hast mudra lakshan se falit ke. ke. nigam hathon ko chipane ya anguli se hatheli ko dhakne ka prayas karnaah is prakar ka jatak gudh vicharon vala hota hai tatha apni jigyasa jaldi prakat nahin karta hai, gopniya pravritti ka hota hai, uske charitra men kuch kalapan avashya hoga tatha vah kapti, jhutha, pakhandi v dhokhebaj ho sakta hai. hathon ki anguliyon ko chipane ka prayas karna : is prakar ke jatak ke man men koi gopniya bat hoti hai, vah bat karm sanbandhi ho sakti hai. lachile aur sfurti bhare hath ke sath ana : is prakar ke hath ka jatak tejasvi aur shaktishali hota hai, vah atm nirbhar, alp bhashi, sanymi aur buddhiman hota hai.
hathon ko dhila dhala aur nirjiv sa latkae hue ana- is prakar ke hath vala jatak nirnay aur uddeshya ki mansikta se hin, alsi aur apne sanbandh men achcha bura sochne ki shakti se hin hota hai. hathon ko apni-apni or latke hona, par muthithyan majbuti se band : is prakar ke hath vale vyakti kisi bare sankalp ya nishchay ko lekar pareshan hote hain, parantu band muththi yah batati hai ki jatak men atut jivan shakti hai. drirh nishchay kaisa aur kitna hai yah is bat par nirbhar karta hai ki muththi kitni komlta ya majbuti se band hai. yadi muththi komlta se band hai to yah drirh sankalp ka sanket deti hai par ismen avesh nahin hota hai. parantu yadi muththi kasakar bandhi hai to yah is bat ka sanket hai ki jatak avesh men bhi hai. manushya ke hathon ko dekhakar vastavik falit karne ke lie avashyak hai ki prichchak ke ate samay uske hathon ki gatividhiyon se uske hath dikhane ke pahle hi kafi kuch jankari jatak ke vishay men devagya ko prapt ho jae.
bayan hath bagal men tatha dayan hath sine par : is prakar se ane vale jatak ki kalai yadi shalinta se muri ho, madhyam evan tarjani anguliyan apas men muri hon to aisa jatak kalatmak gunon se bharpur tatha suruchi purvak karya karne vala hota hai. is prakar se ane vale jatak adhikatar mahilaen hoti hain. kabhi hath niche karna, kabhi jeb men dalna : is prakar se ane vale jatak ka uddeshya anishchit hota hai, iske manobhav uske niyantran men nahin hote kintu aise jatak aksar majbut charitra ke hote hain kintu inhen nirdeshan ki avashyakta hoti hai. hathon ko sharir ke age ya thora sa bagal men rahne dena : eaisa jatak shankalu aur shakki svabhav ka hota hai aur har vastu sthiti ki thah lene ke bad hi nirnay leta hai. hathon ko rumal se lapette- kholte ana : apne vastron ko chute hue ya batan adi ko chute hue ana. is prakar ke jatak adhir, vyagra aur palabhar men uttejit ho jane vale hote hain. hathon ki muthithyan kasi hui, kuhni jhuki hui aur banhe kaman ki tarah kasi hui hona : is prakar ke jatak dammi v laraku, manovritti ke hote hain. donon hathon ko is tarah malna jaise dho raha ho : is prakar se ane vale jatak dhurt aur chalak, dhongi v avishvasniya prakriti ke hote hain. hath piche paraspar bandhe hue aur ankhen jaise kuch dhundh rahi hon : is prakar ka jatak kisi bhi prakar ke lalach men nahin fansne vala tatha darpok hota hai.