lalat ko dekhakar bhavishya ki jankari atah us par ubhri rekhaon ke vishay men sarlta purvak bahut kuch kaha ja sakta hai. manushya ka bhut, bhavishya aur vartaman sabhi kuch uske lalat ko dekhakar uska charitra, svabhav, manodsha ka sara hal jana ja sakta hai. lalat ya mastak ko do bhagon men banta gaya hai-
1. upri lalat
2. nichla bhag.
upri mastak sir ke samne ke bhag se madhya tak ke bhag ko lete hain. nichle ko ham madhya lalat se bhaunhon tak ke bhag ko le sakte hain. upri lalat (mastaka) halka gol: upri lalat sundar golai men ubhar lete huye madhya tak aye to is prakar ka vyakti vidya men medhavi, chalak tatha buddhiman hota hai. golai men nukilapan n ho anyatha vyakti buddhihin tatha murkh hoga. halke golai se vyakti dayalu svabhav ka tatha paropkari hota hai. aisa vyakti tarkashil aur tivra smaranashakti vala hota hai. aise vyakti jiddi svabhav ke hote hain tatha yatraon men ruchi rakhta hai. aviksit lalat: yah lalat gaddedar, chapta ya nukila hota hai. aise vyakti ke gunane men kami hoti hai. bekar ke aur bhadde vicharon vala, utavlapan, shighra krodh men anevala, bane kam ko bigarne vala hota hai.
pulis ya sena men aise log safal hote hain. yadi lalat atyadhik aviksit ho to vyakti dhokhebaj hota hai. inki smaran shakti bahut kamjor hote hanai. mastak par bal: yadi mastak par bal uge hon to aisa vyakti samanya se adhik chatur tatha buddhiman hota hai. chote tang lalat par bhi bal dur se uge hon to bhi vyakti buddhiman hota hai. yadi bal najdik se hane to inka mata-pita se vyavhar thik nahin hota. yadi kone men bal uge hon to aisa vyakti samanya se adhik mehnti hota hai. inke mitra kam hote hain. inhen pushtaini bimari bhi ho sakti hai. ye samay ka sadupyog nahin kar pate. yadi balon dvara t ki akriti bani ho to mitra banane men nipun hote hain. nichla mastaka: nichla mastak arthat bhauhon se upar ka bhag jin vyaktiyon ka sundar, samatal parantu halka sa ubhar liye ho to aisa vyakti karya karne se pahle us par pura vichar karta hai fir vah karya karta hai.
aise vyakti sundrta ke upasak hote hain. inke karya ki prashansa hoti hai. iska upri bhag jivan men lakshya ke prati sajgta darshata hai. yadi yah bhag spasht evan unnat ho to ve visham evan pratikul paristhitiyon ke hote huye bhi apne lakshya ke prati atyant dhairya se karya ko sanpann karte hain. is prakar ke lalat vale vyakti kavi, sangitkar aur kalakar hote hain. nichle hisson ke konon se chairai yadi ho to svatantra vichar hote hain. aise vyaktiyon ko jaldi karya karne ki kshamata hoti hai tatha ve dhani v sangit premi hote hain. madhya bhag: mastak ka yah bhag smaran shakti ka dyotak hai. jinka yah bhag sundar golai evan kinaron men halki dhalan liye ho to aise log vishvasniya svabhav ke hote hain. madhya bhag faila tatha chapta ho to vyakti krodhi hota hai.
yadi yah bhag daba hua ho to vyakti shankalu hota hai. is prakar ke vyakti svabhav ke chirchide hote hain. lalat ke is hisse men bal uge huye hote hain ve kam milnsar, dabbu tatha kisi ke dvara ki gai galti ko jald maf nahin karte. konon tatha antim hisse par adhik bal hon to aise vyakti ka jivan sangharsh men gujrta hai, adhik mehanat par labh prapt nahin hota. mastak ke konon ka tatha kanane ke upar ka bhag jinka adhik utha hota hai ve svabhav ke nirdayi evan krur hote hain.
saransh yah hai ki sundar lalat buddhimani ka pratik tatha achche gunon se yukt hota hai. yadi yah gaddedar n ho kar gahra ho to aise vyakti chalak evan kushal vyavhari hote hain. yadi samatal ho to bina vichar kiye kam karte hain.