hamare dharm shastron men yah bhi kaha gaya hai ki mrigon ka sneh akarshak hota hai. bhar vahan ki kshamata hamen unt se sikhni chahie. bhumi - gyan hamen mushak se leni chahie tatha nabh gyan hamen pakshiyon se lena chahie. gaj-ashva ko vishesh rup se puja jata hai. nilakanth ko vishnu rup hone ke karan pranam kiya jata hai. garur ki vandna dh aarmik mahatva rakhti hai. pitri paksh men kag ka ahnan kiya jata hai. mantra siddhi men ullu pujan kiya jata hai. vishesh dharmikotsav men shuk ka pujan kiya jata hai. devi devtaon ke vahan ke rup men sher, gaj, ullu, hans, mayur, mushak, garur, kabutar, bhainsa tatha shvan adi pujya mane jate hain. mahabhairav ke pujak kutte ko mithai khilate hain aur use vishesh sneh diya jata hai. nandi dev nandi bail n sirf bhagvan shiv ka vahan hai balki unke ganon men sarvashreshth bhi mane gaye hain. shastron ke anusar bhagvan shankar ka nandi ko yah vardan hai ki jahan nandi ka nivas hoga vahan unka bhi nivas hoga. isilie nandi ka pujan shiv pujan ke saman hai tatha yah bhagvan shiv ke pujan ka ek abhinn ang hai. nandi ko purusharth ka pratik mana gaya hai. ve sadaiv apne netra apne isht par rakhte hanai.
nandi ke darshan kar unke singon ko sparsh kar mathe par lagaya jata hai. yah aradhak ki sadbuddhi, vivek, gyan evan vivek jagrit karta hai. gajraj puranon men anek sthanon par alaukik gaj ka ullekh hua hai. yah mana jata hai ki airavat nam ka yah gaj samudra manthan ke samay sagar se utpann hua hai. iske darshan matra se vyakti aur dev donon dhanya hote hain. yah hathi devtaon aur asuron dvara kie gae samudra manthan ke dauran nikali gai 14 mulyavan vastuon men se ek tha. manthan se prapt ratnon ke bantvare ke samay airavat ko indra ko de diya tha. lakshmi puja men ise shamil karne se devi lakshmi shighra prasann ho apne bhakt ki sabhi manokamnaen purn karti hain. vijydshmi ke din gaj evan ashva ki puja raj-parivaron ki puja ka aham bhag hai. gajraj ke nitya darshan pujan kar ap svayan ko dhanya kar sakte hain. kutta bhairav dev ke nam jap se manushya ko kai rogon se mukti milti hai. bhairav dev ki puja karte samay kutte ki puja ya kutte ko bhojan dene ka vishesh vidhi-vidhan hai. kal bhairav ko kashi ke kotval ka nam diya jata hai.
yadi ap par shani sarhesati/dhaiyya ka prakop chal raha hai ya fir apki janm kundli men kalasarp yog ya isi prakar ka anya koi ashubh yog ban raha hai to iske nivaran ke lie apko bhairav ji ki aradhna karni chahie. bhairav aradhna se shani, rahu, ketu ka prakop shant hota hai. aradhna ka din shanivar ya manglvar niyukt karen. bhairav aradhna ke bad kutte ka darshan kiya jata hai. ullu hindu sanskriti men ullu ka vishesh mahatva hai. yah sarvavidit hai ki ullu dhan ki devi lakshmi ji ka vahan hai. ghar-parivar ya vyaparik kshetra men dhan agaman evan sthirta ko banaye rakhne ke lie dipavli ki ratri ullu ka pujan darshan bhi kiya jata hai. mahalakshmi ji dhan-dhanya pradan karne vali devi kahi gai hain. aur lakshmi ji apne vahan ullu par baithakar hi divali ki shubh ratri par apke yahan agaman karti hain. is ratri men ullu darshan karna saubhagya v dhan ka suchak mana gaya hai. tantra shastra ke anusar lakshmi vahan ullu tantra shaktiyon ka svami kaha gaya hai. mahalakshmi multah ratri ki devi hain. devi lakshmi ko prasann karna chahte hain to ullu par virajman rup men lakshmi ji ka darshan pujan kiya karen. lakshmi pratima ke sath ullu ki pratima ka pujan karna shubh falon ko barhata hai.
yahi karan hai ki lakshmi ji ko ulluk vahini kaha jata hai. ullu par virajman lakshmi apratyaksh dhan arthat kala dhan kamane vale vyaktiyon ke gharon men ullu par savar hokar jati hain. mushak hindu dharm men bhagvan shri ganesh ka advitiya mahatva hai. puja-path ho ya vidhi-vidhan, har manglik, vaidik karyon ko praranbh karte samay sarvapratham bhagvan ganpti ka sumiran karte hain. yah buddhi ke adhidevta vighnanashak hain. ganesh shabd ka arth hai ganon ka svami. shri ganesh ko prasann karne ke lie shri ganesh vahan mushkraj ki pratima ka pujn-darshan bhi ganpti pujan darshan ke saman fal deta hai. donon ka ek sath pujan darshan kiya jay to adbhut fal prapt hote hain. ganesh dev ke smaran matra se hi sankat dur hokar shanti aur samriddhi a jati hai. ganesh puran ke anusar pratyek yug men ganesh ji ka vahan alag raha hai - satyug - bhagvan ganesh ji ka satyug men vahan sinh hai aur unki bhujaen 10 hain tatha is yug men unka nam vinayak hai. tretayug - shri ganeshji ka tretayug men vahan mayur hai isilie unko mayureshvar kaha gaya hai. unki bhujaen 6 hain aur rang shvet. dvapryug - dvapryug men unka vahan mushak hai aur unki bhujaen 4 hain.
is yug men ve gajanan nam se prasiddh hain aur unka varn lal hai. kaliyug - kaliyug men unka vahan ghora hai aur varn dhumravarn hai. inki 2 bhujaen hain aur is yug men unka nam dhumraketu hai. shri ganesh ke nimn mantra ka jap karne se sabhi badhaon ka ant hota hai. ¬ gan ganptye nam: is bar jab ap ganpti aradhna karen to mushak raj ki pratima ka pujn-darshan karna n bhulen. kachua dharm granthon ke anusar bhagvan vishnu n kurm (kachue) ka avtar lekar samudra manthan men sahayta ki thi. bhagvan vishnu ke kurm avtar ko kachchap avtar bhi kahte hain. padm puran ke anusar kachchap ke avataran men bhagvan vishnu ne mandrmandranchal parvat tatha shri vasuki arthat sheshnag ki sahayta se devon env asuron ne samudra manthan karke chaidah ratnon ki prapti ki islie uski puja-archana bhi ki jati hai aur ise shubh mana jata hai. kachue ko ghar men rakhne se kamyabi ke sath-sath dhan-daulat ka bhi samavesh hota hai. ise apne aufis ya ghar ke uttar disha men rakhen. kachue ke pratik ko kabhi bhi bedrum men n rakhen. kachua ki sthapna hetu sarvottam sthan draing rum hai. kachue ke pratik ko ghar men rakhne se arthik unnati hoti hai.
matsya matsya avtar bhagvan vishnu ke pratham avtar hanai. devi lakshmi bhagvan vishnu ji ki dharmapatni hain. shri vishnu ke kisi bhi rup ki puja karne se vyakti ko dharm, arth, kam aur moksh ki prapti hoti hai. matsya avtar ke vishay men do manyataen prachlit hain. jo is prakar hain- matsya avtar bhagvan vishnu ke pratham avtar hain. machli ke rup men avtar lekar bhagvan vishnu ne ek rishi ko sab prakar ke jiv-jantu ekatrit karne ke liye kaha aur prithvi jab jal men dub rahi thi, tab matsya avtar men bhagvan ne us rishi ke nav ki raksha ki. iske pashchat brahma ne punah jivan ka nirman kiya. ek dusri manyata ke anusar ek rakshas ne jab vedon ko chura kar sagar ki athah gahrai men chupa diya, tab bhagvan vishnu ne matsya rup dharan karke vedon ko prapt kiya aur unhen punah sthapit kiya. mor hindu pauranik kathaon ke anusar bhagvan murugan ya kartikey ka vahan mor hai. mor ke pankh ko bhagvan shrikrishn ne apne mukut par sushobhit kiya hai. puranon men ullekh hai ki devasur sangram men bhagvan shiv ke putra murugan (kartikey) ne danav tarak aur uske do bhaiyon sinhamukham evan surapadamn ko parajit kiya tha.
apni parajay par sinhamukham ne mafi mangi to murugan ne use ek sher men badal diya aur apni mata durga ke vahan ke rup men seva karne ka adesh diya tatha dusre ko mor banakar apna vahan bana liya. bhagvan shri kartikey ko prasann karne ke lie unki puja-aradhna unke vahan mor ke sath ki jati hai. kaha jata hai ki iska sanketik arth yah bhi hai ki kartikey ne man rupi chanchal mayur ko sadh liya hai. sinh durga ko sinhvahini hi kaha jata hai aur sinh svayan shakti, bal, parakram, shaurya aur krodh ka pratik hai. sher ki yah sabhi visheshtaen man durga ke svabhav men maujud hain. sher ki dahar ki hi tarah man durga ki hunkar bhi itni tej hai, jiske age koi bhi avaj sunai nahin de sakti. sinh durga ka vahan hai. sinh shaurya, vijay aur akramkta ka pratik hai. sanket yun hai ki buraiyon par vijay pane ke lie akramak aur krur hona bhi jaruri hai. durga aradh akon ko mata ka pujan karte samay pratima rup men sinh ka darshan pujan karna chahie. isse mata ka ashirvad shighra prapt hota hai. hiran 9 grahon men shani dev ko sabse adhik kasht dene vala grah mana gaya hai. nyay aur samta ke lie shani dev karya karte hain. jo vyakti anyay aur asatya ka sath deta hai, shanidev nyay vyavastha ko santulit rakhte hain. shani dev ek matra aise grah hanai jinke nau vahan hain. aur in 9 vahnon men virajit shanidev ki puja karne se sabhi ko alg-alag fal milta hai.
vishesh vahan par savar shani dev ki puja kar ap anukul fal pa sakte hain. shastron men yah bhi kaha gaya hai ki har vahan vishesh ichcha aur fal ke lie uttaradayi hota hai, aur agar shanidev ki us vahan par puja kar li jae to shani turant prasann ho jate hain. unt sabhi devi-devtaon ki koi n koi savari nishchit hai. apne bhakton ki prarthana puri karne ke lie devi-devta inhin savariyon (vahnon) par savar hokar apne bhakton ke pas ate hain. jaise - shri ganesh ki savari chuha, dev raj indra ki savari hathi, bhairav ji ki savari kutta, devi lakshmi ji ki savari ullu, yamraj ka vahan bhainsa, devi sarasvati ji ka vahan hans, ghoda - surya dev v shani dev ke nau vahnon men se ek hai. devi durga ka vahan sinh, kaua bhi shani dev ke vahnon ki shreni men ata hai. giddh bhagvan vishnu ji ka vahan hai. magaramachch bhagvan varun ka vahan hai, mor bhagvan shiv putra kartikey ka vahan hai evan hanuman ka vahan unt hai. yadi ap hanuman ji ko prasann karna chahte hanai to bhakti bhav se yukt hokar hanuman ki puja karte samay inke vahan ke bhi puja darshan karen, apko sakaratmak fal prapt honge.