa hua bhari aur uthe nathune vala vyakti in gunon se sanpann hota hai. vir-sahsi, yuddhapriya, marne marne ko udyat, tark shakti se bharpur, ninda alochna priya, vyangya chitra, bhavuk, shreshth vicharak, unnat charitra ke unnayak. bich ka bhag ubhra, pahla v akhri bhag daba aur nathune santulit hon to aise jatk: asha se bharpur, mahatvakankshi, vishvasniya, viveki hote hain lekin nimn abhav bhi hote hain
- keval kalpanashil, karyarup se dur karya kshetra men asafal, alsi tatha parishram se ji churate hain, vyavhar kushal hone ka abhav. kuch vyaktiyon ki nak is prakar ho sakti hain aranbh .......... utha hua. madhya ..................daba hua. aise dharak ke vishay men kaha jata hai ki vah sarlta magar katuta, udar magar avyavharik aur svabhav se alochak hote hain. unmen amtaur se abhav hote hain- asthirta, kabhi sukh kabhi dukh, kabhi dhan ki adhikta, kabhi dhan ka abhav, dirgh svamitva ka abhav, sadaiv ashant rahne vala man. iske alava nimn prakar ki nak bhi dekhne men ati hai- nalika sthan ubhra hua, nathune sudrirh. inmen nimn gun hote hain- aise vyakti apar kshamata vale hote hain, inki karmathata sadaiv charcha ka vishay banti hai.
ye karmavadi vyakti keval kam karne men hi vishvas rakhte hain. inka atmabal apurva hota hai. anya visheshtaen-udar hriday, mannshil, snehshil, uchch viveki, margadarshak, netritva aur rashtronnati men sabse bara sahayak. nak ke bhag: nak ke bhag nimn prakar kiye ja sakte hain: daba hua: aise nak ke dharkon ki viksit buddhi saflta ka shrey banati hai. aise vyakti sachchai ke prati adhik akrisht hote hain: vishal udarta, chahat ke prati lagav, ganbhir. samtl: samatal hona adhik shubhkarak nahin mana gaya hai, kyonki ismen nimn dosh a jate hain jaise- is tarah ki nak ke dharak chapal, chanchal aur chalayman hote hain. ye svabhav se shaitan aur marpit priya hote hain. aise vyaktiyon ke bhagya men ganbhirta nahin hoti. amtaur se aise vyakti pichle svabhav ke karan yaun vasna vale sahitya, ashlil chitra aur manasvi bhasha ke sthan par gali-galauch priya hote hain.
apradh janm pravritti ke ye poshak vyakti avval darje ke jalsaj hote hain aair unka jivan pura uthl-puthal se bhara hota hai. uncha sthan: nak ka yah bhag jab uncha ho to bare ajibogrib avanchniya yog hote hain. jaise: yah sthan jitna uncha hoga, dharak utna hi pakhandi, krodhi bhi hoga. avesh men uttejit ho jana aise logon ke lie sadharan bat hai. aise vyaktiyon ka svabhav pashuon-janvron jaisa hota hai, jismen adanbar, pakhand, dhurtata, danbh, ahankar ke atirikt hinsa aur krurta kut-kut kar bhari hoti hai. ye aviveki evan ashant hote hain. pasa: milan sthal ke bad ka bhag pasa kahlata hai. jo is prakar ho sakta hai:-
(ka) shuru se akhir tak vrittakar aur ubhra hua. usmen dabe hue milanasthal ke gun hote hain.
(kha) keval bich men utha ho to samatal ke gun hote hain.
(ga) keval aranbh aur antri ubhra ho to ismen uchch sthan vali visheshtaon ke balava ye visheshtaen vyapt hoti hain- lobhi, darpok, kanjus, dhurt, chalakapat men abhyast. aise vyakti amtaur se kai vivad rachate hain. inke vishay men kaha gaya hai ki pas jiska mul gat dekhte hi samjhay.
kapti lobhi yah bane, khub jiye do tin striyan khay.. arthat aisa vyakti dirghayu hota hai aur yah 2 ya 3 shadi karke ek ko svargadham pahunchata hai. aise vyaktiyon ke pas jane vali aurton ka bhagya thik nahin rahta. unka jivan kalhpurn rahta hai aur unhen atmahatya karna par sakta hai. lekin stri ka bhagya-prabal hone par inhen, pati se kabhi dhan labh bhi hota hai.