manav sharir ke saundarya evan akarshan ko char chand lagane men jahan bal, ankh, nak, haneth vishesh mahatva rakhte hain vahin muskan men char-chand lagate hain hamare dant. dant sundar, safed motiyon ki tarah laribaddh hon, to vyaktitva men aur akarshan paida karte hain. khane ke lie danton ki bhumika se sabhi parichit hain. sahityakaron ne bhi danton ke mahatva ko samjhte hue in par bahut kuch likha hai. danton ki tarif men kisi ne thik kaha hai ki ‘‘dant gaye svad gaya’’ arthat danton ke madhyam se hi bhojan ka purn anand liya ja sakta hai. dant jivan bhar sath den, islie pratidin danton ki bhali-bhanti dekhbhal avashyak hai taki dant majbut rahen aur apka sath n chodane. ayu anusar dant do tarah ke hote hain.
dugdh dant: ye asthai dant ginti men bis-das upar ke jabre men aur das niche ke jabre men aur jabre ke dayen aur bayen panch-panch dant hote hain jinmen se chedak, ek khadant, do chavarn dant hote hain. janm ke bad sat mas ke bad pahla dant niklta hai aur do varsh ki ayu tak sabhi dugdh dant nikal ate hain.
pakke dant: ye ginti men battis hote hain. ye sthayi dant solah upar aur solah nichle jabre men hote hain. donon jabro ke dayen-bayen, ath-ath dant hote hain jinke do chedak, ek khadant, do purva charvan tin charvan hain. barah varsh ki ayu tak sabhi pakke dant nikal ate hain. kintu tisra charvan dant satrah se pachchis varsh ki ayu men niklta hai. dant ki mukhya tin partane hoti hain:
dant valk: yah dant ka bahri bhag hai, jo manav sharir ka sabse thos aur sakht padarth hai aur bhojan chabane men sahayak hota hai.
dant dhatu: yah dant valak ke niche ki parat hai jismen haddinuma tatva hota hai.
dant rakt shiraen: ye dant dhatu ke niche hoti hanai. inmen rakt shiraen aur snayu tantra ka jal hota hai, jo danton men dard ya thande-garm ki anubhuti karvata hai. danton ki jadane masurane men hoti hai, jo danton ko majbuti se jakre rakhte hain tatha hilne-dulne nahin dete.
danton ke rog: danton ke rogon ka mukhya karan danton ki safai ka abhav hai. danton ki bhali-bhanti safai aur dekhbhal hoti rahe, to danton men bhojan ke kan jama nahin hote aur dant rog nahin hote. safai n hone se danton men saran paida hoti hai jisse kitanu paida hote hain, jo danton ki jaron ko dhire-dhire khokhla bana dete hanai jisse masure kamjor ho jate hain. danton ki jadane gal jati hain aur danton ki upri parat dant valak khatm hone lagti hai aur dant rakt shiraen kamjor ho jati hain jisse danton men dard hota hai. thanda-garm khane-pine men taklif hoti hai aur dhire-dhire danat sath chor dete hain.
danton ke rogon men sabse bhayankar aur hanikarak rog hai ‘payriya’. payriya men masuron men halki thandak hoti hai jisse masuron ke kinarane se piv niklne lagti hai. fir danton ki shakti kshin hone lagti hai. masuron se rakt ane lagta hai. tisri avastha men rog apna ugra rup dharan kar leta hai. piv pet men jane lagti hai, jisse aur bhi kai prakar ke rog utpann ho jate hain. pan, jarda, tanbaku ka sevan karne valon ko payriya jald ho jata hai.
jyotishiya drishtikon jyotishiya drishtikon se shani-rahu danton men dard aur rog utpann karte hain. danton ki tin mukhya parton men pahli aur dusri parat arthat valak aur dant dhatu ka netritva surya karta hai kyonki dant valak thos padarth hai aur dant dhatu haddinuma hai. tisri parat men rakt shiraen hoti hain. inmen rakt sancharit hota hai. islie inka netritva chandra aur mangal karte hain.
surya, chandra, mangal jab shani-rahu se grast evan pirit hote hain to dant rog hote hain. kal purush ki kundli men dvitiya bhav mukh ka hai. isse danton ki sundrta ka anuman lagaya jata hai. islie dvitiya bhav bhi agar shani-rahu se yukt aur pirit ho to dant rog ya danton ki sundrta par asar parta hai. lagn aur lagnesh ke bhi shani-rahu se yukt aur drisht hone se dant rog ho sakte hain.
jatak tatva ke anusar dant rog ke yog is prakar hain
- dvitiyesh shashthesh ke sath hokar naisargik ashubh grah se yukt ho to dant rog hote hain.
- ketu dvitiya sthan par ho to ek dant unche hote hain arthat dant lanbe tatha bahar ki or hote hain.
- saptam bhav men ashubh grah shubh ki drishti se rahit ho to jatak danton ke kisi n kisi rog se pirit hota hai.
vibhinn lagnon men dant rog mesh lagna: lagnesh mangal shashth bhav men, budh dvitiya bhav men rahu se yukt ya drisht, shani pancham, ashtam ya dvadash bhav men ho to jatak ko dant sanbandhit rog hota hai.
vrish lagna: dvitiya bhav men guru rahu se yukt ya drisht ho, dvitiyesh budh chandra se yukt shashth bhav men, shukra surya se ast ho to jatak ko dant rog hote hain.
mithun lagna: dvitieyesh chandra vakri shani se yukt ya drisht hokar shashth bhav men ho aur shashthesh mangal ashtam bhav men ya ekadash bhav men rahu ya ketu se yukt ya drisht ho to jatak ko dant sanbandhit rog hote hain.
kark lagna: shani surya se saptam ho, chandra shani se yukt ho, rahu dvitiya bhav men ho ya drishti de to jatak ko dant rog hota hai.
sinh lagna: vakri shani dvitiya bhav men chandra se yukt ya drisht ho, lagnesh surya shashth bhav men rahu-ketu se yukt ya drisht ho to jatak dant rog se pirit rahta hai.
kanya lagna: shani vakri shukra se dvitiya bhav men rahu ketu se drisht ho, mangal saptam ya ashtam bhav men chandra se yukt ho to jatak ko dant pira rahti hai.
tula lagna: vakri guru rahu se yukt ya drisht dvitiya bhav men ya shashth bhav men ho, lagnesh ast aur vakri hokar ashtam bhav men ho to jatak ko danton ka rog rahta hai.
vrishchik lagna: budh rahu ya ketu se yukt hokar dvitiya bhav men, shani chandra se yukt ashtam bhav men evan guru vakri shashth ya dasham bhav men ho to jatak ko dant rog hota hai.
dhanu lagna: vakri shani chandra se drisht ya yukt dvitiya, pancham, ashtam ya dvadash bhav men ho, guru shashth bhav men rahu ka ketu se drisht ho to jatak ko dant rog hota hai.
makar lagna: vakri guru rahu ya ketu se yukt dvitiya bhav men ho evan shani chandra se yukt shashth bhav men ya ashtam bhav men ho, to jatak ko dant rog hota hai.
kunbh lagna: lagnesh shani guru se yukt hokar dvitiya bhav, tritiya bhav, ekadash ya dvadash men rahu se drisht ho aur shashthesh chandra lagn men ho to jatak ko dant rog hota hai.
min lagna: vakri shani lagn men aur guru shashth bhav men ho, shukra vakri hokar rahu ya ketu se drisht ya yukt ho evan chandra shashth ya ashtam bhav men akela ho to jatak ko dant sanbandhit rog rahte hain.
gharelu upchar
- laung aur namak ko pis kar churn banakar, danton par lagane se danton ka hilna ruk jata hai.
- pipal ki chal ka churn banakar danton aur masuron ki malish karne se danton ka hilna tatha dard thik hote hain.
- laung ilaychi aur khas ke tel ko milakar danton tatha masuron par lagane se payriya men aram milta hai.
- nim ki pattiyan, kali mirch, kala namak rojana sevan karna chahie. isse rakt saf hota hai aur payriya men ane vala piv khatm ho jata hai.
- fitkri ko namak ke sath milakar danton aur masuron ki malish se masure majbut hote hain.
- laung ka tel danton ke khoh par lagane se dant dard thik hota hai.
- amrit dhara aur dal-chini ka tel dantane ke khoh par lagane se danton ke dard men rahat milti hai.
- nila thotha aur safed kattha donon ko barabar matra men lane aur inhen tave men bhunakar achchi tarah milakar pis len. din men do-tin bar anguli par laga kar masuron ki malish karen aur bad men kulla kar munh saf karen. isse masurane ki sujan, saran, dard, durgandh sab se rahat milti hai.