hamare shastron men sabhi dishaon ke bare men vistrit rup se vivechna ki gai hai aur bataya gaya hai ki apke ghar men kis disha men puja sthal, rasoi ghar, shayan kaksh, snan grih, shauchalay ityadi ho taki apka jivan shantimay bana rahe. kintu jab ham apne ghar men kinhin karnane ki vajah se anukul dishaon ke viprit nirman kar lete hain to usmen vastu dosh utpann ho jata hai aur ismen koi do ray nahin ki vastudosh apke jivan, dinacharya v mansikta par purn prabhav dalta hai. aise men ap kuch chote-chote upayon ko apni dinacharya men jor kar vastudosh ke prabhav se apne ghar ko mukt rakh sakte hain.
- agar purva disha dosh hai ya koi vedh ho to purva disha ki divar par sat ghoron par savar surya dev ka chitra lagayen v roj subah surya ko jal den aur surya gayatri mantra ka sat bar jap karen.
- agney disha men dosh hone par ganpti ji ka chitra lagayen v roj ganpti ji ke samaksh dipak jalayen aur un gan ganptye namah ka ek mala jap karen evan ghar men khushhali ki kamna karen.
- dakshin disha men dosh ho to ek to dakshin disha men kabhi bhi jyada khuli jagah mat choren. ghar ka bhari saman vahan rakhen. is disha ka svamitva hanuman ji ke pas hai to aisi sthiti men har manglvar bajrang ban ka path karen v roj ghar men hanuman chalisa parhen.
- nairritya disha men dosh ho to rahu ki vajah se apko samasyaon ka samna karna parega. rahu ko shant karne ke lie ghar men gay ke ark ko pani men milakar pocha lagvayen v rasoi ghar men baithakar khana khayen.
- pashchim disha men dosh ho to har shanivar shani mandir jayen v sarson ke tel ka dan karen v pipal ke per ke niche sarson ke tel ka dipak jalayen.
- vayavya disha men dosh ho to somvar ka vrat karen. ek mala ‘un namah shivay’ ka jap karen v kachchi lassi shivling par arpit karen.
- uttar disha men vastudosh ho to gay ko hara chara dalen. man lakshmi, man durga ki aradhna karen v kanya pujan samy-samay par karte rahen.
- ishan disha men dosh ho to guru sthan par dharmik pustak ka dan karen. guruon ki v kele ke per ki seva karen.
in upayon ke alava agar ap apne ghar men bare bujurgon ki seva karte hain, ghar men subh-sham puja-path v gay ke deshi ghi ka dipak jalate hain, roj subah surya ko jal dete hain v tulsi ke paudhe ko sinchte hain, pratidin hanuman chalisa ka path karte hain, garibon v apne ghar men kam karne valon ki sahayta karte hain, apna vyavhar v acharan achcha rakhte hain, striyon v kanyaon ka adar karte hain to ap ke ghar men vastudosh ka prabhav kabhi bhi nahin parega.
jivan men jarurat hai jyotishiya margadarshan ki? abhi bat karen fyuchar point jyotishiyon se!