pratyek mata-pita apne bachchon ke vivah ke lie rishta karte hue pahle yahi dekhte hain ki parivar sanskari ho, achcha khandan ho, larka ya larki bhi sushikshit ho, achcha chal chalan ho. larka achcha kamata ho jo unki beti ka khyal rakh sake aur uski puri suraksha ki jimmedari le sake. lekin abhi dekhne men aya hai bahut se kes men mata-pita dvara pasand kiye gaye rishton ko bachche nakar dete hain.
hamare samaj men betiyon ne bahut tarakki ki hai. jahan pahle larkiyan sirf ghar ki chardivari tak simit thin vahin aj lagabhag 80 pratishat larkiyan parh-likh kar svavlanbi ban chuki hain aur achche kam kar rahi hain. jahir hai unke khvab, unki ummiden aur unki apne jivan sathi se apekshaen bhi badal chuki hain. ve sirf unse achcha ghar hi nahin chahtin balki unke anusar unka jivnsathi sundar ho, smart ho, achcha kamata ho aur sabse mahatvapurn bahut samajik ho, ghumne firne ka shauk ho, kuking men bhi pasand rakhta ho aur nritya karne men bhi eksapart ho.
itna hi nahine vah dabbu to bilkul n ho. ajakal bahut se gharon men man-bap rishta to kar dete hain par jab donon milte hain to larki ko pata chalta hai ki larka to keval parhne-likhne men raha hai. ai. ai. ti. se to pas kar gaye par use n to film ka shauk hai, n koi soshal sarkil hai aur n hi kahin ghumne firne ke program banane ka shauk hai to aisi sthiti men bahut jagah shadi se pahle hi rishte tut jate hain. vaise to yah achcha hi hai
ki jo rishta vivah ke bad tutta ho, vah pahle hi khatm ho jae to achcha hai par ajakal ke mata-pita ko bhi chahie ki ve bachchon ke sanpurn vikas ki or dhyan den aur sath hi apne bachchon ke lie rishta talashte hue apne bachchon ki pasand-napsand ka vishesh khyal rakhen taki age jakar unhen apni pasand par pachtana n pare. hamari is katha ki nayika kanchan ke sath bhi aisa hi kuch ho raha hai.
kanchan ek intrneshanal kanpni men achche pad par kam kar rahi hai. uske lie parivar valon ne bahut sare larke dekhe. sabhi ek se barhakar ek the aur unhonne saurabh ko pasand kiya. vah ai. aiti se injiniyaring kar ek bahut achchi kanpni men bahut achche paikej par kam kar raha hai. kanchan ko bhi saurabh kafi pasand aya. roka hone ke pashchat vah usse milne lagi. saurabh use bahut hi narm dil v sushil laga.
kanchan bahut ki autgoing, harfnmaula, bahirmukhi aur ghumne firne vali larki hai. jaise-jaise vah saurabh se milti use vah khushi nahin milti thi jaisa vah chahti thi. vah uske sath dans klab jana chahti thi par saurabh ko dans pasand nahin tha. vah jab apne hanimun ke program ke bare men puchti to saurabh koi khas intarest nahin dikhata tha aur kahta tha ki jaldi kya hai bana lenge kahin bhi chale jaenge.
jab khane ke lie achche hotal jane ki bat ati to saurabh use fainsi aur hai-fai hotal men le jane ki bajay halke hotal men le jata. yahi sab baten use bahut chubhti thin. jab kapre kharidne hon to saurabh ko hai branded kaprane men koi khas pasand nahin ya vah anabranded kapre kharidna pasand karta tha. use faltu ke paise kharch karna fijul kharchi lagti thi. ab yahi sab baten kanchan ko bahut pareshan karne lagi. apne mata-pita se jab usne yah sab bataya to unhonne yahi kaha ki larka sidha-sada hai
tum use apne anusar dhal lena aur shadi ke bad sab thik ho jaega. par kanchan ko sab kuch thik nahin lag raha tha. vah saurabh ke sath bahut ghutan mahsus kar rahi thi aur chahti thi ki kaise bhi uska rishta usse tut jae taki vah apni manpsand ka larka talash sake jabki man-bap nahi chahte the ki saurabh jaise larke se vivah se kuch din pahle hi bina kisi thos karan ke rishta tor diya jae.
aiye dekhen saurabh aur kanchan ki kundliyan kya kahti hain: saurabh ka saumya lagn tatha lagn par saumya grah ki drishti evan lagnesh shukra saumya grah chandrama ke sath hone se inke svabhav men saumyata tatha bholapan hai jiske karan yah apne sanskaron tath siddhanton ko nahin chorna chahta hai. ise apne bholepan men rahna hi pasand hai. panchmesh grah parakram bhav men hone se tatha us par guru tatha bhagyesh shani ki purn drishti hone se yah jatak uchch shiksha prapt karne men safal hua. dashmesh shani chathe bhav men uchch ke hokar balvan hain
jiske falasvarup inhen achchi kanpni men naukri prapt hui. dhanesh aur labhesh ka paraspar drishti sanbandh inke jivan men arthik sanpannata ko darsha raha hai. inke vaivahik jivan ki sthiti ke bare men vichar karane to navmansh lagn sinh rashi ka hone se tatha saptamesh grah mangal navmansh men agni tatva rashi men hone se iski patni tejasvi svabhav ki mahila hongi jiske karan inke vicharon tatha paraspar abhiruchiyon men bhinnata ho sakti hai.
saptamesh mangal nich rashi men hokar ast hai, jiske karan inhen apni jivnsathi se sukh sahyog milne ki sanbhavna kam hai. kundli ke charon kendron men grah n hone se inki mahattvakanksha evan abhiruchi apne simit karyon tak hi kendrit hai. islie inhen apni hone vali patni ki abhiruchi vale karyon men ruchi nahin hai. kanchan ka lagn pap katrtari yog se grasit hai jiske falasvarup yah apne sukh ke lie dusron ko apni tarah dhalna chahti hai. aise logon ko dusrane se choti-choti baton ko lekar shikayat bani rahti hai.
saptamesh aur lagnesh ki paraspar drishti is bat ka sanket hai ki yah apne jivnsathi ke prati adhik sanvednshil hai tatha usse bahut apekshaen rakhti hai. parantu inka jivnsathi inki apekshaon ke anurup khara n utrne se yah use chorna chahti hai. surya grah atma aur chandrama man ka karak donane hi grah kamjor hain jiske karan inmen dhairya ki kami tatha prachin paranpraon ke prati koi abhiruchi nahin hai.
yah apna jivan svachchandta purvak jine men vishvas rakhti hai. saptam bhav men saumya grah brihaspati hone se tatha saptamesh shukra ki saumya grah budh ke sath saumya rashi men yuti hone se inka vivah sidhe-sadhe bhole-bhale vyakti se tay hua hai. islie kanchan ko jo bhi jivan sathi milega vah saral svabhav ka hi hona chahie aur apne papakatrtari lagn ke karan uska svabhav tej hi rahega aur vah apne jivan sathi par adhik adhikar rakhna chahegi aur use apni ichchanusar hi chalane ki koshish karegi.
yah vivah hoga ya nahin abhi kuch nahin kaha ja sakta parantu yah kes keval kanchan ka nahin hai. aise hi anek kes ajakal dekhne ko mil rahe hain jisse choti -choti baton par ya to vivah se pahle ya vivah ke tunrat bad larka-larki apas men samanjasya nahin bitha pate aur alag ho jane ka faisla kar lete hain. shayad ye parivartan aj ke mata-pita ko samjhna hoga aur samaj men a rahe parivartan ko svikarna hoga.
pratyek mata-pita yahi chahte hain ki inke bachche bahut khush rahen. ek-dusre ke lie purn rup se samarpit hon tatha unhen apsi vishvas bhi ho. chunki ajakal beta ho ya beti sabhi itne parh likh gaye hain ki unke tark ke age sabhi tark bemani se lagte hain isilie mata-pita ka bhi farj banta hai ki ve unhen sahi shiksha den aur unhen yah bhi samjhaen ki unhane dur drishti se bhi dekhna chahie. kamiyan har insan men hoti hain.
donon ek dusre ki apekshaon par puri tarah khare nahin utar sakte islie jaruri yah hai ki donon ko apni kamiyon ko samyanusar badlne ki kshamata rakhni chahie tabhi jivan ki is gari ko thik se chala sakte hain anyatha gari ko patri se utrne men kuch samay nahin lagta. aur han yadi santan nahin samjhti to fir unki ichchanusar hi chalne den. samay bahut balvan hai sab kuch apne ap sikha deta hai.
kanchan ki janmapatri men saptam bhav men guru hai jo yah darshata hai ki uska pati guru grah se prabhavit hona chahie aur aisa hone par hi uska apne pati se behatar talmel bhi hoga parantu saurabh ki janmapatri men iske thik viprit guru nich rashisth hai
jiske parinamasvarup uske vyaktitva men apekshit guru ke prabhav ki kami ke karan shayad larki uske sath samanjasya nahin baitha pa rahi hai aur use lagne laga hai ki donon ke achar-vichar v vyavhar men samrupta nahin hai jisse usko vaivahik jivan men sukh ki sanbhavna nahin lag rahi.