manushya ke jivan men sukh-dukh ka mishran unke purvajanm ke karmafal ke anusar hota hai. pirhiyon ke anubhav ne is tathya ko ‘‘sab din hot n ek saman’’ lokokti ka rup de diya hai. ‘‘uttarakalamrit ganrath (6.2) ke anusar ah ‘‘pushyanvapyath paprupbhpiva karmarjitan pragbhve. tatpako'tra tu khecharasya hi dashabhuktayadibhijrnyayte..’’ arthat, ‘‘punya aur pap jo purvajanm ke karmon dvara uparjit kiye gaye hain, unka fal is janm men grahon ki dasha-bhukti dvara jana jata hai.’’
atah kisi vyakti ko jivan men sukh aur dukh ki anubhuti kab hogi iska satik margadarshan is vyakti ki janm kundli ke vaidik jyotishiya vivechan dvara jana ja sakta hai. is sandarbh men lokapriya ektar salman khan ki upalabdh janmatithi anusar banai kundli prastut hai. inhonne pichle kuch varshon men ‘baedigarda’, ‘dabang’, ‘bajrangi bhaijan’ tatha ‘prem ratan dhan payo’ jaisi blaekabastar filmen dene tatha big baes namak siriyal ka lagatar tin sal se safal nirdeshan karne ke sath hi, ve kriminal keson men fanse rahe.
unke kai nayikaon se antrang sanbandh vichched hote gaye aur pachas varsh ki ayu men bhi ye avivahit hain. 27-12-2015 ko inhonne golden jubli barthade bare dhum-dham se apne farm par manaya hai. salman khan ki kundli ka jyotishiya vishleshn: ineka agni tatva mesh lagn hai, jiska svami mangal dasham bhav men uchchasth hokar ‘amlkirti’ aur ‘ruchk’ namak panch mahapurush yog bana raha hai.
yadyapi sarhesati men janm hua, parantu janm dasha uchch lagnesh ki hone se janm se hi unka svasthya achcha raha aur bare hokar uske lie vishesh prayasarat rahe. uchch lagnesh ki lagn par drishti param saubhagyashali yog banati hai. aise shubh yogon men janm lene vala vyakti sridrirh v sundar sharir vala, urjavan aur apne udyog se jivan men saflta, prasiddhi, dhan aur uchch sthan pata hai. aisa mangal rosh aur dvesh bhav bhi deta hai. dvitiya bhav shubh vrish rashi men sthit chapraveshi rahu aur kunbh rashi ka chandrama akarshak vyaktitva deta hai.
balvan mangal ki shukra ke sath dasham bhav men yuti ka chaturth v pancham bhav par prabhav ne premi svabhav diya. unke anek prem prasang bane, parantu shukra se dvitiya bhav men shani aur pancham bhav men rahu ne inko abhi tak vivah sutra men nahin bandhne diya. ajakal unka ek videshi yuvti se prem prasang charcha men hai. navmansh men shukra pap katrtari yog men, rahu saptam bhav men aur saptamesh mangal v panchmesh shani ki shashth bhav (saptam se dvadsh) sthiti, bhi prem sanbandh vichched se lekar vivah n hone ki sanbhavna darshate hain.
navmesh brihaspati tritiya bhav men saumya rashi men hai aur navamasth panchmesh ka surya se paraspar drishti-vinimay ho raha hai. unke pita salim khan ek safal aur sammanit film lekhak hain. unhonne salman ko samy-samay par uchit salah dekar vivadon se bachaya hai. tritiya bhavasth brihaspati ne apne chote-bhai bahnon se madhur sanbandh banaye aur mitron ki sahayta kar, adar se ye ‘bhaijan’ kahe jate hain.
brihaspati ka dasham bhav par shubh katrtari prabhav hai aur svakshetri ekadshesh shani aur chaturthesh chandrama par navam drishti ke hone se brihaspati ki dasha men apar saflta, prasiddhi aur dhan ki prapti hui. grah dasha v gochar vichar salman khan ke bhagyesh brihaspati ki 16 varsh ki dasha 6/9/1986 se aranbh hone par unke film lain men pravesh pane ka prayas safal hone laga. sarvapratham koldadrink ka ed kiya aur kuch samay film dayrektar ke sahayak ke rup men karya kiya.
1988 (brihaspati-brihaspati) men unki film ‘bibi ho to aisi’ rilij hui. 1989 (brihaspati-shani) men dusri film ‘mainne pyar kiya’ se unhonne apni pahchan banai. 1990 men sarvashreshth abhineta puraskar pakar star ban gaye aur brihaspati ki baki dasha men unko uttarottar saflta, samman, dhan tatha prasiddhi prapt hui. unki 19 sal ki shani dasha 6-9-2002 se aranbh hui. dashmesh shani par navmesh brihaspati ki drishti se karyakshetra men saflta milti rahi.
parantu badhak shani ki lagn par drishti aur chandrama se yuti (vish yog) ke karan kanun virodhi kamon se unki chavi dhumil hui. 28-9-2002 (shani-shani) ko nashe men kar eksident dvara ek vyakti ki mrityu ho jane se giraftar hue aur bel milne ke bad kes chala, jismen utar charhav ate rahe. 17-2-2006 (shani-budh) ko chinkara hiran ke shikar mamle men arest hue aur bel mili. is kes men 10-4-2006 ko ek varsh ki saja hui jis par jodhpur hai kort ne rok laga di.
rajasthan sarkar ki apil par janvri, 2015 men suprim kort ne rok hatakar kes ko punah jagrit kar diya hai. kanuni danv pench ke bad munbai seshans kort ne kar eksident kes men 8 mai 2015 ko 5 sal ki saja sunai. usi din haikort se bel mil gai. hai kort ne apil ko svikar karte hue 10-12-2015 (shani-mangl) ko unko bari kar diya.
iske virodh men maharashtra sarkar ne 23-12-2015 ko suprim kort men apil dayar kar is kes ko bhi jagrit kar diya hai. dashmesh shani ki dasha men uchch lagnesh mangal ki bhukti (11-3-2015 se 19-4-2016) ke samay sab or saflta mili hai, parantu shani-rahu ke samay unko avrodhon ka samna karna parega. ‘mansagri’ granth ke anusar: vatrogah kukshipira deshantar gatirbhavet. budh dveshah sukhabhavo rahau shani dashangtah .. (a. 5. 40).. arthat, ‘‘shani ki dasha men rahu bhukti ke samay vat rog, kukshi pira, deshantar gaman, buddhimanon se dvesh tatha sukh ka abhav hota hai.
‘‘faldipika’’ ke anusar is samay dar, rog, pran bhay, hani adi kufal hote hain. ankshastra ki ganna anusar varsh 2016 aur unki janm tithi (27) ka yog 9 hota hai jiska svami mangal hai, jo unka lagnesh hokar uchchasth hai. atah yah varsh unko shubh faldayi hona chahie.
parantu gochar men rahu 9-1-2016 se lagn se pancham aur chandra aur shani se saptam a jayega aur vahan gochar ke brihaspati ko dushit karega. brihaspati 11-8-2016 se kanya men gochar karega. usse pahle 8-1-2016 se 9-5-2016 tak vakri rahega aur shani dasha-rahu bhukti (19-4-2016 se 24-2-2019) ke ashubh prabhav ko rokne men asamarth rahega. shani bhi lagn se ashtam aur chandrama se dasham gochar karte hue gochar rahu par dasham drishti dalega.
shani 25-3-2016 se 13-8-2016 tak vrishchik men vakri rahega. mangal bhi 20 farvri 2016 se shani ke sath sitanbar 2016 tak rahega aur 17-4-2016 se 30-6-2016 tak vakri rahega. uprokt dasha-bhukti v grahon ke ashubh gochriya prabhav svarup mai 2016 se uttarottar lagabhag do sal ka samay salman khan ke svasthya, kort keson aur saflta ke lie kashtakari rahna darshata hai.