prachin samay se jaise hath ki rekhaon, chihnon adi se bhavishya gyat karke bhavishyavani ki jati hai, usi prakar yadi rekha shastri sharir ke anya angon ke vishay men jankar hota hai to bhavishyavani kafi satik hoti hai. vastav men sharir ke anya angon se fal janakar rekhaon ke sath yadi bhavishyavani ki jay to vah adhik sahi hoti hai. hatheli ki rekhaon ke bad manushya ke lalat ki rekhaon ka adhyayan karke ki gai bhavishyavani janmakundli aur hast rakhaon se ki gai bhavishyavani ke samakaksh hoti hai. lalat ki banavat nimn prakar ki ho sakti hai-
1. dhanushakar lalat
2. unnat, saf-suthra, arddhachandrakar, unnat lalat
3. sankuchit, sankra, bhitar ko dhansa aur chota lalat. manushya ke lalat par adhikatam sat prakar ki rekhaen payi jati hanai. lalat par pai jane vali rekhayen kram se nimn hoti hain:
1. balon ke niche jo sabse pahli rekha hoti hai vah shani rekha kahlati hai.
2. is rekha ke niche vali rekha ko guru rekha kahte hain.
3. isko mangal rekha kahte hain.
4. chaturth par surya rekha hoti hai.
5. pancham par chandra rekha hoti hai.
6. chathi rekha shukra rekha hoti hai.
7. antim rekha ko budh rekha kahte hain. rekhaon ke adhar par bhavishyavani
1. yadi shani rekha spasht sidhi hai to manushya buddhiman hoga. iske viprit arthat yadi terhi-merhi to chirchira tatha murkh hoga.
2. yadi guru rekha sidhi to manushya imandar, sachcharitra, vidvan hoga aur yadi terhi-merhi to vyakti anaitik karya karne vala hoga.
3. yadi mangal rekha uprokt prakar se ho to vyakti karya men safal hone vala hota hai. viprit hone par karya men asflta milti hai.
4. surya rekha sidhi evan spasht ho to vyakti buddhiman tatha jivan men safal hota hai. yadi terhi-merhi ho to lobhi, kanjus hota hai.
5. chandra rekha sidhi ho to vyakti chatur, duradarshi, sukshmadarshi hota hai aur yahi rekha terhi-merhi ho to vyakti murkh, agyani, kamjor mastishk vala hota hai.
6. shukra rekha sidhi ho to vyakti samast sukhon ka bhog karne vala, sachchai par chalne vala hota hai. yadi terhi-medhi ho to prem men badnam hota hai.
7. budh rekha sidhi ho to vyakti bhashan kala men mahir tatha samne valon ko prabhavit kar lene vala hota hai. yadi rekha terhi-merhi ho to vyakti jhuth bolne vala tatha dhokha dene men ustad hota hai. vishesh lalat rekhaon ke fal is prakar bhi kahe gaye hain:
1. mangal rekha choti ho to garibi ki suchak hai.
2. mangal aur guru ki rekhayen bich men tut jayen to bhi daridrakarak hoti hain.
3. mangal rekha sanp ke akar ki ho to manushya hatyara ho sakta hai.
4. guru aur shani rekha dhanushakar ho jay to yah lanpat hone ki suchak hai.
5. mangal, guru, shani ki rekhayen tuti ho to bhagyahinta ki suchak hai.
6. mangal aur shani ki rekhayen tuti hon tatha guru ki rekha niche ki or jhuki ho to saubhagya evan dhan labh ki suchak hai.
7. lalat men tin rekhayen spasht, sidhi aur gahri hon to bhagyavan hone ki suchak hai.
8. lalat men tin se adhik rekhayen tuti ya chinna-bhinn ho to yah durbhagya ki suchak hai.
9. guru rekha men shakhayane hane to yah jhuth bolne ki suchak hai.
10. lalat men sanp ke akar ki ek rekha bali hone ki suchak hai.
11. surya rekha choti aur shukra rekha isse lanbi ho to sachcharitrata ki suchak hai.
12. surya rekha ka bich men kata hona krodhi, jhagralu aur kami hone ki suchak hai.
13. surya rekha ka vakrakar hona kathorta ki suchak hai.
14. surya rekha aur mangal rekha sanp ki akriti ki ho to daridrata suchak hai.
15. shani rekha lanbi aur mangal rekha sanp akriti ki ho to yah dharmik, uchch varg ke satsang men rahne aur dayavan hone ki suchak hai.
16. shani aur guru ki rekhaon ke upri bhag men ardhachandra rekhayen ban rahi hain to saubhagya ki suchak hai.
17. surya rekha dhanushakar aur shukra rekha bich men khandit ho to rasayan shastri aur dharmik hone ki suchak hai.
18. shani aur mangal rekhayen sarpafan ki bhanti hai to fansi se mrityu ki suchak hai.
19. shani rekha laghu, guru rekha tuti tatha mangal rekha shakha yukt ho to hatyara hone ki suchak hai.
20. shani rekha aur guru rekha apas men mil jay to yah bhi hatyara hone ki suchak hai.