sarvatobhadrachakra se vyapar ki teji-mandi ka akln  

duniya ke lagabhag har desh men sheyar market hai aur iske brihat rup ka andaja ap isi bat se laga sakte hain ki keval bharat men chaim evan thaim par dainik ausat karobar (kaish evan vayda) lagabhag 300000 karor rupye hai. iske atirikt dabg ka ausat dainik karobar lagabhag 25000 karor rupye hai. sheyar bajar ek paise banane evan ganvane ki mashin ki tarah hai aur arthashastriyon evan visheshagyaon ne iski teji-mandi ko samjhne ke anekon ganitiya formule banaye par koi bhi karagar siddh nahin ho paya hai. arthashastra ke niyamanusar kisi vastu ke mulya men teji tab ati hai, jab us vastu ki apurti ki apeksha mang adhik ho aur iske viprit mandi tab ati hai, jab agar apurti ki apeksha mang kam ho. apurti to mukhyatah upaj, vatavaran, mausam, varsha adi anekon bhaugolik ghatkon par adharit hoti hain jisapar manviya bas nahin chalta. vaidik jyotish ke antargat ‘mediniya jyotish’ shakha par anekon rishiyon ne bahumulya karya karke is kshetra men bhi janhit bhavna se bahumulya yogdan diya hai aur yah spasht kiya hai ki bhachakra men nihit grahon ke gochar dvara rashiyon, nakshatron, svar, vyanjnon var aur tithiyon adi par prabhav parta hai jisse jatak, desh aur vastuen adi prabhavit hoti hain.

paraspar prabhavon ko samjhane ke lie rishiyon ne vibhinn chakron ka nirman kiya jinmen se ek mahatvapurn evan prachlit chakra hai ‘sarvatobhadra chakra’. sheyar bajar men teji-mandi ke lie ‘sarvatobhadra chakra’ adhik prachlit hai aur yah is lekh ki vishay vastu bhi hai. is chakra ka upyog vyapak hai isilie ismen sabhi anekon avayav samahit hain, parantu sheyar bajar ki teji-mandi ke lie gochar grahon ka nakshatron par shubhashubh prabhav hi adhik mahattvapurn hai. sarvatobhadra chakra sarvatobhadra ka shabdik arth hai ‘sabhi prakar se shubh’ ya ‘sabke lie shubh’. iska mul srot ‘brahmayaml’ namak granth hai. is vishay ka vishesh parichayak granth ‘brihadarghamartanda’ bhi hai jiska laghu rup ‘argh martanda’ hai. sarvatobhadra chakra par vidvanon ki tippaniyan aur vyakhyaen bhi ai hain jinmen se adhik ullikhit narpti ji ki narptijayacharya hai jo lagabhag 1232 isvi ki hai aur uska mukhya uddeshya rajaon ko yuddhadi vishyon par sahayta karna tha.

iske atirikt garg, mansagri adi men bhi sarvatobhadra chakra ka ullekh hai. mantreshvar ji ne bhi faldipika ke gocharafal adhyay men is chakra ka ullekh evan vidhi batai hai parantu unhonne jatak ke pariprekshya se hi iska vichar kiya hai. ‘argh martanda’ men vastuon men teji-mandi ke faladesh par adhik vichar kiya gaya hai. ‘argha’ ka shabdik arth hi ‘mulya’ hai. sarvatobhadra chakra ko ‘ekashitipad chakra’ (81 koshthak vala chakra) aur ‘trailokyadipk’ (tinon lokon ka dipk) bhi kahte hain. is chakra ka upyog vyapak hai. jatak (muhurt, rog, prashn adi sabhi vichar), kshetra, rajya, desh, vishva ke sabhi vishyon ke lie iska prayog kiya ja sakta hai. adhunik samay men sarvatobhadra chakra ka sabse prachlit prayog bajar men vastuon ki teji-mandi ke falit ke lie hi kiya jata hai.

aiye, sarvapratham iske nirman aur uske uprant isse falit ki vidhiyon ko samjhe . chakra nirman vidhi sarvatobhadra chakra ke anya prachlit nam ‘ekashitipad chakra’ se hi spasht hai ki is chakra ka sambandh 81 sankhya se hai. yah chakra 9ga9 tra 81 koshthak ka hota hai aur ismen nimn 81 avayav hote hainah ƒ '16 svar ƒ '20 vyanjan ƒ '28 nakshatra (abhijit sahit) ƒ '12 (rashiyan) ƒ '05 (tithiyan) sarvatobhadra chakra ke nirman hetu nimn charnon ko kramabaddh apna sakte hainah ƒ sarvapratham 9ga9 ka 81 koshthak vala varg bana len jismen pratyek koshthak sam chatushkon honge. ƒ charon mukhya dishaon aur charon koniya dishaon men dishaen namankit kar den. ishan (uttara-purva), purva, agney (dakshin-purva), dakshin, nairritya (dakshin-pashchim), pashchim, vayavya (uttara-pashchim) aur uttar ƒ ab 16 svaron ko char-char karke ishan adi konon men likhen. likhne ka kram ek-ek kar ke sadaiv srishti kram (ghari ki disha) ka hi rahega.

ishan se shuru karte hue pahle mukhya char konon men a, a, i, i likhane, fir tirche (kapanhvdans) kram se charon konon men u, u, ri, ri (dirgh ri) aur fir isi kram men lri, lri, e, ai aur o, au, an, aah likhen ƒ ab nakshatra sthapna karni hogi jo abhijit sahit kul 28 hain. ishan se agni kon vali pankti ke pahle koshthak men ‘a’ aur antim men ‘a’ pahle se hi hain, shesh 7 koshthakon men kritika se ashlesha tak 7 nakshatra sthapit kar den, fir agni se nairritya kon vali pankti men magha se vishakha tak, nairritya se vayavya kon vali pankti men anuradha se shravan tak (abhijit n bhulen), vayavya se ishan kon vali pankti men shesh ghanishtha se bharni tak nakshatra sthapit kar den. ƒ iske bad 20 vyanjnon ko sthapit karenge.

bharni aur magha ke bich purva disha men panch koshthakon men a v k h d sthapit karen, fir m t p r t ko ashlesha aur anuradha men bich dakshin disha men, fir n y bh j kh ko vishakha se ghanishtha ke bich pashchim disha men aur akhiri men shravan aur kritika men bich uttar disha ke panch koshthakon men g s l d ch sthapit karen. ƒ 12 rashiyon ki sthapna ke lie vrish, mithun, kark ko purva men ashvini aur purva falguni ke madhya, sinh kanya tula ko dakshin men pushya aur jyeshtha ke madhya, vrishchik dhanu makar ko pashchim men svati aur shatbhisha ke madhya aur kumbh min mesh ko uttar men abhijit aur rohini ke madhya likhen. ƒ ab apke pas chakra ka madhya koshthak aur usse charon mukhya dishaon men ek-ek koshthak rikt rahna chahie. purva ke rikt koshthak men nanda tithi (pratipda, shashthi, ekadshi), dakshin ke rikt koshthak men bhadra tithi (dvitiya, saptami, dvadshi), pashchim ke rikt koshthak men jaya tithi (tritiya, ashtami, trayodshi), uttar ke rikt koshthak men rikta tithi (chaturthi, navmi, chaturdashi) aur shesh madhya rikt koshthak men purna tithi (panchmi, dashmi, purnima/amavasya) sthapit kar den.

tithiyon ke inhin koshthakon men varon ko bhi likh den, mangal surya ko nanda ki koshthak men, chandra budh ko bhadra ke koshthak men, guru ko jaya ke koshthak men, shukra ko rikta ke koshthak men aur shani ko purna koshthak men likh den. ƒ antim charan men pratyek nakshatra se bayin or tirchi, dayin or tirchi aur sidhi rekha is prakar khinchen ki pratyek nakshatra ka bayen, dayen aur sidhe chor par sthit nakshatra se sanbandh ban jae. uprokt charnon ka anusaran karne par nimn sarvatobhadra chakra nirmit hogaah jaisa uprokt varnit hai ki sarvatobhadra chakra se sabhi prakar ka faladesh diya ja sakta hai isilie is chakra men nakshatra ke atirikt rashi, svar, vyanjan, tithi, var adi sabhi samahit hain. is chakra ke aur adhik sukshm rup men nakshatra ke charon charan evan nakshatra-charan sambandhit namakshar adi ko bhi samahit kiya jata hai.

sheyar bajar evan vastuon adi men teji-mandi ke lie gochar grahon dvara keval nakshatron ka hi vedh mahattvapurn hai. vishleshan vidhi prashn samay par gochar grahon ke nakshatra anusar unhen chakra men sthapit karke unka prabhav dekh kar falit kiya jata hai. iske lie sarvapratham grahon ki shubhta-ashubhta, gati, vedh aur nakshatra sambandhit vastuon adi ko samjhna hoga. shubh-ashubh grah naisargik adhar par hi hote hainah ƒ ashubh: surya, mangal, shani, rahu aur ketu ƒ shubh: guru aur shukra ƒ paksh bali chandra shubh anyatha ashubh. shubhyukt evan yutihin budh shubh aur ashubh-yukt budh ashubh grahon ki gati shighra se mand ka kram haiah chandra, budh, shukra, surya, mangal, guru, rahu/ketu, shani. grahon ki dainik ausat gati bhed: surya aur chandra sadaiv margi rahte hain. rahu aur ketu sadaiv vakri rahte hain. shesh grah mangal, budh, guru, shukra aur shani margi aur vakri hote rahte hain.

margi hone par grahon ki dainik gati char ya to madhya hota hai ya shighra. inke man nimn hote hainah mangal budh guru shukra shani madhyachari 31sh26.5sh 59’08.2sh 04’59. 1sh 59’08sh 02’01.9sh shighrachari 39’01sh 104’46sh 12’22sh 73’43sh 05’27sh param shighrachari 46’11sh 113’32sh 14’04sh 75’42sh 07’45sh isko is prakar samjhen: madhyachari se kam gati hone par mand, shighrachari se kam gati hone par madhyachari aur parmshighrachari se kam gati hone par shighrachari. grahon ki vedh-drishti: grahon ki parashri drishti aur rashiyon ki jaimini drishti se to ap vakif hi hain, kuch isi prakar vedh ko bhi manen. vedh ke shabdik arth ‘chedna dri jav chapmtbm’ ki bajay ise drishti ke samakaksh hi manen.

yah ek prakar ki sukshm drishti hai jo svar, akshar, nakshatra, tithi adi par hoti hai. grah apni chakra-sthiti se tin prakar ka vedh karte hainah ƒ 'vam (bayin) vedh ƒ 'dakshin (dayin) vedh ƒ 'sammukh (sidhi) vedh gocharavash grah kis-kis avayav ka vedh kar raha hai, yah uski tatkalik char/chal vakri ya margi (margi men madhya ya shighra) par adharit hota hai. surya-chandra sadaiv margi rahte hain aur rahu-ketu sadaiv vakri islie inki chal men bhed nahin kiya jata aur ye sadaiv tinon prakar ke vedh karte hain (yahan kuch matantar hai, jaise mantreshvar ji surya-chandra ki keval vam/ bayan aur rahu-ketu ki keval dakshin/dayan vedh hi mante hain). shesh panchon grah vakri ya margi hone ke hisab se vedh karte hain. vakri hone par keval vam/bayin, shighra hone par keval dakshin/ dayin aur madhyachari hone par keval sammukh/sidhi vedh karte hain. faldipika ke anusar jab ashubh grah vakri hote hain to adhik ashubh ho jate hain aur shubh fal vakri hone par adhik shubh.

sankshep men tin prakar ke vedh nimn hainah ƒ 'vam vedh se nakshatra, svar aur akshar ka vedh hota hai. ƒ 'dakshin vedh se nakshatra, svar aur akshar ka vedh hota hai. ƒ 'sammukh vedh se keval nakshatra ka vedh hota hai. vedh ka mahatva isilie hai kyonki isi se shubhashubh prabhav ka akalan hota hai, atah ise samjhna atyant mahatvapurn hai. dhatu-jiv-mul: shani, rahu aur mangal ko dhatu ka svami mana gaya hai, dhatu ve sabhi vastuen hain jo jamin ke niche se niklti hain, jaise khanij, sona, chandi, mitti adi. guru aur chandra ko jivon ka svami mana gaya hai, jiv se tatparya manushya, kire-makore adi sabhi jiv se hai. surya, shukra aur ketu ko mul ka svami mana gaya hai, mul se abhipray un sabhi vastuon v padarthon se hai jo prithvi se juri hain jaise vriksh, jhari, belen, prithvi se utpann hone vali sabhi vastuen. falit vidhi: uprokt jankari ke pashchat prashnakarta ke samyanusar yah dekhen ki kaun sa grah gocharavash kis nakshatra men sthit hai aur us grah ko uski nakshatra-sthiti anusar sarvatobhadra chakra men sthit karen.

iske uprant dekhen ki grah kis-kis ka vedh kar rahe hain. sarvatobhadra chakra men shubh grahon ke vedh se mandi aur ashubh grahon ke vedh se teji ati hai. jaisa uprokt varnit hai ki chandra ki shubhta-ashubhta uske paksh bal se aur budh ki shubhta-ashubhta uski yuti par adharit hoti hai, atah iska dhyan rakhe. jo svar-vyanjan, rashi, nakshatra, tithi, var adi gochar grah ki dayin v bayin pankti men ayenge, un sabhi ka dayan v bayan vedh mana jaega parantu sammukh hone vale vedh men keval nakshatra ka hi vedh hota hai. svar vedh men vishesh dhyan rakhna hota hai ki kuch svar-samuhon men se kisi ek svar ka bhi vedh hone par dusre ka bhi vedh mana jata hai, ye svar-samuh hainah a a, i i, u u, ri ri, lri lri, e ai, o au aur an aah.

udahrn: surya gocharavash kritika nakshatra men hai aur surya tinon disha men vedh karte hain to ve nakshatra bharni, svar a, rashi vrish, tithi nanda evan bhadra, rashi tula, vyanjan t, nakshatra vishakha evan shravan ka vedh karenge.

sheyar bajar aur vastuon ki teji-mandi ke akalan ke lie grahon ka keval nakshatra par hi vedh dekha jata hai. udaharan ke taur par man len ki hamen sheyar bajar ke vibhinn sheyron/vastuon ke kisi vishesh din ke bhavon ka akalan karna hai to us din ke gochar grahon ko chakra men sthit karke un nakshatron ko not kar lenge jo shubh aur ashubh grahon dvara vedhit ho rahe hain. vedhit nakshatron ko not karte samay grahon ki shubhta-ashubhta, gati, vedh disha, dhatu-mul-jiv svamitva adi ko bhi not kar len kyonki apko inke prabhav se falon ki matra men kuch sanshodhan karne parenge. ab nakshatron par shubh-ashubh vedh anusar yah nirdharit karen ki kaun-kaun si vastuon men teji kaun-kaun si vastuon men teji-mandi aegi. jaisa pahle likh chuke hain ki sarvatobhadra chakra men shubh grahon ke vedh se mandi aur ashubh grahon ke vedh se teji ati hai. grahon ke nakshatra parivartan karne par teji-mandi prabhav bhi badal jata hai. nakshatron par prabhav se kaun se vastuon par prabhav parta hai unka sankshep men varnan nimn hainah ƒ ashvini: chaval adi sabhi dhanya, sabhi prakar ke vastra, ghi tel adi, pashu, sabhi prakar ke uni, suti, terikot adi vastra. ƒ bharni: sabhi trin gehun chaval chana jau adi dhanya, jira kali-mirch saunth pippal adi aushdhi upyogi padarth.

ƒ kritika: gehun chana chaval jau adi dhanya, manik hira dhatu (sona, chandi adi), til adi telvan padarth. ƒ rohini: gehun chana chaval jau adi dhanya, manik hira dhatu (sona, chandi adi), sabhi prakar ke ras, purane uni vastra kambal loi, shal adi. ƒ mrigshira: gay-bhains adi pashu, araharadhtuar dal, lakh tatha manik adi. ƒ adrra: tel namak aur sabhi prakar ke kshar (amliya) padarth, ras padarth, chandan adi sugandhit padarth. ƒ punarvasu: sona, chandi, rui, shyam varn ka reshmi vastra, jvar, bajra. ƒ pushya: sona, chandi, ghi, chaval, sendha namak, sarson, hing, tel adi. ƒ ashlesha: ganne ke ras se bane dravya (gud, chini, khand adi), kalimirch, genhu, saunth, chaval, masur adi. ƒ magha: tel, til, ghi, mung, chana, alsi, gur, kanguni (jari-buti), munga adi. ƒ purva-falguni: kambal loi un adi uni vastra, jvar, bajra adi ann, til, sone-chandi ke abhushan. ƒ uttara-falguni: urad mung adi dalen, chaval, sendha namak, lahsun adi. ƒ hasta: chandan, kapur, devdaru (kmavakant bamkant), kand (alu adi). ƒ chitra: sona, ratn, mung, urad, munga, pashu, vahan adi. ƒ svati: supari, kali-mirch, sarson, tel, ghi, rai, hing, sukhe meve (khajur adi).

ƒ vishakha: gehun, chaval, jau, mung, masur, dhanya, moth adi dalen, rai adi. ƒ anuradha: tuar/arahar adi bina chilke ki sabhi dalen, mauth, chaval, chana adi. ƒ jyeshtha: guggalu (kantedar vriksha), gur, lakh, kapur, para, hing, kansya adi. ƒ mul: sabhi prakar ki safed vastuendhpadarth, sabhi rasdar padarth, sabhi prakar ke dhanya, sendha namak, rui, dhaga adi. ƒ purva-asharh: anjan (surma), chilke vale dhanya, ghi, kanda-mul-fal, chaval adi. ƒ uttara-asharh: ghi, pashu, sona chandi loha adi dhatu, sabhi vahan adi. ƒ abhijit: dakh (munakka, angur), khajur, ilaychi, jayafal, supari, javitri adi. ƒ shravn: akhrot, chiraunji, supari, mithe padarth, ful, dhanya adi. ƒ ghanishtha: sona, chandi, pital adi dhatuen, sabhi prakar ke mudra ke sikke, manik, moti, ratn adi. ƒ shatbhisha: tel, madira, anvla, vrikshon ke mul-patra-chal adi. ƒ purva-bhadrapd: sabhi dhatuen, sabhi aushdhiyan, sugandhit dravya, sabhi dhanya, devdaru, javitri adi masale. ƒ uttara-bhadrapd: gud khand chini mishri, til sarson adi tilahan, khal chaval, ghi, manik moti adi. ƒ revti: nariyal supari adi sukhe fal, pansari ki sabhi vastuen, manik moti adi. sarvatobhadra chakra se falit ke uprokt niyam bajar ki samanya sthiti samajhakar hi manen. faladesh karte samay desh-kal-vastu ka vichar avashya karna chahie.

desh se tatparya hai ki desh ki rajnitik aur samajik sthiti ke anusar chakron ke falon men sanshodhan ho sakta hai. kal se tatparya hai ki ham kis prakar ke samay men hain, sambandhit vastu ka samaj ke lie kya upyog hai, kya us vastu ki mang mausam par adharit hai adi. iske atirikt grahon ke bal (uchch, nich, ast, vakri, rashi adi) aur dhatu-jiv-mul svamitva ka bhi sadaiv dhyan rakhna chahie. atah sabhi upasthit paristhitiyon ko dhyan men rakhakar hi sarvatobhadra chakra se falit kiya jana chahie. nishkarsh tantra pradhan chakron men samahit bhasha avyvon ko hindi vyakaran ke drishtikon se nahin parkhna chahie kyonki unmen samanyatah kuch trutiyan payi jati hain.

jatak sambandhit faladesh par to bahut kam hota a raha hai parantu sheyar bajar ki vastuon men teji-mandi par bahut kam shastriya granth upalabdh hain aur jyotishiyon dvara is par adhik karya karne ki avashyakta mahsus hoti hai. fyuchar point ka sheyar bajar par seminar karna bahut achcha kadam hai jisse adhik se adhik log isse akarshit hokar, is vaidik dharohar se labhanvit honge aur sathi jyotishi is disha men karya karne ko utsahit honge.