yah kshetra manushya ki sanpurn bauddhik, darshan, naitik, yash, kirti, adhyatm, yog, kala, uchch gyan, chintan, svabhav, bhavukta adi vishyon ke lie mukhya rup se vicharniya hain. dukh, pira, chinta v sanpurn nari mandal ke sanchalan ki kriyaen isi bhag se niyantrit hoti hai. lalat ka ye bhag yadi purn abhayukt svarupon men viksit raha to aise jatak darshanik, vyakhyakar, dayalu, uchch vicharak, prem, snehi, bandhutva v achche adarshon jaise gunon ke purn dhani hote hain. kintu adhik ubhre brihat, vistrit v chaire lalat ko purn sakaratmak nahin mana jata. aise jatak ativadi hote hain. durbhagyavash yadi inhen saflta prapti v vikhyat hone ka purn avasar n mile to ye bure, nirankush v kukhyat karmon se bhi sankoch nahin karte. nasika bhag: yah bhauhon v honth ke madhya ka kshetra hai jo vyavharik vishyon ke lie mukhya rup se vicharniya hai. is bhag ke sundar, akarshak v suvyavasthit rup se viksit hone par aise jatak vyavhar-kushal, khush mijaj, khan-pan ke shaukin, romantik svabhav se yukt tatha atyadhik paini drishti rakhne vale hote hain. purn ichchashakti v dusron par shasan karne vale aise vyakti vyapar, nirman, krishi, kanun rajniti ve sainik karyon men adhik safal hote hain.
chaire, mote honth v aviksit nasika ya bhondi chapti nak avyavharik, mahatvakankshi, jiddi, hinta se grast adi jaisi pravrittiyon ka parichayak mana gaya hai. jaivik bhag: yah honth v gardan ke madhya ka bhag hai jiske madhyam se jatak ke bhautik, kam vasna, krodh, lobh, moh-maya adi jaise bhav spasht hote hain. is kshetra ko tam ki sangya se bhi vibhushit kiya jata hai. is bhag ka suvyavasthit, sundar v akarshak hona sakaratmakata v achchai ka pratik samjha gaya hai. is bhag ke mote, chaire v atyadhik viksit hone par svabhav men krurta, nirbhayata, nishthurta v nrishanskari jaisi pravrittiyon ki sakriyata bani rahti hai. buddhi v bhav ke shithil hone ke karan inhen mansik kasht ka purn ehsas nahin hota. sankuchit v aviksit jaivik bhag sharirik ichchashakti ke abhav ka parichayak mana gaya hai. aise jatak adhikanshtya sharirik sukhon se vimukh rahte hain.
mukh akriti: jyamitiya ya akriti ke drishtikon se jatak ka mukh-mandal bhinna-bhinn rupon arthat vargakar, vrittakar, shankvakar v andakar svarupon men vibhakt hai jiske anusar ya banavat ke adhar par unke gun, svabhav v prakriti ka avlokan kiya jata hai. vargakar mukh: chaikor v vargakar mukh ke jatak adhikansh rup se sahsi, parakrami, suvyavasthit, anushasan priya, abhimani, karyakushal, aduradarshi, sudaul v svasth rahte hanai. kisi ke prati tvarit pratikriya vyakt karne men inhen tanik sankoch nahin hota. inki prakriti prithvi tatva se yukt rahti hai. vrittakar mukh: gol, vrittakar mukh vale jatak jal tatva se prabhavit rahte hain. samanyatya ye mansal, putthe, thore mote v alsi hote hain.
bal sundar v akarshak gunon se yukt rahta hai. nitigat buddhi ka abhav, svabhav men madhurta, sharmilapan, kalpanashil, bhavuk, shighra krodh athva shighra naram, sahaj hriday, dayalu, chal-prapanchrhit, lalit v sangit kala ke prati ruchi adi jaisi visheshta inke svabhav v gunon men shamil hain. shankvakar mukh: agni tatva se prabhavit is mukh ke jatak jigyasu, duradarshi, nitigat karya karne vale, uchch bauddhik kshamata sanpann, gyani, tarkik, spashtavadi, krodhi, bhavukta ka abhav, hathi, netritva ki lalsa, tivra smaran shakti, kutnitigya, karyon men dhairya, karmath v darshanik gun v pravrittiyon se yukt rahte hain. ye apne vichar v svabhiman se samjhauta nahin karte hain.
andakar mukh: inki prakriti jal tatva se prabhavit hai. premi, kamuk, saundaryapriya, sammohak, akarshak, vyavhar kushal, mridubhashi adi vyaktitva ke aise jatak ke svabhav men chanchlta ka samavesh rahta hai. ek se adhik sanbandhon men ye adhik vishvas rakhte hain. yatra v bhraman men inki vishesh ruchi rahti hai. ye ati mahatvakankshi v uchchabhilashi hote hain. kala kshetra men inhen vishesh saflta prapt hoti hai. udasin, svayan ko dur rakhna, mijaj men chirchirapan v shighra krodhit ho jana inka svabhavik gun hai. mukh mandal ke prakar: lalat, nasika v thori men kisi ek bhag ke ubhre ya dhanse hone athva tinon ke samatal hone ke karan mukh ka svarup mukhyatya uttal, avatal v samatal jaise tin prakar men vibhakt rahta hai.
1. uttal mukh: is prakar ke mukh men lalat, nasika v thori age ki or vakrakar hokar ubhri hoti hai jo unnat svarup pratit hota hai. svabhav v pravritti ke hote. chintan v dhairya ke abhav men ye shighra hi krodhi v uttejit ho jate hain. inke vicharon men ganbhirta v shalinta ka abhav rahta hai. inhen dusron ki bhavnaon ki koi ehsas nahin hota. bhinna-bhinn prakar ke vyanjnon v khan-pan ke ye adhik shaukin hote hain.
3. samatal mukh: is prakar ke mukh vale jatak santulit svabhav tatha mansik, vyavharik v jaivik tinon hi kshetron men paryapt sudrirh v kushal hote hain. drirh sankalpi, sarvatra anusar ye komal, bhavuk, sahaj, manovaigyanik, prakritik rahasyon ke gyata, sanvednshil v sarvada vicharane men khoye rahte hain. sansarik v bhautik sanbandhi vishyon men inhen vishesh ruchi nahin rahti. samajik v vyavharik buddhi ka inko adhik gyan nahin hota.
2. avatal mukh: is prakar ke jatak ki lalat v thori bahar ki or ubhri v nasika bhitar ki or dhansi hoti hai jo dikhne men avatal vakrakar jaisa pratit hota hai. gun-visheshon ke adhar par inka svabhav unnat prakar ke mukh vale jatak se purn viprit hota hai. ye paristhitiyon ke prati ganbhir nahin samanjasya, gun-avgun par vichar v soch samajhakar kadam barhane ke falasvarup inhen apne jivan karyon men kafi adhik saflta prapt hoti hai. inki yojnaen sarvada sangthnatmak hoti hain. srijnatmakata, vishvasniyata, nyayapriyata, spashtavakta adi inke vishesh gun hain. ye vyavhar kushal v mahatvakankshi hote hain.