kalasarp yog bhi grahan yog hai pan. mahesh chandra bhatt (jyotishacharya) pathvi par surya-chandra grahan hote hain aur unka dirghakalin prabhav bhi chal-achal sabhi par hota hai. kalasarp yog bhi grahan ka hi pratirup hai. janmakundli men yah hone par uska bhala-bura prabhav jatak par hota hai. brihat sanhita men barahmihir ne iski kafi charcha ki hai. kuch jyotishiyon ke anusar kalasarp yog ki kundli ke jatak ko 42 se 45 varsh ki ayu tak pareshani sahan karni parti hai. uske bad pira apne ap dur ho jati hai, parantu is bat ko manne ke lie koi thos shastriya adhar nahin hai.
'jatak tatvam' jyotish ratnakar, jain jyotish evan pashchatya jyotish vidvanon ne kalasarp yog ko manyata di hai. jain jyotish aur dakshin bharat ke prachin evan adhunik granthon men bhi kalasarp yog ka ullekh milta hai. hamare purvacharyon ne kalasarp shanti ka vidhan bataya hai. yah vidhan anek varshon se prachalan men hai. 'shantiratnam' granth men to kalasarp shanti ko janan shanti mana hai.
yah vidhi nadi ke kinare ya shmashan men shankar ji ke sthan par ki jani chahie, parantu kuch purohit apne hi gharon men ya yajmanon ke gharon men yah vidhi sanpann karate hain. lekin yah vidhi shastra sammat nahin hai. vidhi hetu muhurtt : yah karm kamya hai. iske lie muhurtt jaruri hai. ashvini, rohini, ardra, punarvasu, pushya, ashlesha, magha, uttara, hast, svati, anuradha, uttarasharha, shravan, dhanishtha, shattarka, revti in solah nakshatron men se koi bhi ek nakshatra is vidhi ke lie upyukt hai. yah vidhi tin ghanton ki hai. yani ek din men yah vidhi purn ho jati hai. kalasarp evan rahu ki pratimaon ko kalash par sthapit kar puja aranbh ki jati hai.
suvarn ke nau nag, kalasarp evan rahu ki pratima, unhen bhane vale anaj, dashdhanya, hvan samagri, pind adi taiyar karne ke bad puja sanpann hoti hai. sankalp, ganpti pujan, punyahvachan, matri pujan, nandi shraddh, navagrah pujan, hom hvan ye pramukh baten is vidhan ki hai. is vidhi hetu svayan ke lie naye vastra dharan kiye jate hain tatha brahman ke lie naye vastra, kam se kam ek gram sone ki nag pratima aur apni shakti anusar dakshina di jati hai. 'jatak tatvam' jyotish ratnakar, jain jyotish evan pashchatya jyotish vidvanon ne kalasarp yog ko manyata di hai.
jain jyotish aur dakshin bharat ke prachin evan adhunik granthon men bhi kalasarp yog ka ullekh milta hai. kalasarp shanti vidhan : jyotishshastra ke anusar jatak ki kundli ka parikshan karna chahie. rahu ka adhidevta kal aur pratyadhidevta sarp hai. jyotishacharyon ke matanusar grah ki shanti ke lie adhidevta v pratyadhidevta ki puja karni chahie. islie is shanti ka nam 'kalasarp shanti' rakha gaya hai.
rahu, kal aur sarp tinon ki puja, mantra jap, dashansh hom, brahm bhojan, dan adi karna avashyak hai. kai vidvan kalasarp ko nagdosh manakar nagbli evan narayan bali ko bhi avashyak mante hain. jis prakar anya grahon ki shanti ke upay kiye jate hain, vaise hi yah bhi ek shanti-vidhi hai. yah ashubh karm nahin hai. pira nivaran ke lie yah shanti bhi ghar men hi niyamanusar karni chahie. naraynbli evan nagbli ke lie tirth sthan ya shivalay uttam sthal hai.
man ki shanti ke lie tirth ka mahatmya hai, lekin yadi ghar ke pas men hi shant v pavitra sthan hon to vahin sangopang vidhi karna adhik uchit hai. pravas men jitna samay lage, utni adhik vidhi karne se labh hoga. mantrajap ke lie shivmandir ko shreshth sthal kaha gaya hai.